Teḛ-Raga 15:1 - Maktub gə́ To gə Kəmee

¹ Bèe ɓa Moyis gə Israɛlje d’ɔs pa nee d’ar Njesigənea̰. Deḛ pana: M’a kɔs pa kar Njesigənea̰ Mbata yeḛ ar rɔnduba ləa kila rəa kɔd, Yeḛ wa kunda gə njekalee na̰’d Ɓugu dee dan mán baa-boo’g.

Teḛ-Raga 15:1 ပူးပေါင်းရင်းမြစ်များ

Nehemi 9:11

I kai baa-boo-kad dana no̰ dee’g Ar dee dəs danee’g loo gə́ tudu kurum-kurum’g, Nɛ deḛ gə́ tuba goo dee lé I ɔs dee ɓugu dee ɓul mán’g To gə́ kɔr mbal gə́ oso ŋguru baa’g bèe.

Maktub gə́ wɔji dɔ Jɔb 36:24

Maji kar məəi wəi dɔ pidee dɔ kula reaje’g el, Dəwje lai pidee ne gə pakɔsje lə dee.

Pakɔsje 105:43

Yeḛ ar koso-dəwje ləa lé D’unda loo teḛ gə boo-rɔkal ləm, Koso-dəwje gə́ yeḛ ɔr dee unda dee gə kəmee lé Yeḛ ar dee d’unda loo teḛ gə ndu rɔlel ya ləm tɔ.

Pakɔsje 106:12

Deḛ d’unda meḛ dee dɔ taje’g ləa, D’ɔs ne pa pidee ne tɔ.

Pakɔsje 107:15

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje gə́ yeḛ ra ar dəwje lé ləm tɔ!

Pakɔsje 107:8

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 76:6

Bao-rɔje gə́ njékwa diŋgam meḛ dee’gje lé D’unda dee banrɔ ya, D’oso gə rudu ɓi lə dee, Deḛ bao-rɔje lai neelé d’oo loo kaḭ bada dɔ rɔ dee’g el.

Pakɔsje 76:7

Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

Teḛ-Raga 14:26

Njesigənea̰ ula Moyis pana: Ula jii ndiŋ gə dɔ mán baa-boo’g, bèe ɓa mán lé a tel tula dɔ njé gə́ Ejiptə gogo ləm, gə dɔ pusu-rɔje lə dee ləma, gə dɔ njérɔ gə kundaje lə dee ləm tɔ.

Teḛ-Raga 14:27

Moyis ula jia ndiŋ gə́ dɔ mán baa-boo’g. Loo àr yərərə mba̰ ndá mán baa-boo lé tel ula pujuju-pujuju, ndá njé gə́ Ejiptə d’aḭ, loo gə́ mán si jura gə́ dɔ dee’g, nɛ Njesigənea̰ ɓugu njé gə́ Ejiptə dan baa-boo’g wɔlɔg.

Teḛ-Raga 15:21

Miriam lé ila Israɛlje keneŋ pana: Ɔsje pa arje Njesigənea̰ Mbata yeḛ ar rɔnduba ləa kila rəa kɔd. Yeḛ wa kundaje gə njékal deeje na̰’d Ɓugu dee dan mán baa-boo’g.

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Gosota-Kəmkàrje 29:6

Loo ra majel lə dəw gə́ njemeeyèr lé gum to keneŋ, Nɛ njemeekarabasur ɔs pa rɔlel ləm, al rəa ləm tɔ.

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Jeremi 51:21

I ɓa m’uni m’tuji ne kunda gə njekuba na̰’d ləm, I ɓa m’uni m’təd ne pusu-rɔ Gə yeḛ gə́ si mée’g ləm tɔ.

Ojee 2:17

Lée gə́ neelé ɓa n’a karee kag-nduúje ləa ləm, Gə kəm wəl-loo gə́ ria lə Akɔr lé N’a karee tel to tarəw kunda mee yel ləm tɔ. Lée neelé ɓa yeḛ a kɔs pa keneŋ Asəna gə loo gə́ yeḛ nai ne gə ma̰dee ɓəi lé ləm, Esé asəna gə ndɔ gə́ yeḛ unda ne loo mee ɓee gə́ Ejiptə teḛ lé ləm tɔ.

Habakuk 3:18

Lée togə́bè kara ma m’ndigi kal rɔm no̰ Njesigənea̰’g, Ma m’ndigi kal rɔm no̰ Ala gə́ njekajim’g ya.

Bula lə Israɛlje 21:17

Yen ŋga Israɛlje d’ɔs pa nee pana: Bwa-mán, gə́ teḛ gə mán! Ɔsje pa ulaje ne rɔnduba dəa’g!

Njé gə́ Kolosə 2:15

Yeḛ tusu dəw-dɔ-looje gə njésiŋgamoŋje ŋgəw-ŋgəw ləm, yeḛ rab dee raga kəm dəwje’g ndəgəsə loo gə́ yeḛ dum dɔ dee gə kag-dəs ləa ləm tɔ.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,