Teḛ-Raga 10:19 - Maktub gə́ To gə Kəmee

¹⁹ Yen ŋga Njesigənea̰ ar lel-boo ḭ dɔ-gó ula gə siŋga ɔr beedéje neelé ɓugu dee dan baa-boo gə́ ria lə baa-boo gə́ Kas, mee ɓee gə́ Ejiptə lai lé beedéje kára kara nai keneŋ el.

Teḛ-Raga 10:19 ပူးပေါင်းရင်းမြစ်များ

Pakɔsje 109:23

Ma lé m’aw asəna gə ndil kag gə́ teḛ loo kɔs bo̰’g ləa bèe ləm, Deḛ tubam tar asəna gə beedé bèe ləm tɔ.

Teḛ-Raga 10:18

Moyis unda loo mee kəi’g lə Parao̰ teḛ raga tɔɓəi yeḛ ra tamaji ta Njesigənea̰’g tɔ.

Teḛ-Raga 10:20

Njesigənea̰ ar mee Parao̰ ndər ndá Parao̰ ya̰ Israɛlje ar dee d’aw el ya ɓəi.

Teḛ-Raga 13:18

Nɛ Ala ar koso-dəwje d’un rəw gə́ ɔr goŋ par gə́ dɔdilaloo’d gə́ aw par gə́ baa-boo gə́ ria lə baa-Kas. Israɛlje lé d’wa nékadje ji dee’g ɓa d’unda ne loo mee ɓee gə́ Ejiptə teḛ ya.

Teḛ-Raga 15:4

Pusu-rɔje lə Parao̰ gə njérɔje ləa lé Yeḛ ɔm dee dan baa-boo’g, Bao-rɔje ləa gə́ mbərḛ mbə̰ lé Baa-boo gə́ ria lə Baa-Kas tur dɔ dee.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Ǝbrəje 11:29

Meekun lé ɓa deḛ d’unda ne dan baa-boo gə́ kas dana gaŋg asəna gə loo gə́ tudu kurum-kurum bèe. Njé gə́ Ejiptə gə́ naa mán mba kuru teḛ goo dee’g ya nɛ deḛ nai keneŋ wo̰d.