Teḛ-Raga 1:14 - Maktub gə́ To gə Kəmee

¹⁴ Deḛ d’ar meḛ dee adə dee mbag-mbag dɔ kula gə́ kədərə gə́ wɔji dɔ mbɔḭ a̰ji ləm, gə kɔr bɔrɔ ləma, gə kula ndɔje lai ləm tɔ, gə goo meeyèr gə́ to kḛji ɓa deḛ d’ɔm ne kulaje gə́ wɔi dɔ dee’g bèe ya.

Teḛ-Raga 1:14 ပူးပေါင်းရင်းမြစ်များ

Gḭ-Néje 15:13

Njesigənea̰ ula Abram pana: Maji kari gər gao, ŋgakaije lé d’a to mbáje mee ɓee gə́ a to ka̰ dee-deḛ el. D’a kwa dee gə́ ɓər ləm, d’a kula kəm dee ndòo as ləb dee tɔl-sɔ (400) ləm tɔ.

1 Mbaije 12:14

yeḛ ila dee keneŋ gə goo ta gə́ basaje d’ulá lé togə́bè pana: Baumje unda nékodo gə́ wɔi gwɔb sí’g nɛ ma lé m’a kila maree dɔ’g mba karee wɔi sí unda nje gə́ kédé, bɔmje unda sí gə ndəije nɛ ma ndá m’a kunda sí gə mbai-yḭje ya.

Pakɔsje 129:1

Pakɔs kḭ kaw tuga ne loo ɗao-ɗao gə́ tar. Un kudee loo gə́ m’nai basa ya ɓəi lé D’ulam ndubu lé d’aree asm ya, Maji kar Israɛlje lé pa bèe pana:

Pakɔsje 68:13

Mbaije gə́ njeboo-néje lé d’aḭ, d’aḭ lai ya, Nɛ denéje gə́ nai mee kəi’g lé Ɓa kai na̰ nébanrɔ lé ya tɔ.

Pakɔsje 81:6

Yee ɓa to ndukun gə́ yeḛ un ar gel-bɔje lə Jisəb Loo gə́ d’aw mba rɔ gə njé gə́ Ejiptə lé. M’oo ndu dəw ɓar ya nɛ m’gər debee el. Yeḛ pana:

Teḛ-Raga 1:11

Yen ŋga Ejiptəje d’ɔr njékaa dɔ Israɛlje gə mba kar dee d’unda kulaje gə́ kədərə gə́ wɔi dɔ dee’g. Bèe ɓa d’ar dee ra ne ɓee-booje gə́ Pitɔm ləm gə Ramsɛs ləm mba kar dee to loo-ŋgəm-nékiŋgaje lə Parao̰.

Teḛ-Raga 1:13

Togə́bè ɓa njé gə́ Ejiptə d’ar Israɛlje ra ne kula ɓər d’aar dee ya.

Teḛ-Raga 1:15

Njétaa-ndóoje lə Ǝbrəje joo d’isi keneŋ, yeḛ gə́ kára ria la Sipra, yeḛ gə́ raŋg ria lə Pua tɔ.

Teḛ-Raga 2:23

Ndɔje bula dəs ndá mbai gə́ njeko̰ɓee gə́ Ejiptə lé wəi tɔɓəi Israɛlje lé tuma̰ ŋgururu-ŋgururu gin kúla ɓər’g ya ɓəi ləm, deḛ sii gə no̰ mbigi-mbigi ləm tɔ. Ndu no̰je gə́ kúla ɓər ar dee no̰ neelé aw njal oso mbi Ala’g lé pad ya.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 6:9

Moyis ula Israɛlje taree togə́bè. Nɛ néurti gə́ ra dee ləm, gə kula ɓər gə́ wɔi dɔ dee’g ləm tɔ lé ɓa ɔg dee loo koo ta lə Moyis ya.

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 14:6

Yeḛ gə́ oŋg ḭ səa jugugu Aree kunda ginkoji dəwje gə raŋg Gə́ kédé-kédé lal kəw rəa ləm, Yeḛ gə́ oŋg ḭ səa Aree dum dɔ ginkoji dəwje gə raŋg ləm tɔ lé D’ula kəmee ndòo lal kunda ŋgaŋgee.

