Teḛ-Raga 14:8 - Maktub gə́ To gə Kəmee

⁸ Njesigənea̰ ar mee Parao̰ mbai gə́ Ejiptə ndər ya tɔ ndá yeḛ tuba goo Israɛlje. Njé gə́ Israɛl lé d’unda loo teḛ gə ji dee gə́ ɓar tar mèr-mèr.

Teḛ-Raga 14:8 ပူးပေါင်းရင်းမြစ်များ

Pakɔsje 105:43

Yeḛ ar koso-dəwje ləa lé D’unda loo teḛ gə boo-rɔkal ləm, Koso-dəwje gə́ yeḛ ɔr dee unda dee gə kəmee lé Yeḛ ar dee d’unda loo teḛ gə ndu rɔlel ya ləm tɔ.

Pakɔsje 86:13

Mbata meemaji ləi gə́ i ra səm lé Boo al dɔ loo sula ya, I nja ɔrm suna ɓee’g lə njé gə́ d’wəi’g.

Teḛ-Raga 10:27

Njesigənea̰ ar mee Parao̰ ndər ndá Parao̰ ndigi kya̰ dee kar dee d’aw el.

Teḛ-Raga 13:16

Néje neelé d’a to nétɔji gə́ to ji sí’g ləm, a to nékolé mee gə́ to ŋgo no̰ sí’g ləm tɔ: mbata ji siŋgamoŋ lə Njesigənea̰ gə́ ɓar mèr-mèr lé ɓa yeḛ ar sí j’undaje ne loo mee ɓee gə́ Ejiptə teḛje ya.

Teḛ-Raga 13:18

Nɛ Ala ar koso-dəwje d’un rəw gə́ ɔr goŋ par gə́ dɔdilaloo’d gə́ aw par gə́ baa-boo gə́ ria lə baa-Kas. Israɛlje lé d’wa nékadje ji dee’g ɓa d’unda ne loo mee ɓee gə́ Ejiptə teḛ ya.

Teḛ-Raga 13:9

Naḭ neelé a to nétɔji gə́ a to ji sí’g ləm, a to nékolé-mee gə́ a to ŋgo no̰ sí’g ləm tɔ gə mba kar godndu Njesigənea̰ to ne tai’g.

Teḛ-Raga 14:17

Nɛ ma lé m’a gə kar meḛ njé gə́ Ejiptə ndər gə mba kar dee d’andə goo dee’g, togə́bè Parao̰ gə njérɔje ləa lai, gə pusu-rɔje ləa ləm, gə njérɔ gə kundaje ləa ləm tɔ lé d’a kar rɔnduba ləm kila ne rəa kɔd ya.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 14:7

Ndá yeḛ odo pusu-rɔje gə́ maji dum mareeje as tɔl-misa̰ (600) ləm, gə pusu-rɔje gə́ Ejiptə lai ləm tɔ. Ɓé-njérɔje d’isi mee pusu-rɔje’g kára-kára lai ya.

Teḛ-Raga 15:9

Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.

Teḛ-Raga 4:21

Njesigənea̰ ula Moyis pana: Tel gə́ i a gə tel kaw Ejiptə gogo lé aa oo, némɔrije lai gə́ m’ɔm jii’g lé i a ra dee no̰ Parao̰’g ya. Nɛ ma lé m’a kar mée ndər ndá yeḛ a kya̰ loo kar koso-dəwje lé d’aw el.

Teḛ-Raga 6:1

Njesigənea̰ ula Moyis pana: Ɓasinè i a koo né gə́ m’a gə ra gə Parao̰, ji siŋgamoŋ gə́ ɓar mèr-mèr lé ɓa a kɔsee ɓɔḭ-ɓɔḭ gə mba karee ya̰ dee ar dee d’aw ləm, ji siŋgamoŋ gə́ ɓar mèr-mèr lé ɓa a kɔsee karee tuba dee ne mee ɓee’g ləa ləm tɔ.

Teḛ-Raga 9:12

Njesigənea̰ ar mee Parao̰ ndər gə́ kédé-kédé, ndá Parao̰ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa ar Moyis kédé lé.

Nɔ̰-ndôo gə́ wɔji dɔ Jerusalem 3:65

Ar meḛ dee ndər siŋ-siŋ ləm, Ar ndɔl wa dɔ dee ləm tɔ.

Ləbije 26:13

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje ləm, m’ɔr sí kula ɓər’g ləm tɔ, ma m’gaŋg kúla néməməna̰ gə́ to gwɔb sí’g m’ar sí undaje dɔ sí tar njaaje ne ya.

Bula lə Israɛlje 33:3

Ndɔ dɔg-giree-mi lə naḭ gə́ dɔtar lé deḛ d’ḭ ɓee gə́ Ramsɛs d’ɔd d’aw. Bèlè lookàree gə́ orè goo ndɔ Pag lé Israɛlje d’unda loo teḛ gə ji dee gə́ ɓar tar mèr-mèr kəm njé gə́ Ejiptə’g lai.

Néra Njékaḭkulaje 13:17

Ala lə koso-dəwje gə́ Israɛl neelé ɓa mbər ka síjeḛ ya. Yeḛ ila riɓar dɔ dee’g loo gə́ deḛ nai ne Ejiptə’g ɓəi tɔɓəi yeḛ ɔr dee keneŋ gə jia gə ɓar mèr-mèr.

Tel tura Godndu 26:8

Gelee gə́ nee ɓa Njesigənea̰ ar sí j’undaje ne loo mee ɓee gə́ Ejiptə n’teḛje gə ji siŋgamoŋ ləa gə́ ɓar mèr-mèr gə́ yeḛ ula ndiŋ ləm, gə nédumkooje gə́ to ɓəl ləma, gə nétɔjije gə némɔrije ləm tɔ.

Tel tura Godndu 32:27

Nɛ ma m’ɓəl dɔ ta rɔkul’g lə njéba̰je ləm ləm, Ma m’ɓəl nà njékoma̰ sə deeje D’a ti rɔ dee pa ne pana: Ji síjeḛje ya ɓar mèr-mèr, Ɓó Njesigənea̰ ɓa ra néje neelé el.

Jujé 11:20

Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ.

Njéga̰g-Rəwtaje 4:7

ndá neḛ lé n’a kɔs Sisera, mbai dɔ njérɔje lə Jabḭ gə pusu-rɔje ləa, gə kudu njérɔje ləa kar dee rəm pər gə́ rɔi’g ta mán gə́ Kison ndá n’a kubá kyá̰ jii’g.