Teḛ-Raga 12:22 - Maktub gə́ To gə Kəmee

²² Gée gə́ gogo, seḭ a kunje barkəm gərgənd, ndá seḭ a kulaje dan məs gə́ to mee bai’g lé ndá məs gə́ to mee bai’g lé seḭ a radje kag tarəwkəi gə́ tar ləm, gə kaar kag tarəwkəije gə́ joo’g ləm tɔ. Dəw kára kara mbuna sí’g a kunda loo mee kəi’g ləa teḛ raga el saar kar loo àr

Teḛ-Raga 12:22 ပူးပေါင်းရင်းမြစ်များ

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Teḛ-Raga 12:7

D’a kun məsee rad kag tarəwkəije gə́ joo’g ləm, gə dəa gə́ tar’g ləm tɔ, mee kəije kára-kára lai gə́ d’a gə sɔ né keneŋ lé.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Bula lə Israɛlje 19:18

Dəw gə́ rəa àr ŋgad-ŋgad lé a kun barkəm gərgənd ndá a kula dan mán’g lé, tɔɓəi yeḛ a saga dɔ kəi-kubu’g lé ləm, dɔ nékulaje’g lai ləm, dɔ dəwje gə́ d’isi keneŋ ləm, dɔ yeḛ gə́ ɔrɔ rɔ siŋga dəw lé ləm, əsé dəw gə́ deḛ tɔlee ləm, əsé dəw gə́ wəi kari ba ləma, əsé dɔɓar ləm tɔ.

Matiyo 26:30

Loo gə́ d’ɔs pa pidi ne Ala lé mba̰ ndá d’unda loo teḛ d’isi d’aw gə́ dɔ mbal gə́ ria lə Koiyoje.

Ǝbrəje 11:28

Meekun lé ɓa yeḛ ra naḭ Pag saga ne məs takəi’g, mba kar njetuji dəwje ɔrɔ ne rɔ ŋgandər Israɛlje el.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 9:1

Manrɔ gə́ dɔtar lé ndukun ləa gə́ wɔji dɔ kwa Ala meḛ dee’g to keneŋ ləm, kəi ləa gə́ to gə kəmee to keneŋ ləm tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Ǝbrəje 9:19

Moyis lé loo gə yeḛ ɔr godnduje neelé gə ria-ria no̰ koso-dəwje’g ndá yeḛ taa məs ŋgan maŋgje ləm, gə bàl bya̰je ləma, gə mán ləm tɔ. Məs ŋgan maŋgje gə bàl bya̰je lé d’orè gə mán ləm, gə bḭ badə gə́ kas ləma, gə gərgənd ləm tɔ ndá yeḛ saga məs gə mán neelé dɔ maktub’g ləm, gə dɔ dəwje’g lai ləm tɔ pana:

Jujé 2:19

Ɓó lé dəw kára dan dee’g a kunda loo mee kəi’g ləi teḛ raga ndá ta məsee a kwa dəa-yeḛ ya ɓó a kwa dɔ síjeḛ el, nɛ ɓó lé dəw ula jia ɔrɔ ne rɔ dəw gə́ rara ɓa mbuna deḛ gə́ d’isi səi mee kəi’g ləi ndá ta məs debee neelé a nai dɔ síjeḛ’g ya tɔ.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.