Teḛ-Raga 12:2 - Maktub gə́ To gə Kəmee

² Naḭ gə́ neelé a to naḭ lə sí gə́ dɔtar, a to naḭ lə sí gə́ dɔtar gə́ mee ləb’g.

Teḛ-Raga 12:2 ပူးပေါင်းရင်းမြစ်များ

Este 3:7

Naḭ gə́ doŋgɔr gə́ to naḭ Nisa̰, mee ləb gə́ njekɔm’g dɔg-giree-joo gə́ Asuerus to ne mbai lé deḛ d’ila Pur no̰ Aman’g ndɔje kára-kára ləm, gə naḭje kára-kára ləm tɔ saar as naḭ dɔg-giree-joo gə́ to naḭ Adar lé mba koo see naḭ gə́ ra ɓa a kumá wa.

Teḛ-Raga 12:1

Njesigənea̰ ula Moyis gə Aaro̰ ta mee ɓee gə́ Ejiptə pana:

Teḛ-Raga 12:18

Naḭ gə́ dɔtar lé, mee ndəa gə́ dɔg-giree-sɔ, loo gə́ kàr andə ndá seḭ a ko̰je muru gə́ əm-tiné godo keneŋ saar teḛ ne ndɔ rɔ-joo-giree-kára mee naḭ’g neelé.

Teḛ-Raga 12:3

Maji kar sí ulaje koso-dəwje gə́ Israɛl pajena: ndɔ gə́ njekɔm’g dɔg gə́ mee naḭ’g neelé d’a kwa ŋgon badə kára kwɔji ne dɔ njémeekəije lə dee lə dee.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 13:4

Seḭ undaje loo keneŋ teḛje mee naḭ kinja kó’g.

Teḛ-Raga 23:15

Seḭ a raje naḭ gə́ wɔji dɔ muru gə́ lal əm-tiné, as ndɔ sí siri mee ndəaje gə́ seḭ wɔjije mee naḭ gə́ Abib lé seḭ a ko̰je muru gə́ lal əm-tiné, to gə́ m’a m’un ne ndum m’ar sí lé mbata to mee naḭ neelé ya ɓa seḭ undaje ne loo mee ɓee gə́ Ejiptə teḛje, tɔɓəi dəw kára kara a ree kaar nɔm’g gə jia kari ba el.

Teḛ-Raga 34:18

Seḭ a tɔsje kəm sí dɔ naḭ gə́ wɔji dɔ muru gə́ əm-tiné godo keneŋ lé, as ndɔ sí siri, mee ndɔje gə́ d’wɔji mee naḭ Abib’g lé seḭ a ko̰je muru gə́ əm-tiné godo keneŋ to gə́ ma m’un ne ndum m’ar sí lé mbata mee naḭ Abib’g lé ɓa seḭ undaje ne loo mee ɓee gə́ Ejiptə teḛje ya.

Teḛ-Raga 40:17

Ndɔ gə́ doŋgɔr mee naḭ gə́ doŋgɔr mee ləb gə́ njekɔm’g joo lé deḛ la kəi-kubu-si-Ala.

Ejekel 45:18

Mbaidɔmbaije gə́ Njesigənea̰ ɓa pa togə́bè pana: Naḭ gə́ dɔtar ra ndɔ kára ndá d’a kwa bɔ maŋg gə́ rəa maji péd-péd ndá d’a kḭjá gə́ məs mba kɔr ne won loo gə́ to gə kəmee.

Ejekel 45:21

Ndɔ gə́ njekɔm’g dɔg-giree-sɔ mee naḭ gə́ doŋgɔr lé seḭ a raje naḭ Pag. Loo ra naḭ neelé kuree a kəw as ndɔ siri, muru gə́ ém-ti-né godo keneŋ ɓa d’a ko̰.

Ləbije 23:5

Ndɔ dɔg-giree-sɔ lə naḭ gə́ dɔtar un kudee loo gə́ kàr a kandə lé to ndɔ Pag lə Njesigənea̰ ya.

Bula lə Israɛlje 28:16

Ndɔ dɔg-giree-sɔ lə naḭ gə́ dɔtar lé a to naḭ Pag lə Njesigənea̰.

Tel tura Godndu 16:1

Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé.