Teḛ-Raga 11:3 - Maktub gə́ To gə Kəmee

³ Njesigənea̰ ar koso-dəwje lé taa kəm njé gə́ Ejiptə rəgm. Moyis kara to dəw gə́ boo mee ɓee gə́ Ejiptə kəm kuraje’g lə Parao̰ ləm, gə kəm koso-dəwje’g ləm tɔ.

Teḛ-Raga 11:3 ပူးပေါင်းရင်းမြစ်များ

Gḭ-Néje 12:2

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ.

Gḭ-Néje 39:21

Njesigənea̰ nai gə Jisəb ləm ra səa meemaji ləm tɔ. Yeḛ aree taa kəm mbai gə́ njeŋgəm kəi-daŋgai lé rəgm.

2 Samel 7:9

Ma m’nai səi looje gə́ rara kara gə́ i aw keneŋ ləm, ma m’tuji njéba̰je ləi nɔḭ’g ləma, ma m’ar rii ɓar to gə́ ri dəwje gə́ boo-boo gə́ d’isi dɔ naŋg nee ɓar ne bèe ləm tɔ.

Este 9:4

Mbata Mardose lé iŋga dɔmoŋ mee kəi’g lə mbai ar ria ɓar mee dəb ɓeeko̰je’g lai mbata dɔmoŋ ləa gə́ ḭ dɔ maree’d gə́ kédé-kédé lé.

Pakɔsje 106:46

Yeḛ ɔs njékwa dee gə́ ɓərje lé Ar meḛ dee aw taḭ-taḭ dɔ dee’g ləm tɔ.

Teḛ-Raga 12:35

Israɛlje lé ra né gə́ Moyis ula dee kédé lé, bèe ɓa deḛ kwɔi njé gə́ Ejiptə néndamje gə́ ra gə larnda əsé gə larlɔr ləm, gə kubuje ləm tɔ.

Teḛ-Raga 12:36

Njesigənea̰ ra né ar dəwje neelé taa kəm njé gə́ Ejiptə rəgm ndá deḛ d’ar dee néje gə́ deḛ kwɔi dee lé ya. Bèe ɓa deḛ taa ne nébaoje lə njé gə́ Ejiptə ya.

Teḛ-Raga 3:21

M’a ra né kar koso-dəwje neelé taa ne kəm njé gə́ Ejiptə rəgm, bèe ɓa loo gə́ seḭ a gə teḛ kawje ndá seḭ a kawje gə ji sí kari ba el.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Néra Njékaḭkulaje 7:22

Deḛ ndoo Moyis gosɔkəmkàr lə njé gə́ Ejiptə lai, aree moŋg dɔ ta’g ləm, gə dɔ néra’g ləm tɔ.

Tel tura Godndu 34:10

Njetegginta kára kara gə́ to tana gə Moyis gə́ Njesigənea̰ gəree maji bèe lé a kiŋgá mee ɓee’g lə Israɛlje el ŋga.

Tel tura Godndu 34:11

Dəw kára kara gə́ d’a kwá kwɔjee ne gə mbata lə nétɔjije gə némɔrije lai gə́ Ala ulá aree ra mee ɓee gə́ Ejiptə gə Parao̰ gə kuraje ləa gə ɓee ləa lai lé godo tɔ.

Jujé 4:14

Mee ndəa’g neelé Njesigənea̰ ar Juje tel to dəw gə́ boo kəm koso-dəwje gə́ Israɛl lai ya ndá deḛ ɓəlee loo kaw kəmba’g ləa to gə́ deḛ ɓəl ne Moyis bèe lé ya tɔ.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.