Teḛ-Raga 13:18 - Maktub gə́ To gə Kəmee

¹⁸ Nɛ Ala ar koso-dəwje d’un rəw gə́ ɔr goŋ par gə́ dɔdilaloo’d gə́ aw par gə́ baa-boo gə́ ria lə baa-Kas. Israɛlje lé d’wa nékadje ji dee’g ɓa d’unda ne loo mee ɓee gə́ Ejiptə teḛ ya.

Teḛ-Raga 13:18 ပူးပေါင်းရင်းမြစ်များ

Gḭ-Néje 50:25

Jisəb ar ŋgalə Israɛl d’un ndu dee d’aree pana: Tɔgərɔ, Ala a kila kəmee dɔ sí’g ndá a kodoje siŋgarɔmje loo gə́ nee’g kawje ne nu ya.

Pakɔsje 107:7

Yeḛ ɔr no̰ dee gə goo rəw gə́ danasur Gə mba kar dee teḛ ne ɓee gə́ d’askəm kisi keneŋ lé.

Pakɔsje 136:16

Yeḛ nja ɔr no̰ koso-dəwje ləa dɔdilaloo’g lé Mbata meekɔrjol ləa lé to saar-saar gə no̰.

Pakɔsje 68:8

Ǝi Ala, loo gə́ i teḛ gə́ ŋgaw ta koso-dəwje ləi lé ləm, Loo gə́ i njaa no̰ dee’g mee dɔdilaloo’g ləm tɔ lé

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 14:2

Maji kari ula Israɛlje ar dee d’ɔs tel d’un rəw gə́ raŋg mba kisi gir Pi-Hahirot’d gə́ to mbuna Migdɔl’g gə baa-boo gə́ wɔji dɔ Baal-Sepo̰ njoroŋ lé, loo neelé seḭ a síje keneŋ kwaje rɔ sí mbɔr baa-boo’g.

Teḛ-Raga 14:9

Njé gə́ Ejiptə tuba goo dee, kundaje lai ləm, gə pusu-rɔje lə Parao̰ ləm, gə njérɔ gə kundaje ləa ləm, gə njérɔje ləa ləm tɔ, deḛ d’iŋga dee loo kisi gə́ d’isi mbɔr baa-boo’g par gə́ Pi-Hahirot gə́ wɔji dɔ Baal-Sepo̰’g njoroŋ lé.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Tel tura Godndu 32:10

Yeḛ iŋga dee dɔdilaloo’g, Dan ndu no̰’g lə daje gə́ wala gə́ to ɓəl, Yeḛ aḭ bada dɔ dee’g ləm Yeḛ aa dɔ dee kər-kər ləm tɔ, Yeḛ tɔs kəmee dɔ dee’g Asəna gə ŋgonkəmee bèe,

Jujé 1:14

Denéje lə sí ləm, gə ŋgan síje ləma, gə koso-nékulje lə sí ləm tɔ lé deḛ ya d’a nai mee ɓee gə́ Moyis ar sí kel tura baa gə́ Jurdɛ̰ nu, nɛ seḭje lai gə́ toje njésiŋgamoŋje lé a kwaje nérɔje lə sí ji sí’g kawje ne no̰ ŋgako̰ síje’g mba laje ne sə dee

Jujé 4:12

Ginkoji Rubḛje, gə ginkoji Gadje, gə ges ginkoji Manasə lé d’wa nérɔje ji dee’g d’ɔr ne no̰ Israɛlje to gə́ Moyis ula dee ne kédé lé tɔ.

Jujé 4:13

Diŋgamje d’as tɔl-dɔg loo rɔ-sɔ (40.000) jén bèe d’wa nérɔje ji dee’g ləm, d’aar pèrèrè mba rɔ ləm tɔ lé ndá deḛ dəs no̰ Njesigənea̰’g d’aw tar mee ndag-loo’d gə́ Jeriko tɔ.