Teḛ-Raga 12:51 - Maktub gə́ To gə Kəmee

⁵¹ Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 12:51 ပူးပေါင်းရင်းမြစ်များ

Gḭ-Néje 50:24

Jisəb ula ŋgakea̰je pana: M’a gə kwəi ŋga! Nɛ tɔgərɔ Ala a tɔs kəmee dɔ sí’g bao-bao ləm, yeḛ a kar sí ḭje mee ɓee’g neelé mba kawje mee ɓee gə́ yeḛ un ndia gə mba kar Abrakam, gə Isaak, gə Jakob kédé lé ya.

1 Mbaije 6:1

Mee ləb gə́ tɔl-sɔ gə dəa rɔ-jinaijoo (480) gə́ orè goo kunda gə́ Israɛlje d’unda ne loo mee ɓee gə́ Ejiptə teḛ lé ɓa Salomo̰ unda ne kəi gə́ wɔji dɔ Njesigənea̰, mee ləb gə́ njekɔm’g sɔ gə́ yeḛ o̰ ne ɓee dɔ Israɛlje’g, mee naḭ Jip gə́ to naḭ gə́ njekɔm’g joo lé tɔ.

2 Sôrta Gḭka Israɛlje 14:12

Asa gə njérɔje ləa korə dee saar teḛ Gerar ndá Etiopije d’oso ji dee’g ar dəw kára kara aji el mbata Njesigənea̰ gə njérɔje ləa tuji dee ya. Asa gə njérɔje ləa d’unda dee banrɔ taa boo-néje lə dee tɔ.

Pakɔsje 114:1

Loo gə́ Israɛlje d’unda loo mee ɓee gə́ Ejiptə’g teḛ lé Loo gə́ gel-bɔje lə Jakob D’unda rɔ dee ɓad rɔ koso-dəwje gə́ takɔji dee to ɓəd’g tɔ ndá

Pakɔsje 136:11

Yeḛ ar Israɛlje d’unda loo mbuna dee’g teḛ Mbata meekɔrjol ləa lé to saar-saar gə no̰.

Teḛ-Raga 12:41

Mee ndəa gə́ rudu ləb dee gə́ tɔl sɔ dəa rɔ-munda (430) lé un ɗiao mba̰ ndá mee ndəa gən ya koso-dəwje lə Njesigənea̰ d’unda loo mee ɓee gə́ Ejiptə teḛ tɔ.

Teḛ-Raga 12:50

Israɛlje lai ra to gə́ Njesigənea̰ un ne ndia ar Moyis gə Aaro̰ lé, deḛ ra togə́bè ya.

Teḛ-Raga 13:1

Njesigənea̰ ula Moyis pana:

Teḛ-Raga 16:1

Koso-dəwje gə́ Israɛl lai d’ḭ Elim d’aw ndá deḛ teḛ dɔdilaloo gə́ Sin gə́ to mbuna Elim’g gə Sinai’g, ndɔ dɔg-giree-mi gə́ mee naḭ gə́ njekɔm’g joo gə́ orè goo teḛ gə́ deḛ d’unda ne loo mee ɓee gə́ Ejiptə teḛ lé,

Teḛ-Raga 19:1

Mee naḭ gə́ njekɔm’g munda gə́ orè goo kunda gə́ deḛ d’unda loo mee ɓee gə́ Ejiptə teḛ lé, mee ndəa’gən lé Israɛlje teḛ dɔdilaloo gə́ Sinai.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Teḛ-Raga 6:26

Aaro̰ deḛ gə Moyis neelé nja ɓa Njesigənea̰ ula dee ta pana: Arje Israɛlje d’unda loo mee ɓee gə́ Ejiptə teḛ gə goo bao-rɔje lə dee lə dee.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 7:4

Parao̰ a koo ta lə sí el. M’a kula jim ndiŋ dɔ Ejiptə’g ndá m’a kar koso-dəwje ləm gə́ to Israɛlje lé d’unda loo mee ɓee gə́ Ejiptə teḛ gə goo rəwta-gaŋgje gə́ boo-boo lé ya.

Ləbije 23:43

mba kar ŋgaka síje gər to gə́ m’ar Israɛlje d’isi mee kəi-kubuje’g loo gə́ m’ar dee d’unda loo mee ɓee gə́ Ejiptə teḛ lé. Ma m’to Njesigənea̰, Ala lə sí.

Amɔs 2:10

Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Misee 6:4

See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.

Bula lə Israɛlje 23:22

Ala ar dee d’unda loo mee ɓee gə́ Ejiptə teḛ ləm, Yeḛ nja siŋgá to to gə́ dadɔg bèe mbata lə dee ləm tɔ.

Bula lə Israɛlje 26:4

Deḛ pana: D’a tura bula lə dee un kudee dɔ deḛ gə́ ra ləb rɔ-joo’d gə́ tar, to gə́ Njesigənea̰ un ne ndia ar Moyis gə Israɛlje, loo gə́ d’unda ne loo mee ɓee gə́ Ejiptə teḛ lé.

Bula lə Israɛlje 33:1

Aa ooje, kaw lə Israɛlje gə́ d’aw rəbə loo gə́ d’unda ne loo mee ɓee gə́ Ejiptə teḛ gə goo kudu njérɔje lə dee gə́ Moyis gə Aaro̰ d’ɔr no̰ dee keneŋ lé ɓa nee.

Néra Njékaḭkulaje 13:17

Ala lə koso-dəwje gə́ Israɛl neelé ɓa mbər ka síjeḛ ya. Yeḛ ila riɓar dɔ dee’g loo gə́ deḛ nai ne Ejiptə’g ɓəi tɔɓəi yeḛ ɔr dee keneŋ gə jia gə ɓar mèr-mèr.

Tel tura Godndu 16:1

Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé.

Tel tura Godndu 4:37

Yeḛ unda bɔ síje-je dan kəmee’g ləm, yeḛ mbər ŋgaka deeje gə́ goo dee’g ləm tɔ, gə goo boo siŋgamoŋ ləa lé ɓa yeḛ ar sí undaje ne loo mee ɓee gə́ Ejiptə teḛje ya,

Jujé 24:5

Ma m’ula Moyis gə Aaro̰ ndá m’unda Ejiptə gə nékɔbje gə́ m’ra mbuna dee’g, tɔɓəi ma m’ar sí undaje loo keneŋ teḛje.

Jude 1:5

Taje neelé lai seḭ gərje mba̰ ya nɛ ma m’ndigi kolé meḛ sí dɔ’g ɓəi. Loo gə́ Mbaidɔmbaije ɔr dəwje ləa Ejiptə’g aji dee lé mba̰ ndá gée gə́ gogo yeḛ tel tuji dee-deḛ gə́ njékɔs kankəmta rəwje lé tɔ.