Teḛ-Raga 14:4 - Maktub gə́ To gə Kəmee

⁴ Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 14:4 ပူးပေါင်းရင်းမြစ်များ

Nehemi 9:10

I ra nékɔbje gə néje gə́ dum koo Koma̰ ne Parao̰ gə kuraje ləa Gə koso-dəwje lai gə́ mee ɓee’g ləa. Mbata i oo némeeyèrje gə́ deḛ ra gə bɔ síje-je lé, Yee ɓa i riba ne dɔ rɔnduba ləi to gə́ i ra bèe lé tɔ.

Teḛ-Raga 10:2

A to togə́bè mba kari ndaji taree ar ŋgoni gə́ diŋgam ləm, gə ŋgon mee ŋgoni gə́ diŋgam ləm tɔ, mba kar dee d’oo ne né gə́ ma m’ra gə njé gə́ Ejiptə ləm, gə nétɔjije gə́ ma m’ar dee nduba ne rɔ dee mbuna dee’g ləm tɔ. Bèe ɓa seḭ a gərje ne to gə́ ma m’to Njesigənea̰ ya.

Teḛ-Raga 10:27

Njesigənea̰ ar mee Parao̰ ndər ndá Parao̰ ndigi kya̰ dee kar dee d’aw el.

Teḛ-Raga 12:28

Togə́bè Israɛlje d’aw ra to gə́ Njesigənea̰ un ne ndia ar Moyis gə Aaro̰ lé, dee ra bèe ya.

Teḛ-Raga 14:23

Njé gə́ Ejiptə lé tuba goo dee ya ɓəi, kundaje lə Parao̰ lai, gə pusu-rɔje ləa, gə njérɔ gə kundaje ləa lé d’andə goo dee’g mee baa-boo’g lé tɔ.

Teḛ-Raga 14:25

Yeḛ tɔr gɔl pusu-rɔje lə dee ar loo kaw gə́ kédé lə dee kədərə ya. Togə́bè njé gə́ Ejiptə pana: Ar sí j’aḭje no̰ Israɛlje’g mbata Njesigənea̰ ɓa aw rɔ sə sí gə mbata lə dee.

Teḛ-Raga 14:3

Parao̰ a pata kwɔji ne dɔ Israɛlje pana: Deḛ ndəm rəw gə́ ndəm, dɔdilaloo lé o̰ bia̰ dɔ dee’g.

Teḛ-Raga 14:5

D’ula mbai gə́ Ejiptə d’aree oo to gə́ koso-dəwje neelé d’aḭ gə́ kaḭ. Togə́bè ɓa mee Parao̰ gə meḛ kuraje ləa tel to ɓəd dɔ koso-dəwje’g neelé ar dee pana: See ɗi ɓa neḛ n’raje bèe ɓa n’ya̰je ne Israɛlje n’ar deeje d’uba ne ta kula lə neḛje d’ya̰ d’aw bèe wa.

Teḛ-Raga 14:8

Njesigənea̰ ar mee Parao̰ mbai gə́ Ejiptə ndər ya tɔ ndá yeḛ tuba goo Israɛlje. Njé gə́ Israɛl lé d’unda loo teḛ gə ji dee gə́ ɓar tar mèr-mèr.

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Teḛ-Raga 7:17

Togə́bè ɓa Njesigənea̰ pana: Gə né gə́ togə́bè lé i a gər ne to gə́ neḛ n’to Njesigənea̰ ya. Kag-tɔs gə́ to jim’g nee lé m’a kunda ne mán baa ndá manje lé d’a tel to məs.

Teḛ-Raga 7:3

Ma lé m’a kar mee Parao̰ ndər, tɔɓəi m’a kar nétɔjije ləm, gə némɔrije ləm d’ḭ dɔ maree’g gə́ kédé-kédé mee ɓee gə́ Ejiptə.

Teḛ-Raga 7:5

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Teḛ-Raga 9:16

Nɛ neḛ n’ya̰ loo n’ari si kəmba gə mba kari oo siŋgamoŋ lə neḛ ləm, gə mba kar ri neḛ ɓar ne dɔ naŋg nee gə loo njal-njal ləm tɔ.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 32:15

Loo gə́ n’a kar ɓee gə́ Ejiptə tel to dɔ nduba ləm, n’a kar dee d’odo nékiŋga lə ɓee mbad-mbad ləma, n’a tuji njé gə́ d’isi keneŋ pugudu-pugudu ləm tɔ ndá d’a gər to gə́ neḛ n’to Njesigənea̰ ya.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 38:23

N’a riba dɔ boo lə neḛ gə meenda lə neḛ gə́ raga ləm, n’a kar dee gər neḛ kəm ginkoji dəwje gə raŋg’d gə́ bula digi-digi lé ləm tɔ. Bèe ɓa deḛ d’a gər ne to gə́ neḛ n’to Njesigənea̰ ya.

Ejekel 39:13

Koso-dəwje lai gə́ mee ɓee’g lé d’a dubu dee ndá ri dee a ɓar ne mee ndəa gə́ d’a kula rɔnduba dɔ neḛ’g, Mbaidɔmbaije gə́ Njesigənea̰ ɓa pa bèe.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Njé gə́ Rɔmə 11:8

tɔ gə goo ta gə́ ndaŋg mee maktub gə́ to gə kəmee lé pana: Ala ar ndil dee ndəb keneŋ jèr el ləm, ar kəm dee oo loo el ləma ar, mbi dee kara oo el ləm tɔ saar ɓasinè.

Njé gə́ Rɔmə 9:17

Maktub gə́ to gə kəmee lé kara pata ar Parao̰ pana: Aa oo, neḛ n’ɔri gə mba kar dee d’oo loo siŋgamoŋ lə neḛ rɔi’g ləm, mba kar ri neḛ oso gə loo mbidi-mbidi ləm tɔ.

Njé gə́ Rɔmə 9:18

Togə́bè ɓa, yeḛ wa noji gə yeḛ gə́ yeḛ ndigi kwa səa noji ləm, dəw gə́ yeḛ ndigi kar mée ndər ɓa yeḛ ar mée ndər to gə́ mée-yeḛ nja ndigi ləm tɔ.

Jujé 11:20

Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ.

Njéga̰g-Rəwtaje 4:7

ndá neḛ lé n’a kɔs Sisera, mbai dɔ njérɔje lə Jabḭ gə pusu-rɔje ləa, gə kudu njérɔje ləa kar dee rəm pər gə́ rɔi’g ta mán gə́ Kison ndá n’a kubá kyá̰ jii’g.