Teḛ-Raga 1:7 - Maktub gə́ To gə Kəmee

⁷ Israɛlje lé d’oji na̰ gə́ kédé-kédé ləm deḛ bula digi-digi ləm siŋga dee kara ḭ dɔ maree’d gə́ kédé-kédé ləm tɔ. Deḛ taa loo mee ɓee’g neelé pəl-pəl.

Teḛ-Raga 1:7 ပူးပေါင်းရင်းမြစ်များ

Gḭ-Néje 1:20

Ala pana: Maji kar nékundaje gə́ d’aw kəmba kinja budu-budu mee manje’g ləm, kar nékundaje nar gə bag dee dɔ naŋg nee ləm gə pə̰ dara’g ləm tɔ.

Gḭ-Néje 1:28

Ala tɔr ndia dɔ dee’g, ndá yeḛ ula dee pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləm, rusuje naŋg nee njḭ-njḭ ləma, dumje dɔ naŋg nee ləm tɔ. Maji kar sí dumje dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləma, gə dɔ daje lai gə́ d’aw dɔ naŋg nee ləm tɔ.

Gḭ-Néje 12:2

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ.

Gḭ-Néje 13:16

M’a kar ŋgakaije bula d’asəna gə nduji naŋg mba kar ɓó lé dəw askəm tura nduji naŋg ndá ŋgakaije kara a tura bula lə dee bèe ya tɔ.

Gḭ-Néje 15:5

Loo gə́ yeḛ teḛ səa raga ndá yeḛ ulá pana: Un kəmi par gə́ dara, tura kéréméje. See i askəm tura dee ya wa. Tɔɓəi yeḛ ulá pana: Ŋgakaije kara d’a bula togə́bè ya tɔ.

Gḭ-Néje 17:16

M’a tɔr ndum dəa’g ləm, mbɔl dəa ɓa m’a kari ne ŋgon ləm tɔ. M’a tɔr ndum dəa’g karee to ne ko̰ ginkoji dəwje gə raŋg bula, mbaije lə koso-dəwje kara d’a kḭ mée’g tɔ.

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

Gḭ-Néje 26:22

Yeḛ ḭ loo gə́ nee’g saa rəa aw uru bwa-mán gə́ raŋg ya tɔɓəi ndá deḛ saŋg loo mba kɔl səa dɔ’g el ŋga. Ndá yeḛ unda ria lə Rehobot mbata yeḛ pana: Ɓasinè Njesigənea̰ ar sí loo gə́ tad rəg-rəg mba kar sí j’isi keneŋ ndá j’a teḛkɔr dɔ naŋg’d neelé ya.

Gḭ-Néje 26:4

M’a kar ŋgakaije d’ɔs goo na̰ gə́ kédé-kédé bula d’asəna gə kéréméje gə́ dara. Dɔ naŋg ɓeeje lai neelé m’a kar ŋgakaije ya. Ginkoji dəwje gə raŋg lai dɔ naŋg nee d’a kiŋga ne dɔkaisəgərə rɔ ŋgakaije’g ya tɔ.

Gḭ-Néje 28:14

Ŋgakaije lé d’a bula kasəna gə nduji naŋg. D’a taa loo par gə́ dɔ-gó gə bər ləm, par gə́ dɔgel gə dɔkɔl ləm tɔ ndá ginkoji dəwje gə raŋg lai gə́ dɔ naŋg nee d’a kiŋga dɔkaisəgərə rɔi’g gə rɔ ŋgakaije’g ya.

Gḭ-Néje 35:11

Ala ulá pana: Ma m’to Ala gə́ m’to Bao-siŋgamoŋ. Maji kari oji ŋganje bula ar dee d’ɔs goo na̰ goo na̰ ya. Ginkoji dəwje gə́ kára ləm, gə ginkoji dəwje gə́ bula ləm tɔ lé d’a kḭ rɔi’g ləm, mbaije kara d’a teḛ məəi’g ya ləm tɔ.

Gḭ-Néje 46:3

Ala pana: Ma m’to Ala, Ala lə bɔbije ya. Maji kari ɓəl mba kaw ɓee gə́ Ejiptə lé el mbata lé gə́ neelé ɓa m’a kari tel to ginkoji dəwje gə́ boo keneŋ ya.

Gḭ-Néje 47:27

Israɛl si ɓee gə́ Ejiptə dɔ naŋg gə́ Gosen. Deḛ d’iŋga néje lə dee keneŋ ləm, deḛ d’oji ŋganje bula d’ɔs goo na̰ goo na̰ ləm tɔ.

