Teḛ-Raga 10:3 - Maktub gə́ To gə Kəmee

³ Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 10:3 ပူးပေါင်းရင်းမြစ်များ

1 Mbaije 18:21

Yen ŋga Eli rəm pər gə́ rɔ koso-dəwje’g ndá yeḛ pana: See ndɔ gə́ ra ɓa seḭ a kəwje rɔ sí kulaje panjaa sí na̰’d lé wa. Ɓó lé Njesigənea̰ ɓa to Ala ndá awje gée’g, ŋga ɓó lé to Baal tɔ ndá awje gée’g tɔ. Koso-dəwje tel d’ilá keneŋ el.

1 Mbaije 21:29

See i oo né gə́ Akab ra ula ne dəa nɔm’g lé ya wa. To gə́ yeḛ ula dəa nɔm’g ndá m’a kar némeeko̰ teḛ ndɔ si kəmba’g ləa el, a to mee ndɔ si kəmba’g lə ŋgonee ɓa m’a kar némeeko̰ teḛ dɔ njémeekəije’g ləa ɓəi.

2 Mbaije 22:19

Mbata ɓəŋgəri ti dus ləm, mbata i oso kul no̰ Njesigənea̰’g dɔ ta gə́ neḛ m’pa dɔ loo gə́ neelé gə dɔ koso-dəwje gə́ d’isi keneŋ gə́ d’a tel to njé gə́ ndɔl wa dɔ dee gə néje gə́ tuji ləm, mbata i til kubu rɔi’g hao̰-hao̰ ləma, i no̰ no̰ neḛ’g ləm tɔ ndá neḛ kara n’oo tɔ, Njesigənea̰ ɓa pa togə́bè ya.

2 Sôrta Gḭka Israɛlje 33:12

Loo gə́ yeḛ si dan némeeko̰’g ndá yeḛ ra ndòo rɔ Njesigənea̰ Ala’g ləa, tɔɓəi yeḛ oso kul riba dɔ rəa pərəg no̰ Ala’g lé lə bɔbeeje-je.

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

2 Sôrta Gḭka Israɛlje 34:27

Mbata ɓəŋgəri ti dus ləm, mbata i wa ndòo no̰ Ala’g lé dɔ ta gə́ pa dɔ loo gə́ nee’g gə dɔ dəwje gə́ d’isi keneŋ ləm, mbata i oso kul no̰m’g ləma, mbata i til kubuje ləi rɔi’g no̰m’g ləm tɔ ndá ma kara m’oo ndui ya tɔ. Njesigənea̰ ɓa pa bèe.

2 Sôrta Gḭka Israɛlje 7:14

ɓó lé koso-dəwje ləm gə́ d’unda rim dɔ dee’g lé, d’oso kul ra ne tamaji tam’g ləm, gə d’uba goo rəw-kaw deeje gə́ majel d’ya̰ ləm tɔ ndá m’a koo ta lə dee mee dara’g ləm, m’a kar məəm oso lemsé dɔ kaiyaje’g lə dee ləma, m’a kar ɓee-si dee tel to maji péd-péd ləm tɔ.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Teḛ-Raga 10:4

Ɓó lé i mbad kya̰ dəwje lə neḛ kar dee d’aw ndá aa oo bèlè lé n’a kar beedéje ree taa loo pəl-pəl mee ɓee’g ləi.

Teḛ-Raga 16:28

Bèe ɓa Njesigənea̰ ula Moyis pana: Mbad gə́ seḭ mbad kaaje dɔ torndum gə godndumje kər-kər lé see ndɔ gə́ ra ɓa a kundaje ŋgaŋgee wa.

Teḛ-Raga 4:23

Neḛ n’ulai m’pana: Ya̰ ŋgon neḛ aree aw aw pole neḛ, ɓó lé i ndigi kyá̰ karee aw el ndá aa oo, n’a tuji ŋgoni gə́ to ŋgondəri tɔ.

Teḛ-Raga 5:1

Gée gə́ gogo Moyis deḛ gə Aaro̰ d’aw rɔ Parao̰’g d’aw d’ulá pana: Njesigənea̰ Ala lə Israɛlje lé pa bèe pana: Ya̰ dəwje lə neḛ ar dee d’aw dɔdilaloo’g mba ra naḭ gə́ wɔji dɔ neḛ.

Teḛ-Raga 9:17

Ɓó lé i ḭ gə dəwje lə neḛ gɔl kára ɓəi ləm, əsé ɓó lé i ya̰ dee ar dee d’aw el ləm tɔ ndá,

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 1:24

Mbata ma m’ɓar sí Nɛ seḭ mbad reeje ləm, Ma m’ula jim ndiŋ Nɛ dəw kára kara oo gə́ né el ləm,

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 13:18

Ula mbai gə kea̰je pana: Rəmje síje naŋg Mbata dɔgugu-mbai gə́ to néɗɔi-rɔ sí lé oso naŋg.

Jeremi 50:29

Ɓarje njérɔ ɓandaŋgje Ar deeje d’aw rɔ gə Babilɔn, Seḭ lai gə́ toje njéra gama rɔ ɓandaŋgje lé. Aḭje dəa sub arje dəw kára kara Teḛ aḭ el ləm, Raje səa gə goo kula reaje ləma, Raje səa areeje aw na̰’d béréré Gə kea̰ gə́ yeḛ ra lé ləm tɔ. Mbata beelé ḭ səa dɔ Njesigənea̰’d Gə́ to Njerɔkunda lə Israɛlje lé.

Ejekel 5:6

Njé gə́ Jerusalem d’al dɔ godnduje lə neḛ gə dɔ ndukunje lə neḛ d’ar ta gə́ wa dɔ dee lé ur dɔ ka̰ ginkoji dəwje gə raŋg’g gə ɓeeje gə́ gugu dɔ dee. Mbata deḛ d’ə̰ji godnduje lə neḛ bəḭ-bəḭ ləm, deḛ njaa gə goo ndukunje lə neḛ el ləm tɔ.

Loo gə́ killa rea kəm Daniel’g 5:22

I Belsasar gə́ to ŋgonee lé i gər néje neelé lai ya nɛ i ula dɔi el.

Bula lə Israɛlje 14:27

See saar ndɔ gə́ ra ɓa m’a kya̰ loo kar koso-dəwje gə́ njémeeyèrje neelé d’əw rɔ dee jém ta kim ne rɔ dee dɔm’g wa. Ma m’oo jém ta lə Israɛlje gə́ jém d’im ne rɔ dee dɔm’g lé ya.

Njé gə́ Rɔmə 2:4

See bao-noji lə Ala ləm, gə meekila ləa ləma, gə meekai sam-sam ləa ləm tɔ lé i ə̰ji bəḭ-bəḭ wa. See meemaji lə Ala gə́ ɔsi ɓɔḭ-ɓɔḭ gə mba kari wa ndòo rɔi dɔ kaiya’g ləi lé see i gər el wa.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Maktub gə́ Jak ula ne ar ngan-Allaje 4:10

Osoje kul no̰ Mbaidɔmbaije’g ndá yeḛ nja a kun sí kuru sí tar jigiri ɓəi.

1 Piɛrə 5:6

Ulaje dɔ sí meḛ ji siŋgamoŋ’d lə Ala mba karee un sí ur sí tar mee ndəa’g neelé.