Teḛ-Raga 12:16 - Maktub gə́ To gə Kəmee

¹⁶ Ndɔ gə́ dɔtar lé a to ndɔ mbo̰ dɔ na̰ lə sí gə́ to gə kəmee ləm tɔ. Mee ndəaje’g neelé seḭ a raje kula kára kara keneŋ el, nɛ seḭ a raje nésɔ lə sí lə sí ɓa.

Teḛ-Raga 12:16 ပူးပေါင်းရင်းမြစ်များ

Teḛ-Raga 16:23

Moyis ula dee pana: Yee ɓa to né gə́ Njesigənea̰ un ne ndia dɔ’g ya. Bèlè to ndɔ-kwa-rɔ, to ndɔ-kwa-rɔ gə́ to gə kəmee mbata lə Njesigənea̰, gesee gə́ kəm ndao lé maji kar sí ndaoje ya, gesə né gə́ kəm ndiri-kolé kara ndirije-oléje ya tɔ ndá gesee gə́ nai lé undaje kul saar teḛ bèlè gə ndɔ.

Teḛ-Raga 16:29

Ooje maji, Njesigənea̰ ar sí ndɔ ndɔ-kwa-rɔ lé, gelee gə́ nee ɓa ndɔ gə́ njekɔm’g misa̰ lé yeḛ ar sí muru gə́ as ndɔ joo. Maji kar nana kara si loo-siée’g ɓó ndɔ gə́ njekɔm’g siri lé dəw kára kara a kḭ kya̰ loo-siée kaw raŋg el.

Teḛ-Raga 16:5

Ndɔ gə́ njekɔm’g misa̰ lé loo gə́ d’a kwa dɔ gɔl né gə́ deḛ d’odo lé ndá d’a kiŋga karee as gɔl joo unda yeḛ gə́ d’aw d’odo gə́ ndɔje kára-kára lé.

Teḛ-Raga 20:10

Nɛ ndɔ gə́ njekɔm’g siri lé to ndɔ-kwa-rɔ gə́ ka̰ Ala ləi gə́ Njesigənea̰, I a ra kula kára kara keneŋ el, i əsé ŋgoni gə́ diŋgam əsé yeḛ gə́ dené əsé kura ləi gə́ diŋgam əsé yeḛ gə́ dené əsé nékulje ləi əsé dəw-dɔ-ɓee gə́ ree si mee ɓee’g ləi kara a ra kula mee ndɔ’g neelé el.

Teḛ-Raga 34:18

Seḭ a tɔsje kəm sí dɔ naḭ gə́ wɔji dɔ muru gə́ əm-tiné godo keneŋ lé, as ndɔ sí siri, mee ndɔje gə́ d’wɔji mee naḭ Abib’g lé seḭ a ko̰je muru gə́ əm-tiné godo keneŋ to gə́ ma m’un ne ndum m’ar sí lé mbata mee naḭ Abib’g lé ɓa seḭ undaje ne loo mee ɓee gə́ Ejiptə teḛje ya.

Esai 1:13

Nékarje gə́ gə mḭdé-mḭdé lé Ǝwje rɔ sí reeje ne, Né gə́ ə̰də sululu ləm, Gə ndɔ ra naḭje gə́ teḛ sigi ləm, Gə ndɔ-kwa-rɔ ləma, Gə loo-mbo̰-dɔ-na̰je ləm tɔ lé To kḛji kəm’g, Gə mba kar néra gə́ kori-kori ɔm na̰’d Gə loo-kwa-dɔ-na̰ gə́ to gə kəmee lé Ma m’ndigi koo el.

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 23:27

Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Ləbije 23:35

Ndɔ gə́ dɔtar ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.

Bula lə Israɛlje 28:18

Ndɔ gə́ dɔtar lé a to ndɔ mbo̰ dɔ na̰ gə́ to gə kəmee, seḭ a raje kula gə́ seḭ aw raje ta-ta lé el.

Bula lə Israɛlje 28:25

Ndɔ gə́ njekɔm’g siri lé a to ndɔ mbo̰ dɔ na̰ lə sí gə́ to gə kəmee: seḭ a raje kula gə́ seḭ aw raje ta-ta lé el.

Bula lə Israɛlje 28:26

Ndɔ ra naḭ Pa̰dekɔt lé, loo gə́ seḭ a reeje gə dɔ kó lə sí gə́ dɔtar karje Njesigənea̰ lé a to ndɔ mbo̰ dɔ na̰ gə́ to gə kəmee: seḭ a raje kula gə́ seḭ aw raje ta-ta lé el.

Bula lə Israɛlje 29:1

Ndɔ gə́ dɔtar gə́ lə naḭ gə́ njekɔm’g siri lé a to ndɔ mbo̰ dɔ na̰ gə́ to gə kəmee: seḭ a raje kula gə́ seḭ aw raje ta-ta lé el. Ndɔ neelé d’a kim to̰to̰je ɓa kila ne mberee mbuna sí’g.

Bula lə Israɛlje 29:12

Ndɔ dɔg-giree-mi lə naḭ gə́ njekɔm’g siri lé a to ndɔ mbo̰ dɔ na̰ gə́ to gə kəmee. Seḭ a raje kula gə́ seḭ aw raje ta-ta lé el. Seḭ a raje naḭ gə́ wɔji dɔ Njesigənea̰ as ndɔ sí siri.

Tagə́maji gə́ Ja̰ ndang 19:31

Ndəa neelé to ndɔ kwa dɔ gɔl néje, to ndɔ-kwa-rɔ gə́ boo. Jibje ɓəl gə mba kar nin dee to kaar kag-dəs’g gə ndɔ-kwa-rɔ lé. Togə́bè Jibje dəji Pilatə gə mba kar dee təd gɔl deḛ gə́ ɗar dee kaar kag-dəs’g lé ɓa ɓó gə kɔr nin dee ɓəi.

Tel tura Godndu 16:8

Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.