Teḛ-Raga 10:14 - Maktub gə́ To gə Kəmee

¹⁴ Beedéje lé teḛ mee ɓee gə́ Ejiptə’g tɔɓəi d’wa naŋg gə looje lai-lai mee ɓee gə́ Ejiptə’g lé tɔ, deḛ bula digi-digi dum dɔ loo tɔ, to né gə́ dəw oo togə́bè kédé el ləm, a koo garee gə́ togə́bè gogo el ləm tɔ.

Teḛ-Raga 10:14 ပူးပေါင်းရင်းမြစ်များ

1 Mbaije 8:37

Loo gə́ ɓoo-boo, gə yoo-koso, gə rɔko̰ kwa moro ɗugugu-ɗugugu, gə rɔko̰ gə́ ar kó oji sum wa ɗugugu-ɗugugu, gə beedéje əsé gabəraje d’a teḛ ne ɓee’g, əsé loo gə́ njéba̰je d’a gugu dɔ koso-dəwje ləi sub mee ɓee’g lə dee saar teḛ tarəwkəije’g lə dee, loo gə́ yoo-koso əsé rɔko̰je gə́ ɓəd-ɓəd d’a teḛ,

Pakɔsje 78:46

Yeḛ ula beedéje dɔ koje’g lə dee ləm, Gə dɔ néje lai gə́ mee ndɔje’g lə dee ləm tɔ.

Teḛ-Raga 11:6

D’a no̰ gə kii mbidi-mbidi gə looje lai-lai mee ɓee gə́ Ejiptə, ndu no̰ gə́ bèe lé dəw oo togə́bè kédé el ləm, a koo togə́bè gogo el ləm tɔ.

Teḛ-Raga 9:18

aa oo, bèlè gə kàr gə́ togə́bè ndá n’a kar ndi kwɔji gə́ al dɔ loo sula ər dɔ sí’g, ndi kwɔji neelé dəw oo garee gə́ togə́bè ɓee gə́ Ejiptə gɔl kára el, un kudee ndɔ tum gin ɓee gə́ nee el ya saar ɓəi.

Gosota-Kəmkàrje 30:27

Beedéje lé mbai lə dee godo, Nɛ d’unda loo teḛ gə kudu dee kudu dee,

Joɛl 1:7

Deḛ tuji kag-nduúje ləm ləm, Deḛ guru kag-kodé ləm rug-rug ləm, Deḛ tusu ŋgɔyee ŋgəu-ŋgəu d’ɔm naŋg ləma, Barkəm nduúje tel ndá pal-pal ləm tɔ.

Tel tura Godndu 28:38

Seḭ a kodoje kó né yaa̰ mba kaw dubu nɛ seḭ a kinjaje lam ba bèe mbata beedéje d’a ko̰ lai.

Tel tura Godndu 28:42

Ndirikɔrje d’a taa kagje gə kandə néje gə́ mee ndɔje’g lə sí lai gə́ ka̰ dee-deḛ.