Teḛ-Raga 14:5 - Maktub gə́ To gə Kəmee

⁵ D’ula mbai gə́ Ejiptə d’aree oo to gə́ koso-dəwje neelé d’aḭ gə́ kaḭ. Togə́bè ɓa mee Parao̰ gə meḛ kuraje ləa tel to ɓəd dɔ koso-dəwje’g neelé ar dee pana: See ɗi ɓa neḛ n’raje bèe ɓa n’ya̰je ne Israɛlje n’ar deeje d’uba ne ta kula lə neḛje d’ya̰ d’aw bèe wa.

Teḛ-Raga 14:5 ပူးပေါင်းရင်းမြစ်များ

Gḭ-Néje 31:22

Ndɔ aḭ munda mba̰ ɓa d’ula Laba̰ ta kaḭ lə Jakob ɓəi.

Pakɔsje 105:25

Yeḛ tel meḛ njé gə́ Ejiptə ɓəd Ar dee d’ə̰ji koso-dəwje ləa bəḭ-bəḭ Deḛ ra némeeyèr gə kuraje ləa.

Teḛ-Raga 12:33

Njé gə́ Ejiptə d’ɔs kudu dəwje lé ɓɔḭ-ɓɔḭ ləm, d’ɔs rɔ dee ɓad tuba dee ne mee ɓee’g lé ləm tɔ mbata dee pana: N’a gə kwəije lai.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 14:6

Togə́bè Parao̰ un kúla kunda tɔ pusu-rɔ’g ləa tɔɓəi yeḛ ar njérɔje ləa d’aw səa na̰’d.

Teḛ-Raga 15:9

Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.