Teḛ-Raga 10:7 - Maktub gə́ To gə Kəmee

⁷ Kuraje lə Parao̰ d’ulá pana: See dəw neelé a to gum kwa sí ya bèe-bèe saar gə́ ndɔ gə́ ra wa. Maji kari ya̰ dəwje neelé ar dee d’aw gə mba pole Njesigənea̰ Ala lə dee. Ɓee gə́ Ejiptə lé si tuji gə́ tuji nɛ see i oo el ya ɓəi wa.

Teḛ-Raga 10:7 ပူးပေါင်းရင်းမြစ်များ

Pakɔsje 107:34

Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Teḛ-Raga 12:33

Njé gə́ Ejiptə d’ɔs kudu dəwje lé ɓɔḭ-ɓɔḭ ləm, d’ɔs rɔ dee ɓad tuba dee ne mee ɓee’g lé ləm tɔ mbata dee pana: N’a gə kwəije lai.

Teḛ-Raga 23:33

Seḭ a kar deeje d’isi mee ɓee’g lə sí el nà banelə d’a kar sí raje kaiya kɔsmje ne rəw, mbata seḭ a raje ne kar magəje lə dee ndá a tel to gum kwa sí tɔgərɔ ya.

Teḛ-Raga 7:5

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Teḛ-Raga 8:19

N’a kunda kəm dəwje lə neḛ ɓəd ləm, n’a kunda kəm dəwje ləi ɓəd ləm tɔ. Nétɔji neelé a teḛ bèlè ya.

Gosota-Kəmkàrje 29:6

Loo ra majel lə dəw gə́ njemeeyèr lé gum to keneŋ, Nɛ njemeekarabasur ɔs pa rɔlel ləm, al rəa ləm tɔ.

Njekillamber 7:26

Ndá ma m’oo to gə́ dené Gə́ mée to asəna gə gum gə ba̰də bèe ləm, Jiaje to to gə́ kúla tɔ né ləm tɔ lé To né gə́ adə unda yoo. Dəw gə́ taa kəm Ala rəgm Ɓa teḛ meḛ ji dené’g neelé Nɛ yeḛ gə́ to njekaiya ndá Yeḛ wá ne kérég.

Esai 14:20

I orè sə dee na̰ dɔɓar’g el Mbata i tuji ɓee ləi ləm, I ar koso-dəwje ləi tuji pugudu-pugudu ləm tɔ. D’a ɓar ri ginka njémeeyèrje neelé gogo el ŋga.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Jeremi 48:4

Ɓee gə́ Moab tuji pugudu-pugudu! Ndu no̰ lə ŋganje ɓar birim-birim.

Jeremi 51:8

Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

1 Njé gə́ Kɔrḭtə 7:35

Ma m’ula sí ta neelé gə mba kaa ne dɔ sí ɓó mba kiya sí ne gum el. Ma m’ndigi kɔr sí kɔm sí dan né gə́ maji’g gə mba kar sí tia̰je rɔ Mbaidɔmbaije’g ɗigi-ɗigi ɓó kar né jɔg sí keneŋ el.

Jujé 23:13

maji kar sí gərje gao, Ala lə sí gə́ Njesigənea̰ a tuba ginkoji dəwje gə raŋg neelé no̰ sí’g kəmee gə́ kédé-kédé el, nɛ d’a tel to gə́ ba̰də əsé gum kwa sí ləm, gə ndəi kunda sí ləma, gə kunje gə́ tɔs kəm sí ləm tɔ, saar kar sí tujije ne mee ɓee gə́ maji gə́ Njesigənea̰, Ala lə sí ar sí lé ya.

1 Samel 18:21

Yeḛ pa mée’g pana: M’a karee ya gə mba karee tel to gum kwá karee oso ne ji Pilistije’g. Bèe ɓa Sawul ula Dabid njekɔm’g gɔl joo tɔɓəi pana: Ɓogənè i a tel to meemje.

1 Samel 5:11

Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya.