Teḛ-Raga 12:11 - Maktub gə́ To gə Kəmee

¹¹ Loo gə́ d’a gə sɔ ndá d’a kwa ɓər dee gə ndar njim-njim ləm, négɔl a to gɔl dee’g ləma, kag-tɔs lə dee kara a to ji dee’g ləm tɔ, d’a sɔ dɔ ŋgɔd’g ya. Yee neelé to Pag lə Njesigənea̰.

Teḛ-Raga 12:11 ပူးပေါင်းရင်းမြစ်များ

2 Mbaije 23:21

Mbai un ndia ar dəwje lai pana: Maji kar sí raje naḭ Pag mba kula ne rɔnduba dɔ Njesigənea̰ Ala’g lə sí to gə́ ndaŋg ne taree mee maktub manrɔ’g lé.

Teḛ-Raga 12:13

Məs lé ɓa a to nétɔji dɔ kəije gə́ seḭ síje keneŋ, n’a koo məs neelé ndá n’a dəs dɔ sí’g tar tɔɓəi loo gə́ n’a kila tuji dɔ ɓee gə́ Ejiptə’g ndá tuji-boo neelé a tuji sí el.

Teḛ-Raga 12:21

Moyis ɓar ŋgatɔgje gə́ Israɛl lai ula dee pana: Awje, aw waje nékulje mbata lə njémeekəije lə sí ndá ŋgan badje gə́ wɔji dɔ Pag lé inja deeje gə́ məs.

Teḛ-Raga 12:27

Ndá seḭ a kila deeje keneŋ pajena: Yee neelé to gə́ nékinjaməs Pag mba kula ne rɔnduba dɔ Njesigənea̰’g mbata yeḛ dəs dɔ kəije’g lə Israɛlje mee ɓee gə́ Ejiptə, loo gə́ yeḛ tuji ɓee nee lé ndá ya̰ kəije lə síjeḛ gə́ majee. Dəwje d’unda barmba d’ula dɔ dee naŋg tɔ.

Teḛ-Raga 12:43

Njesigənea̰ ula Moyis gə Aaro̰ pana: Aa ooje, godndu gə́ wɔji dɔ ra naḭ Pag ɓa to nee: Dəw-dɔ-ɓee gə́ rara kara a sɔ née el.

Esai 52:12

Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Ejekel 45:21

Ndɔ gə́ njekɔm’g dɔg-giree-sɔ mee naḭ gə́ doŋgɔr lé seḭ a raje naḭ Pag. Loo ra naḭ neelé kuree a kəw as ndɔ siri, muru gə́ ém-ti-né godo keneŋ ɓa d’a ko̰.

Ləbije 23:5

Ndɔ dɔg-giree-sɔ lə naḭ gə́ dɔtar un kudee loo gə́ kàr a kandə lé to ndɔ Pag lə Njesigənea̰ ya.

Bula lə Israɛlje 28:16

Ndɔ dɔg-giree-sɔ lə naḭ gə́ dɔtar lé a to naḭ Pag lə Njesigənea̰.

Bula lə Israɛlje 9:1

Naḭ gə́ dɔtar gə́ mee ləb gə́ njekɔm’g joo gə́ orè goo kunda gə́ d’unda loo mee ɓee gə́ Ejiptə teḛ lé Njesigənea̰ ula Moyis ta dɔdilaloo gə́ Sinai pana:

Lugu 12:35

Maji kar sí waje ɓər sí gə ndar njim-njim, arje néndogoje lə sí ndogó wər-wər tɔ.

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Lugu 2:41

Njékoji Jejuje d’aw Jerusalem gə ləb dee ləb dee ra naḭ Pag keneŋ.

Lugu 7:38

yeḛ aar ne gir Jeju’g par gə́ gin gɔlee’g gogo. Yeḛ no̰, nɛ waga ndá mán kəmee lé ndəi dɔ gɔl Jeju’g ndá yeḛ tel bɔr gɔl Jeju lé gə́ yiŋga dəa, to̰ gɔlee, tel wá gə ubu gə́ ə̰də sululu tɔ.

1 Njé gə́ Kɔrḭtə 5:7

Né gə́ ar nduji ti gə́ ləw lé unje mbélje kɔ ɓó gə mba kar sí tel toje ne muru gə́ sigi mbata né gə́ ar nduji ti lé godo rɔ sí’g ŋga, mbata Kristi lé to asəna gə ŋgonbad ra Pag lə sí lé deḛ tɔlee mba̰.

Njé gə́ Epesə 6:15

Ulaje markob-rɔ gɔl sí’g, yee ɓa gə́ Tagə́maji gə́ seḭ a njaaje ne gə rɔkwɔilɔ lə sí gə mba kɔm ne dəwje na̰’d gə Ala lé.

Tel tura Godndu 16:1

Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé.

Jujé 5:10

Israɛlje d’isi Gilgal ndá, ndɔ dɔg-giree-sɔ mee naḭ’g neelé loo gə́ kàr a gə kur naŋg ndá deḛ ra naḭ Pag mee ndag-loo gə́ Jeriko tɔ.

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.