Gḭ-Néje 48:16

Maji kar kura lə Ala gə́ dara gə́ njekɔrm dan némajelje’g lai lé Tɔr ndia dɔ basaje’g neelé! Maji kar rim to dɔ dee’g, Gə ri bɔmje-je gə́ Abrakam gə Isaak ləm, Maji kar dee tel bula d’ḭ ne dɔ maree’d gə́ kédé-kédé Mbuna njé gə́ naŋg neelé ləm tɔ!

Gḭ-Néje 48:4

Yeḛ ulam pana: Aa oo, m’a kari oji ŋganje bula ləm, d’a kɔs goo na̰ goo na̰ ləma, m’a teli gə́ gin koso-dəwje bula ləm tɔ. M’a kar dɔ naŋg neelé to ka̰ ŋgakaije gə́ gooi’g mba karee to ka̰ dee-deḛ ya saar gə no̰.

Gḭ-Néje 9:1

Ala tɔr ndia dɔ Noe’g gə dɔ ŋganeeje’g ula dee ne pana: Ojije na̰, ɔsje ne goo na̰ gə́ kédé-kédé, rusuje ne naŋg nee tub-tub.

Nehemi 9:23

I ar bula lə ŋgan deeje ḭ dɔ maree’d gə́ kédé-kédé To gə́ kéréméje gə́ dara bèe ləm, I ar dee d’andə mee ɓee Gə́ i un ndui ar bɔ deeje-je mba kar dee taa Gə́ né ka̰ dee-deḛ lé ləm tɔ.

Pakɔsje 105:24

Yeḛ ar dəwje ləa lé d’oji na̰ bula yaa̰ ləm, Ar siŋga dee ur dɔ njéba̰je’g lə dee ləm tɔ.

Pakɔsje 107:38

Yeḛ tɔr ndia dɔ dee’g ar dee bula ne digi-digi ləm, Nékulje lə dee lé yeḛ ar bula lə dee rəm gogo el ləm tɔ.

Teḛ-Raga 1:12

Nɛ lé d’ula kəm dee ndòo bèe kara deḛ d’oji na̰ gə́ kédé-kédé ya ləm, bula lə dee aw gə́ kédé-kédé ya ləm tɔ, ŋgan Israɛlje lé dəwje d’ə̰ji dee bəḭ-bəḭ ya.

Teḛ-Raga 12:37

Israɛlje d’ḭ Ramsɛs d’aw Sukot, bula lə diŋgamje gə́ to goŋ-rɔje lé aḭ tɔl-dɔg-loo-tɔl-misa̰ (600.000) lal turaje ŋganje.

Teḛ-Raga 5:5

Parao̰ pana: Aa ooje, ɓasinè koso-dəwje neelé bula yaa̰ mee ɓee’g nee ya, nɛ see ban ɓa seḭ ɔg deeje dɔ kulaje’g lə dee wa.

Ejekel 16:7

Neḛ n’ar bula ləi ḭ dɔ maree’d gə́ kédé-kédé to gə́ muje gə́ mee wala’g bèe. Ndá rɔi oso dɔ maree’d gə́ kédé-kédé ari ra ne tɔg ləm, gə tel maji péd-péd ləm tɔ, i uba mbà ləm, yiŋga dɔi ŋgal pɔ-pɔ ləm tɔ. Nɛ kudi to dum ɓa ləm, rɔi to kari péd-péd ləm tɔ.

Néra Njékaḭkulaje 13:17

Ala lə koso-dəwje gə́ Israɛl neelé ɓa mbər ka síjeḛ ya. Yeḛ ila riɓar dɔ dee’g loo gə́ deḛ nai ne Ejiptə’g ɓəi tɔɓəi yeḛ ɔr dee keneŋ gə jia gə ɓar mèr-mèr.

Tel tura Godndu 10:22

Bula lə bɔ síje-je gə́ d’aw Ejiptə lé d’as rɔ-siri ba ɓa d’aw nɛ ɓasinè Ala lə sí gə́ Njesigənea̰ ar sí telje bulaje digi-digi to gə́ kéréméje gə́ dara bèe ya.

Tel tura Godndu 26:5

Tɔɓəi debee neelé a kun ta pa no̰ Njesigənea̰ Ala’g lə sí tɔɓəi pana: Bɔ síjeḛ-je lé to gə́ dəw gə́ Aram gə́ njekilatar, yeḛ aw Ejiptə gə koso-dəwje gə́ lam ba bèe gə mba si keneŋ, lé gə́ neelé ɓa yeḛ tel to ginkoji dəwje gə́ boo keneŋ ləm, gə́ siŋga dee to yaa̰ ləma, gə́ bula digi-digi ləm tɔ.