Teḛ-Raga 11:6 - Maktub gə́ To gə Kəmee

⁶ D’a no̰ gə kii mbidi-mbidi gə looje lai-lai mee ɓee gə́ Ejiptə, ndu no̰ gə́ bèe lé dəw oo togə́bè kédé el ləm, a koo togə́bè gogo el ləm tɔ.

Teḛ-Raga 11:6 ပူးပေါင်းရင်းမြစ်များ

Teḛ-Raga 11:7

Nɛ mbuna Israɛlje’g lai lé un kudee dɔ dəwje’g saar teḛ ne dɔ nékulje’g lai lé bisi kára kara a kinja miḭ el, mba kar sí gərje ne gao to gə́ Njesigənea̰ lé ɔr kəm Ejiptəje ɓəd ləm, ɔr kəm Israɛlje kara ɓəd ləm tɔ.

Teḛ-Raga 12:30

Parao̰ ḭta mee til’g neelé yeḛ gə kuraje ləa lai ləm, gə njé gə́ Ejiptə lai ləm tɔ, ndu kii ɓar gə loo birim-birim mee ɓee gə́ Ejiptə mbata kəi kára kara gə́ lal yoo lé godo.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 9:18

aa oo, bèlè gə kàr gə́ togə́bè ndá n’a kar ndi kwɔji gə́ al dɔ loo sula ər dɔ sí’g, ndi kwɔji neelé dəw oo garee gə́ togə́bè ɓee gə́ Ejiptə gɔl kára el, un kudee ndɔ tum gin ɓee gə́ nee el ya saar ɓəi.

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Esai 15:8

Mbata ndu no̰je lé gugu dɔ rəw-nim-ɓeeje gə́ Moab sub, Ndu no̰ sii mbigi-mbigi lə dee ɓar saar teḛ Eglayim ləm, Ndu no̰ sii mbigi-mbigi lə dee ɓar saar teḛ Beer-Elim ləm tɔ.

Esai 19:16

Mee ndəa’g neelé Ejiptəje d’a to kasəna gə denéje, d’a kunda bala ləm, d’a ɓəl ləm tɔ loo gə́ d’oo ji Njesigənea̰ gə́ njeboo-néje gə́ ula gə́ dɔ dee’g ləm, loo gə́ yeḛ un jia gə́ tar rɔ ne sə dee ləm tɔ.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Nɔ̰-ndôo gə́ wɔji dɔ Jerusalem 3:8

Ma m’ila boo-ndum naŋg M’no̰ m’ɓar-ɓar Mba kar dee la səm nɛ pi ləm, Yeḛ un mbia rəw dɔ tamaji’g ləm ləm tɔ.

Amɔs 5:17

Loo-ndɔ-nduúje lai lé D’a no̰ yoo keneŋ Loo gə́ n’a gə dəs mbuna sí’g ya, Njesigənea̰ ɓa pa bèe.

Soponi 1:10

Njesigənea̰ pana: Mee ndəa’g neelé D’a koo ndu kii tarəwkəi gə́ ɓaree Tarəw-ka̰jije ləm, Gə no̰ sii mbigi-mbigi mee dəb loo gə́ mee ɓee-boo’g ləma, Gə tuji-boo gə́ oso dɔdərlooje’g ləm tɔ.

Lugu 13:28

Lée neelé a to loo no̰ gə mán-no̰ kəm’g ləm, gə loo sɔ ŋgaŋ pəgərə-pəgərə ləm tɔ loo gə́ seḭ a kooje Abrakam gə Isaak gə Jakob gə njéteggintaje lai mee ɓeeko̰’g lə Ala lé ya nɛ seḭje lé d’a kɔm sí gir loo’g raga tɔ.