Teḛ-Raga 12:3 - Maktub gə́ To gə Kəmee

³ Maji kar sí ulaje koso-dəwje gə́ Israɛl pajena: ndɔ gə́ njekɔm’g dɔg gə́ mee naḭ’g neelé d’a kwa ŋgon badə kára kwɔji ne dɔ njémeekəije lə dee lə dee.

Teḛ-Raga 12:3 ပူးပေါင်းရင်းမြစ်များ

Gḭ-Néje 22:8

Abrakam ilá keneŋ pana: Ŋgonəm, Ala nja a k’oo ŋgon badə gə́ a k’ar gə́ nékinjaməs gə́ ka̰ roo gə́ wɔji dəa lé ɓəi. Ndá deḛ joo bɔr d’ɔd njaa na̰’d d’aw tɔ.

Gḭ-Néje 4:4

Abel kara ree gə ŋgandər nékulje gə́ mbuna nékulje’g ləa gə ubu dee tɔ. Abel gə nékarnoji ləa taa kəm Njesigənea̰ rəgm.

2 Sôrta Gḭka Israɛlje 35:7

Jojias ɔr ŋgan badje gə ŋgan bya̰je as tɔl-dɔg-loo-rɔ-munda (3.000) mbata lə naḭ Pag ləm, gə bɔ maŋgje tɔl-dɔg-loo-munda (3.000) ləm tɔ mbuna nékulje’g ləa-yeḛ ar koso-dəwje lai gə́ d’aar keneŋ lé tɔ.

Teḛ-Raga 12:2

Naḭ gə́ neelé a to naḭ lə sí gə́ dɔtar, a to naḭ lə sí gə́ dɔtar gə́ mee ləb’g.

Teḛ-Raga 12:21

Moyis ɓar ŋgatɔgje gə́ Israɛl lai ula dee pana: Awje, aw waje nékulje mbata lə njémeekəije lə sí ndá ŋgan badje gə́ wɔji dɔ Pag lé inja deeje gə́ məs.

Teḛ-Raga 12:4

Ɓó lé njémeekəije lə dəw lé bula d’as dɔ ŋgon badə kára el ndá d’a kɔm na̰’d gə njéboatakəije lə dee gə́ mbɔr dee’g pər lé gə goo bula lə dəwje, seḭ a tura deeje kwɔjije ne dɔ ŋgon badə neelé gə goo né gə́ nana kara askəm sɔ lé ya.

Teḛ-Raga 12:6

D’a ŋgəm saar ndɔ dɔg-giree-sɔ gə́ mee naḭ gə́ neelé tɔɓəi loo gə́ kàr a gə kandə ndá koso-dəwje gə́ Israɛl lai d’a kḭjá gə məs.

Teḛ-Raga 14:15

Njesigənea̰ ula Moyis pana: See ban ɓa ila boo ndui naŋg no̰ ɓarəm bèe wa. Ula Israɛlje lé ar dee d’ḭta d’aw.

Teḛ-Raga 20:19

Deḛ d’ula Moyis pana: I nja ula sí ta ndá j’a kooje ya, nɛ maji kar Ala ɓa ula sí el nà banelə j’a kwəije.

Teḛ-Raga 4:30

Aaro̰ ndaji taje lai gə́ Njesigənea̰ ula Moyis lé ar dee ləm, yeḛ ra nétɔjije neelé no̰ koso-dəwje’g ləm tɔ.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Ejekel 40:1

Mee ləb gə́ njekɔm’g rɔ-joo-giree-mi goo kwa gə́ d’wa sí d’aw sə sí ɓee-ɓər’g, ndɔ dɔg mee ləb gə́ sigi’g, to ləb dɔg-giree-sɔ gə́ orè goo tuji gə́ Jerusalem tuji lé mee ndəa gən ya Njesigənea̰ ila jia dɔm’g unm ne aw səm mee ɓee gə́ Israɛl.

Ləbije 1:2

Maji kari ula Israɛlje pana: Loo gə́ dəw kára mbuna sí’g a gə ree gə nékinjaməs kar Njesigənea̰ ndá lé to gə́ nékul gə́ mbuna daje gə́ boi-boi’g əsé yee gə́ mbuna daje gə́ lam-lam’g bèe kara yeḛ a kwa ree ne ya.

Ləbije 5:6

Tɔɓəi yeḛ a ree gə nékinjaməs gə́ ka̰ kiŋga meekoso lemsé kar Njesigənea̰ ndá a to ma̰də nékulje gə́ asəna gə ma̰də badə əsé ma̰də bya̰ mba karee to da kuga dɔ kaiya. Bèe ɓa njekinjanéməs lé a ra né kɔr ne ta kaiya ləa dəa’g ya.

Bula lə Israɛlje 15:11

D’a ra togə́bè mbata lə maŋg kára-kára ləm, mbata lə bàl badə kára-kára ləma, gə mbata lə ŋgonbad əsé ŋgon bya̰ kára-kára ləm tɔ.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 1:36

Loo gə́ yeḛ un kəmee tar oo Jeju a gə dəs ndá yeḛ pana: Aa ooje, Ŋgon ɓad lə Ala lé aw’n.

Tagə́maji gə́ Ja̰ ndang 12:1

Nai ndɔ misa̰ ɓa mba teḛ ndɔ naḭ Pag ɓəi ndá Jeju teḛ Betani, ɓee lə Lajarə gə́ yeḛ aree teḛ dɔkumbwa’g lé.

Tagə́maji gə́ Ja̰ ndang 12:12

Bèlè lookàree ndá boo-dəwje gə́ ree loo-naḭ’g loo gə́ deḛ d’oo to gə́ Jeju sí ree gə́ Jerusalem

1 Njé gə́ Kɔrḭtə 5:7

Né gə́ ar nduji ti gə́ ləw lé unje mbélje kɔ ɓó gə mba kar sí tel toje ne muru gə́ sigi mbata né gə́ ar nduji ti lé godo rɔ sí’g ŋga, mbata Kristi lé to asəna gə ŋgonbad ra Pag lə sí lé deḛ tɔlee mba̰.

Jujé 7:14

Seḭ a reeje gə ndɔ gə goo ginkojije lə sí lə sí, ndá ginkoji gə́ Njesigənea̰ a tɔji sí lé a ree gə goo gel-bɔje ləa-ləa ləm, tɔɓəi gel-bɔje gə́ Njesigənea̰ a tɔji sí lé d’a ree gə goo ginkoji dəwje kára kára ləm tɔ.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.

1 Samel 7:9

Samel wa ŋgon badə gə́ ta mbà’g, ḭjá bura gə́ nékinjaməs gə́ ka̰ roo ar Njesigənea̰. Yeḛ no̰ ɓar Njesigənea̰ mbata lə Israɛlje ndá Njesigənea̰ ilá keneŋ ya.