Teḛ-Raga 1:20 - Maktub gə́ To gə Kəmee

²⁰ Ala ra meemaji gə njétaa-ndóoje neelé, tɔɓəi Israɛlje lé d’oji na̰ gə́ kédé-kédé tel bula ne digi-digi tɔ.

Teḛ-Raga 1:20 ပူးပေါင်းရင်းမြစ်များ

Pakɔsje 103:11

To gə́ dara to tar sab gə naŋg lé Meemaji ləa kara boo togə́bè to Mbata lə deḛ gə́ ɓəlee lé.

Pakɔsje 111:5

Deḛ gə́ ɓəlee lé Yeḛ nja ɓa ar dee nésɔ dee ləm, Yeḛ ə̰ji dɔ ndu manrɔ’g ləa gə́ yeḛ man ne rəa ar dee lé ta-ta ya ləm tɔ.

Pakɔsje 145:19

Deḛ gə́ ɓəlee lé Yeḛ ar néje lai gə́ deḛ ndiŋga lé Aw lée’g béréré ləm, Yeḛ oo ndu no̰ lə dee ndá aji dee ne ya ləm tɔ.

Pakɔsje 61:5

Ma m’ndigi si mee kəi-kubu’g ləi saar gə nɔm Gə mba kula ne dɔm pḛ́ ndil bagije’g

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Teḛ-Raga 1:12

Nɛ lé d’ula kəm dee ndòo bèe kara deḛ d’oji na̰ gə́ kédé-kédé ya ləm, bula lə dee aw gə́ kédé-kédé ya ləm tɔ, ŋgan Israɛlje lé dəwje d’ə̰ji dee bəḭ-bəḭ ya.

Teḛ-Raga 1:19

Njétaa-ndóoje lé d’ila Parao̰ keneŋ pana: Mbata dené Ǝbrəje lé to d’asəna gə denéje gə́ Ejiptə nee bèe el, siŋga dee to kɔgərɔ-kɔgərɔ ndá deḛ ya d’oji ŋganje kédé mba̰ ɓa njetaa-ndóo teḛ lée’g ɓəi.

Teḛ-Raga 1:7

Israɛlje lé d’oji na̰ gə́ kédé-kédé ləm deḛ bula digi-digi ləm siŋga dee kara ḭ dɔ maree’d gə́ kédé-kédé ləm tɔ. Deḛ taa loo mee ɓee’g neelé pəl-pəl.

Gosota-Kəmkàrje 11:18

Njemeeyèr lé iŋga nédɔjia gə́ ŋgɔm, Nɛ yeḛ gə́ dubu néra gə́ gə dɔ najee ndá Yeḛ iŋga nékoga dɔ jia gə́ gəd.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Njekillamber 8:12

Lé bèe kara ɓó lé Njekaiya ra némajel as gɔl tɔl (100) Si ne ŋgəd-ŋgəd kuree əw kara Ma m’gər gao to gə́ si dan maji’g to Mbata lə deḛ gə́ ɓəl Ala Deḛ d’ila koji dəa’g ya.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Matiyo 10:42

Nana ɓa gə́ a kun ŋgo-kai-mán gə́ kul kar dəw kára mbuna ŋganəmje’g neelé mbata yeḛ to njekwakilam ndá ma m’ula sí təsərə, debee neelé nékiŋga gə́ wɔji dəa ndá a lal nda̰ bèe el.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.