Teḛ-Raga 15:13 - Maktub gə́ To gə Kəmee

¹³ Mbɔl dɔ meekɔrjol ləi lé ɓa I ɔr ne no̰ dəwje neelé I ɔm dee ne tar, Mbɔl dɔ siŋgamoŋ ləi lé ɓa, I ɔr ne no̰ dee Par gə́ loo-sii gə́ to gə kəmee ɓəd’g lé.

Teḛ-Raga 15:13 ပူးပေါင်းရင်းမြစ်များ

Gḭ-Néje 19:16

To gə́ yeḛ tila gə́ tila ɓəi ndá diŋgamje neelé d’wa jia gə ji dené ləa gə ji ŋganeeje gə́ dené gə́ joo lé to mbata Njesigənea̰ ndigi kajee ya. Deḛ teḛ sə dee dan dee d’ya̰ dee gir ɓee-boo’g raga.

2 Samel 15:25

Mbai ula Sadɔk pana: Maji kari tel gə sa̰duk-manrɔ lə Ala aw ne mee ɓee-boo’g. Ɓó lé ma m’taa kəm Njesigənea̰ ndá yeḛ a tel səm kam m’oo sa̰duk-manrɔ neelé gə kəi-siée ndɔ gə́ gogo ɓəi.

Nehemi 9:12

I ɔr no̰ dee dan kàrá gə mum gə́ mbo̰ na̰ sururu ləm, Loondul’g ndá i ɔr no̰ dee gə pər gə́ mbo̰ na̰ sururu Gə́ ndogó rəw-kaw dee’g ar dee d’aw gée’g ləm tɔ.

Pakɔsje 106:9

Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 74:2

Koso-dəwje ləi gə́ i taa dee kédé ləw ba lé Maji kari ar məəi olé teḛ dɔ dee’g ya, Deḛ gə́ i nja uga dɔ dee asəna gə ginkoji gə́ to gə́ nédɔji ləi bèe, Mbal gə́ Sio̰ gə́ i ra loo-sii keneŋ lé kara Ar məəi olé teḛ dɔ’g ya ləm tɔ.

Pakɔsje 77:20

I woḭ rəw dan baa-boo-kad’g, I gɔl kila-rəw dan manje gə́ boo’g, Tor gɔlije lé dəw oo gogo el.

Pakɔsje 78:35

D’ar meḛ dee olé dɔ Ala gə́ to biri mbal lə dee ləm, Dɔ Ala gə́ to Njekurdɔloo gə́ to njetaa dɔ dee lé ləm tɔ.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Teḛ-Raga 15:17

I a ree sə dee, i a kunda dee dɔ mbal gə́ to nénduba ləi, Loo gə́ i wa dɔ gɔlee mba karee to loo-sii lé! Ǝi Njesigənea̰. Loo gə́ to gə kəmee doi gə́ jii-i Mbaidɔmbaije ɓa ra.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Esai 51:10

See to i ɓa ar baa-boo-kad yi ləm, Ar manje gə́ bwa-wəl gə́ uru lé tudu kurum-kurum ləma, Ar ŋgaw dan baa gə́ uru lé Tel to gə́ rəw ar koso-dəwje ləi gə́ i uga dɔ dee lé Dəs keneŋ ləm tɔ lé el wa.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Njé gə́ Epesə 2:4

Nɛ Ala gə́ to bao-meekɔrjol lé boo-meenoji ləa aree unda sí ne dan kəmee’g

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.