Teḛ-Raga 13:12 - Maktub gə́ To gə Kəmee

¹² ndá ŋgondər gə́ rara gə́ d’ojee lé to ŋgondər dəw əsé ŋgondər da-kulje lə sí kara seḭ a kṵdáje gə kəmee kar Njesigənea̰ ya. Ŋgandər daje lə sí lai lé to ka̰ Njesigənea̰ ya.

Teḛ-Raga 13:12 ပူးပေါင်းရင်းမြစ်များ

Nehemi 10:36

Gə ləbje kára-kára lai lé jeḛ j’wɔjije mba kaw gə dɔ koje lə sí gə́ dɔtar gə́ j’iŋgaje dɔ naŋg’d lə sí ləm, gə kandə kagje gə́ doŋgɔr lai ləm tɔ mee kəi’g lə Njesigənea̰.

Nehemi 10:37

Ŋgandər síje gə́ diŋgam, gə ŋgandər maŋgje gə badje lə sí lé j’a reeje sə dee mee kəi-Ala’g lə sí kar njékinjanéməsje gə́ ra kula mee kəi’g lə Ala lə sí to gə́ deḛ ndaŋg ne taree mee maktub’g lé ya.

Teḛ-Raga 13:1

Njesigənea̰ ula Moyis pana:

Teḛ-Raga 13:2

Ŋgandərje gə́ rara gə́ d’oji dee mbuna Israɛlje’g lé seḭ a kunda deeje gə kəmee kamje, lé to ŋgandər dəwje əsé ŋgandər daje kara ləm tɔ.

Teḛ-Raga 22:28

Seḭ a ŋginaje ɓa gə mba kamje dɔ kó lə sí gə́ doŋgɔr el ləm, gə kul nduú lə sí gə́ doŋgɔr el ləm tɔ. Seḭ a kamje ŋgandər ŋgan síje gə́ diŋgam tɔ.

Teḛ-Raga 22:29

Seḭ a kamje ŋgandər maŋgje lə sí ləm, gə ka̰ badje lə sí ləm tɔ, deḛ d’a nai gel ko̰ deeje’g ya ndɔ siri, ndɔ gə́ njekɔm’g jinaijoo ndá seḭ a kam deeje ya.

Teḛ-Raga 34:19

Ŋgandər dəwje lai-lai lé to kamaje ya, dan nékulje’g lə sí lai lé, yee gə́ rara gə́ d’ojee dɔtar lé, lé to bɔ maŋg əsé bàl badə kara to kama ya tɔ.

Teḛ-Raga 34:20

Ŋgondər mulayḛ̀je lé seḭ a kogaje dəa gə ŋgon badə. Ɓó lé seḭ a kogaje dəa el ndá seḭ a tədje gina gwɔbee ya. Seḭ a kogaje dɔ ŋgandər ŋgan síje gə́ diŋgam lai ya: dəw kára kara a teḛ kaar nɔm’g gə jia kari kari-kari el.

Ejekel 16:20

Ŋganije gə́ diŋgam gə njé gə́ dené gə́ i oji dee am lé i tḭja dee gə́ məs ar magəje gə mba kar dee to nésɔje lə dee. See kya̰ rɔi yag dan kaiya’g neelé asi el wa.

Ejekel 44:30

Kandə kagje lai gə́ doŋgɔr ləm, gə nékarje lai gə́ seḭ a kun deeje gə́ tar ləm tɔ lé d’a to ka̰ njékinjanéməsje, seḭ a karje njékinjanéməsje nduji lə sí gə́ doŋgɔr gə mba kar ndutɔr to ne dɔ kəije’g lə sí.

Ləbije 27:26

Ŋgondər nékul lé dəw kára kara a kaskəm kwá kundá gə kəmee el ŋga mbata to ka̰ Njesigənea̰ gə goo to gə́ yee to gə́ ŋgondər lé ya, lé to gə́ maŋg əsé badə kara to ka̰ Njesigənea̰ ya mba̰.

Bula lə Israɛlje 18:15

Ŋgondər gə́ rara kara gə́ d’ojee lé lé to ŋgondər dəwje əsé ŋgondər daje gə́ d’un d’am-ma Njesigənea̰ lé kara a to kaḭ. Nɛ ŋgondər dəw lé i a kar dee d’uga dəa ləm, ŋgondər da gə́ mina̰ kara i a kar dee d’uga dəa ləm tɔ.

Bula lə Israɛlje 3:12

Aa oo, ma ya m’ɔr Ləbije mbuna Israɛlje’g tor ŋgandərje lai gə́ to ŋgandər Israɛlje gə́ d’oji dee doŋgɔr, bèe ɓa Ləbije lé d’a to ne kamaje ya doŋgɔ doi tɔ.

Bula lə Israɛlje 3:13

Mbata ŋgondər gə́ rara kara to kama ya doŋgɔ doi, mee ndəa gə́ m’unda ne ŋgandərje lai mee ɓee gə́ Ejiptə lé ma m’ɔr ŋgandər Israɛlje lai m’unda dee gə kəmee gə́ kamaje ya doŋgɔ doi, ŋgandər dəwje lai, gə ŋgandər daje ləm tɔ: d’a to kamaje ya doŋgɔ doi. Ma m’to Njesigənea̰.

Bula lə Israɛlje 8:17

Mbata ŋgondər gə́ rara kara mbuna Israɛlje’g lé to gə́ kama ya doŋgɔ doi, ŋgandər dəwje ləm, gə ka̰ daje ləm tɔ, mee ndəa gə́ m’unda ne ŋgandərje mee ɓee gə́ Ejiptə lé m’ɔr dee m’unda dee gə kəmee gə́ kamaje ya.

Lugu 2:23

gə goo ta gə́ ndaŋg mee maktub godndu’g lə Mbaidɔmbaije lé pana: Ŋgandərje gə́ diŋgam kára-kára lai lé d’a kɔr dee kunda dee gə kəmee doi mbata lə Mbaidɔmbaije.

Tel tura Godndu 15:19

Ŋgandər nékulje lə sí lai gə́ to bàlje gə́ d’oji dee mbuna nékulje’g lə sí gə́ boi-boi əsé gə́ lam-lam lé seḭ a kunda deeje gə kəmee karje Ala lə sí gə́ Njesigənea̰. Ŋgondər maŋg lə sí lé seḭ a raje ne kula el ləm, seḭ a kinjaje bḭ ŋgondər badə lə sí el ləm tɔ.