Esai 51:23

M’a kulá ji deḛ gə́ to njékula kəm sí ndooje’g, Deḛ gə́ d’ula sí kédé pana: Rogoje naŋg ar sí njaaje dɔ sí’g! Seḭ a telje gir sí kaareeje To asəna gə naŋg bèe ləm, Asəna gə kila-rəw gə́ dəwje njaa keneŋ bèe ləm tɔ.

Esai 52:5

Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Esai 58:6

Aa ooje, kɔg-mee-ɓoo gə́ taa kəm lé ɓa nee: Tudu kúla lar gə́ ka̰ meeyèr ləm, Tudu kúla lar gə́ ka̰ kula ɓərje ləm, Kya̰ goo deḛ gə́ d’ula kəm dee ndòo kar dee d’aw ləma, Néje lai gə́ to néməməna̰ lé Təd gwɔb dee’g ləm tɔ,

Ləbije 25:43

Seḭ a kundaje siŋgamoŋ dəa’g el nɛ seḭ a ɓəlje Ala lə sí.

Ləbije 25:46

Seḭ a kya̰ deeje gə́ nénduba mbata lə ŋgan síje gə́ goo sí’g asəna gə néje lə dee bèe, seḭ a ŋgəm deeje gə́ ɓərje saar gə no̰. Nɛ ta gə́ wɔji dɔ ŋgako̰ síje gə́ to Israɛlje lé dəw kára kara mbuna sí’g a kunda siŋgamoŋ dɔ ŋgokea̰’g el.

Ləbije 25:53

Yeḛ a to asəna gə njekula lar bèe gə ləbee-ləbee, tɔɓəi dəw gə́ yeḛ a si səa lé a kunda siŋgamoŋ dəa’g kəm sí’g el tɔ.

Misee 3:3

Deḛ d’usɔ dakasrɔ koso-dəwje ləm ləm, Deḛ tusu ndar dee ləm, Deḛ təd siŋga dee ləma, Deḛ gaŋg dee dana ɗuguru-ɗuguru To gə́ naḭ gə́ ndiri mee ŋgoro’g bèe ləm To gə́ da gə́ d’ɔb gə əb bèe ləm tɔ.

Nahum 3:14

Seḭ Ninibəje lé maji kar sí toje mán mbata d’a gə gugu dɔ sí sub gə rɔ! Waje dɔ gɔl kəi-kaar-kɔgərɔje lə sí ləm, Urje bɔrɔ, mbɔḭje a̰ji ləma, Nṵgaje dərŋgelje ləm tɔ!

Bula lə Israɛlje 20:15

Bausije-je d’aw mee ɓee gə́ Ejiptə ləm, jeḛ j’isije keneŋ kur sí əw ləm tɔ. Nɛ njé gə́ Ejiptə lé ra sə sí majel, jeḛ gə bɔ síje-je lé tɔ.

Néra Njékaḭkulaje 7:19

Mbai neelé ra gosɔyèr gə ginkoji sí ləm, ra ne bɔ síjeḛ majel ləm tɔ saar ar dee d’ɔm ŋgan deeje ta yoo’g gə mba kar dɔ kal dee nai el.

Néra Njékaḭkulaje 7:34

Neḛ n’oo kəmtondoo lə koso-dəwje lə neḛ gə́ d’isi Ejiptə ləm, n’oo ndu no̰je lə dee ləm tɔ ndá neḛ n’ree gə mba kɔm dee tar. Ɓasinè aw n’a gə kulai Ejiptə’g ya.

Tel tura Godndu 26:6

Njé gə́ Ejiptə d’ula kəm sí ndòo yaa̰ ləm, d’orè dɔ sí naŋg ləma, d’ar sí n’raje kula ɓər gə́ kədərə yaa̰ ləm tɔ.

Tel tura Godndu 4:20

Nɛ seḭ lé Njesigənea̰ ɔr sí ar sí undaje loo mee ɓee gə́ Ejiptə gə́ to loo gə́ nuŋga kəd-kəd asəna gə loo-kula-bṵda bèe teḛje, gə mba kar sí toje koso-dəwje gə́ toje kea̰je ya doŋgɔ doi to gə́ seḭ toje ne ɓogənè lé tɔ.

Rudu 1:20

Nɛ yeḛ tel ula dee’g pana: Ɓarmje Naomi el, ɓarmje Mara ɓa: tel ta koji sí pana Némeekad, mbata Bao-siŋgamoŋ lé ar məəm adə mbag-mbag ya.