Teḛ-Raga 13:6 - Maktub gə́ To gə Kəmee

⁶ As ndɔ sí siri lé seḭ a ko̰je muru gə́ əm-tiné godo keneŋ: ndá ndɔ gə́ njekɔm’g siri lé seḭ a raje naḭ gə mba kilaje ne riɓar dɔ Njesigənea̰’g.

Teḛ-Raga 13:6 ပူးပေါင်းရင်းမြစ်များ

2 Sôrta Gḭka Israɛlje 30:21

Togə́bè ɓa Israɛlje gə́ d’ḭ raga gə njé gə́ Jerusalem lé ra naḭ gə́ wɔji dɔ muru gə́ lal əm-tiné as ndɔ siri gə boo-rɔkal, gə ndɔje kára-kára lai lé Ləbije gə njékinjanéməsje pidi Njesigənea̰ gə nékimje gə́ ɓar ɔr loo lɔi-lɔi d’ila ne riɓar dɔ Njesigənea̰’g tɔ.

Teḛ-Raga 34:18

Seḭ a tɔsje kəm sí dɔ naḭ gə́ wɔji dɔ muru gə́ əm-tiné godo keneŋ lé, as ndɔ sí siri, mee ndɔje gə́ d’wɔji mee naḭ Abib’g lé seḭ a ko̰je muru gə́ əm-tiné godo keneŋ to gə́ ma m’un ne ndum m’ar sí lé mbata mee naḭ Abib’g lé ɓa seḭ undaje ne loo mee ɓee gə́ Ejiptə teḛje ya.

Ləbije 23:8

As ndɔ siri lé seḭ a kinjaje nékinjanéməsje gə́ ka̰ roo karje Njesigənea̰. Ndɔ gə́ njekɔm’g siri lé ndá seḭ a mbo̰je dɔ na̰ kwamje meḛ sí’g: Seḭ a raje kula gə́ seḭ aw raje ta-ta lé el.

Tel tura Godndu 16:8

Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.

Jujé 5:11

Bèlè gə́ njekorè goo ndɔ Pag lé deḛ d’usɔ kandə néje gə́ mee ɓee’g neelé ləm, gə muru gə́ lal əm-tiné ləma, gə kandə néje gə́ ndao ləm tɔ, deḛ d’usɔ néje neelé mee ndəa gə́ kára ba ya.