Teḛ-Raga 12:30 - Maktub gə́ To gə Kəmee

³⁰ Parao̰ ḭta mee til’g neelé yeḛ gə kuraje ləa lai ləm, gə njé gə́ Ejiptə lai ləm tɔ, ndu kii ɓar gə loo birim-birim mee ɓee gə́ Ejiptə mbata kəi kára kara gə́ lal yoo lé godo.

Teḛ-Raga 12:30 ပူးပေါင်းရင်းမြစ်များ

Pakɔsje 78:50

Yeḛ ya̰ loo ar oŋg ləa ɓugu dɔ dee’g Ɓó taa dee ta yoo’g el ləm, Yeḛ ya̰ dee yag ta yoo-koso’g ləm tɔ.

Teḛ-Raga 10:10

Parao̰ ula dee pana: Maji kar Njesigənea̰ nai sə sí to gə́ m’a gə kya̰ loo kar sí awje lé ya, seḭ ləm, gə ŋgan síje ləm tɔ. Meḛ sí dɔ rɔ sí’g mbata tuji to no̰ sí’g.

Teḛ-Raga 11:6

D’a no̰ gə kii mbidi-mbidi gə looje lai-lai mee ɓee gə́ Ejiptə, ndu no̰ gə́ bèe lé dəw oo togə́bè kédé el ləm, a koo togə́bè gogo el ləm tɔ.

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Amɔs 5:17

Loo-ndɔ-nduúje lai lé D’a no̰ yoo keneŋ Loo gə́ n’a gə dəs mbuna sí’g ya, Njesigənea̰ ɓa pa bèe.

Habakuk 3:5

Loo gə́ nea̰’g lé yoo-koso ɓa teḛ keneŋ ləm, Tor gɔleeje’g lé rɔko̰ rɔnuŋga ɓa teḛ keneŋ ləm tɔ.

Matiyo 25:6

Dan loo bab ndá ndu dəw ɓar wəl pana: Aa ooje, njedené-sigi lé si aw gə́ nee ŋga, ḭ tilaje kəmee.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

1 Samel 5:12

Dəwje gə́ d’wəi el lé gab uba dee ndá ndu no̰ lə ɓee-boo neelé aw njal teḛ dan dara’g.