Teḛ-Raga 14:16 - Maktub gə́ To gə Kəmee

¹⁶ I lé un kag-tɔs ləi gə́ tar, ula jii ndiŋ dɔ mán baa-boo’g lé kaiyee ne dana, bèe ɓa Israɛlje d’a dəs mee baa-boo’g lé loo gə́ tudu kurum-kurum’g ya.

Teḛ-Raga 14:16 ပူးပေါင်းရင်းမြစ်များ

2 Mbaije 4:29

Bèe ɓa Elije ula Gehaji pana: Tɔ ndar ɓəri’g, un kag-tɔs ləm jii’g ndá ɔd aw. Ɓó lé i iŋga dəw rəbə ndá rəa lapia el ləm, ɓó lé dəw rai lapia kara ilá keneŋ el ləm tɔ. I a kila kag tɔs ləm kəm ŋgon’g lé.

Teḛ-Raga 14:15

Njesigənea̰ ula Moyis pana: See ban ɓa ila boo ndui naŋg no̰ ɓarəm bèe wa. Ula Israɛlje lé ar dee d’ḭta d’aw.

Teḛ-Raga 14:26

Njesigənea̰ ula Moyis pana: Ula jii ndiŋ gə dɔ mán baa-boo’g, bèe ɓa mán lé a tel tula dɔ njé gə́ Ejiptə gogo ləm, gə dɔ pusu-rɔje lə dee ləma, gə dɔ njérɔ gə kundaje lə dee ləm tɔ.

Teḛ-Raga 17:5

Njesigənea̰ ula Moyis pana: Aw no̰ koso-dəwje’g neelé ndá ar ŋgatɔgje lə Israɛl d’aw səi na̰’d tɔ, maji kari njaa gə kag-tɔs ləi jii’g, to yee gə́ i unda ne baa lé.

Teḛ-Raga 17:6

Aa oo, m’a kaar nɔḭ’g dɔ mbal gə́ Oreb’g, i a kunda mbal lé ndá mán a teḛ keneŋ kar dəwje d’ai. Moyis ra togə́bè ya kəm ŋgatɔgje’g lə Israɛlje.

Teḛ-Raga 4:17

Un kag-tɔs neelé jii’g, yee ɓa i a ra ne nétɔjije lé ya.

Teḛ-Raga 4:2

Njesigənea̰ dəjee pana: See ɗi ɓa to jii’g kən wa. Yeḛ ilá keneŋ pana: To kag-tɔs.

Teḛ-Raga 4:20

Moyis ar ŋganeeje gə́ diŋgam gə dené ləa d’uba mulayḛ̀je ndá deḛ lai tel d’aw Ejiptə gogo. Yeḛ wa kag-tɔs lə Ala jia’g tɔ.

Teḛ-Raga 7:19

Njesigənea̰ ula Moyis pana: Ula Aaro̰ pana: Un kag-tɔs ləi ndá ula jii ndiŋ dɔ manje’g lə njé gə́ Ejiptə lé dɔ baaje’g lə dee ləm, dɔ kəm-rəw-manje’g lə dee ləm, dɔ duu-manje’g lə dee ləma, gə dɔ kəm-mán-ɓarje’g lə dee ləm tɔ. Manje neelé d’a tel to gə́ məs, tɔɓəi məs lé a to gə looje lai mee ɓee gə́ Ejiptə ya, mee nékaimanje gə́ ra gə kag əsé gə mbal ləm tɔ.

Teḛ-Raga 7:9

Ɓó lé Parao̰ ula sí pana: Raje némɔri arje neḛ n’oo ndá i Moyis lé a kula Aaro̰ pana: Un kag-tɔs ləi, ila naŋg no̰ Parao̰’g. Ndá kag lé a tel to li.

Esai 10:26

Njesigənea̰ gə́ njeboo-néje a kunda dee gə ndəi to gə́ yeḛ unda ne Madianje dɔ mbal gə́ Oreb. Tɔɓəi yeḛ a kula kag-tɔs ləa ndiŋ dɔ baa-boo-kad’g lé ndá yeḛ a kula gə́ tar to gə́ yeḛ ra ne mee ɓee gə́ Ejiptə bèe lé ya ɓəi tɔ.

Habakuk 3:8

See Njesigənea̰ ar mée ḭ səa pu dɔ baa-booje’g wa See to baa-booje ɓa oŋg ləi ḭ səi dɔ dee’g to gə́ pər bèe ləm, Meekḭ pu ləi lé i ɔm ne boo-oŋg dɔ baa-boo-kad’g Ɓa gə mba kari uba ne kundaje ləi Gə pusu-rɔ ləi gə́ ka̰ kun baŋga ləm tɔ lé wa.

Bula lə Israɛlje 20:11

Yen ŋga Moyis un jia gə́ tar unda ne mbal gə kag-tɔs ləa gɔl joo. Ndá mán teḛ kaar mbal’g tir-tir ar koso-dəwje gə nékulje lə dee d’ai tɔ.

Jujé 8:18

Njesigənea̰ ula Juje pana: Ula niŋga gə́ to jii’g ndiŋ par gə́ dɔ ɓee-boo gə́ Ai mbata m’a gə kya̰ jii’g ŋga. Ndá Juje ula niŋga gə́ to jia’g lé ndiŋ gə́ dɔ ɓee-boo gə́ Ai ya tɔ.