Teḛ-Raga 1:11 - Maktub gə́ To gə Kəmee

¹¹ Yen ŋga Ejiptəje d’ɔr njékaa dɔ Israɛlje gə mba kar dee d’unda kulaje gə́ kədərə gə́ wɔi dɔ dee’g. Bèe ɓa d’ar dee ra ne ɓee-booje gə́ Pitɔm ləm gə Ramsɛs ləm mba kar dee to loo-ŋgəm-nékiŋgaje lə Parao̰.

Teḛ-Raga 1:11 ပူးပေါင်းရင်းမြစ်များ

Gḭ-Néje 15:13

Njesigənea̰ ula Abram pana: Maji kari gər gao, ŋgakaije lé d’a to mbáje mee ɓee gə́ a to ka̰ dee-deḛ el. D’a kwa dee gə́ ɓər ləm, d’a kula kəm dee ndòo as ləb dee tɔl-sɔ (400) ləm tɔ.

Gḭ-Néje 47:11

Jisəb ar bɔbeeje gə ŋgakea̰je loo-si dee gə́ to dɔ naŋg gə́ maji ur dɔ maree’g mee ɓeeko̰ gə́ Ejiptə, to dɔ naŋg gə́ Ramsɛs, to gə́ Parao̰ un ne ndia aree kédé lé.

1 Mbaije 9:19

gə ɓee-booje lai gə́ to ka̰ Salomo̰ gə́ yeḛ ar dee to loo-kɔm-néje keneŋ asəna gə ɓee-booje gə́ ka̰ ŋgəm pusu-rɔje ləm, gə ɓee-booje gə́ wɔji dɔ njérɔ gə kundaje ləma, gə néje lai gə́ lel Salomo̰ mba ra Jerusalem gə Liba̰ gə ɓeeje lai gə́ yeḛ to gə́ mbai dɔ dee lé ləm tɔ.

2 Sôrta Gḭka Israɛlje 16:4

Ben-Adad oo ta lə mbai Asa lé ndá yeḛ ula njérɔje ləa gə mba kar dee d’aw rɔ gə njé gə́ mee ɓee-booje gə́ Israɛl ndá deḛ dum dɔ Ijo̰, gə Dan, gə Abel-Mayim, gə kəi-ŋgəm-néje lai gə́ to mee ɓee-booje gə́ Neptali tɔ.

2 Sôrta Gḭka Israɛlje 8:4

Yeḛ ra ɓee gə́ Tadmɔr dɔdilaloo’g ləm, gə ɓee-booje lai gə́ to gə́ loo ŋgəm néje mee ɓee gə́ Amat ləm tɔ.

Pakɔsje 105:13

Deḛ d’ḭ mbuna ginkoji-dəwje gə́ kára’g D’aw rɔ ginkoji-dəwje gə́ raŋg’d ləm, D’ḭ ɓeeko̰ gə́ kára’g D’ɔd d’aw par gə́ rɔ koso-dəwje gə́ raŋg’d ləm tɔ.

Pakɔsje 129:1

Pakɔs kḭ kaw tuga ne loo ɗao-ɗao gə́ tar. Un kudee loo gə́ m’nai basa ya ɓəi lé D’ulam ndubu lé d’aree asm ya, Maji kar Israɛlje lé pa bèe pana:

Pakɔsje 129:2

Un kudee loo gə́ m’nai basa ya ɓəi lé D’ulam ndubu lé d’aree asm ya Nɛ dum ɓa deḛ dum dɔm el.

Pakɔsje 68:13

Mbaije gə́ njeboo-néje lé d’aḭ, d’aḭ lai ya, Nɛ denéje gə́ nai mee kəi’g lé Ɓa kai na̰ nébanrɔ lé ya tɔ.

Pakɔsje 81:6

Yee ɓa to ndukun gə́ yeḛ un ar gel-bɔje lə Jisəb Loo gə́ d’aw mba rɔ gə njé gə́ Ejiptə lé. M’oo ndu dəw ɓar ya nɛ m’gər debee el. Yeḛ pana:

Teḛ-Raga 1:14

Deḛ d’ar meḛ dee adə dee mbag-mbag dɔ kula gə́ kədərə gə́ wɔji dɔ mbɔḭ a̰ji ləm, gə kɔr bɔrɔ ləma, gə kula ndɔje lai ləm tɔ, gə goo meeyèr gə́ to kḛji ɓa deḛ d’ɔm ne kulaje gə́ wɔi dɔ dee’g bèe ya.

Teḛ-Raga 2:11

Loo gə́ Moyis tɔg mba̰ ndá ndɔ kára bèe yeḛ teḛ aw rɔ ŋgakea̰je’g unda kəmee oo ne kulaje gə́ wɔi gə́ to dɔ dee’g lé. Yeḛ oo dəw gə́ Ejiptə gə́ aar kunda Ǝbrə kára mbuna ŋgakea̰je’g .

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 5:10

Njétə̰kulaje lə dəwje ləm, gə njékaa dɔ deeje ləm tɔ lé ree d’ula dəwje pana: Parao̰ pa bèe pana: N’a kar sí mu el ŋga.

Teḛ-Raga 5:15

Njékaa dɔ Israɛlje d’aw rɔ Parao̰’g no̰ dəa’g pana: See ban ɓa i ra gə kuraje ləi né gə́ togə́bè wa.

Teḛ-Raga 5:8

Nɛ lé togə́bè kara seḭ a kwɔjije sə dee bula lə bɔrɔ gə́ d’a kɔr to gə́ kédé ya ɓó seḭ a rəmje gə gée yɔgɔ kar deeje el, mbata deḛ to njérɔkasje ya, gelee gə́ nee ɓa deḛ no̰ ne pana: Ar sí j’awje j’aw j’injaje nékinjanéməsje j’arje Ala lə sí.

Gosota-Kəmkàrje 27:4

Meekḭ jugugu to néra gə́ bɔsɔsɔ ləm, Oŋg al dɔ loo sula ləm tɔ, Nɛ see na̰ ɓa askəm kar gəs no̰ ra jaŋg’d wa.

Bula lə Israɛlje 20:15

Bausije-je d’aw mee ɓee gə́ Ejiptə ləm, jeḛ j’isije keneŋ kur sí əw ləm tɔ. Nɛ njé gə́ Ejiptə lé ra sə sí majel, jeḛ gə bɔ síje-je lé tɔ.

Tel tura Godndu 26:6

Njé gə́ Ejiptə d’ula kəm sí ndòo yaa̰ ləm, d’orè dɔ sí naŋg ləma, d’ar sí n’raje kula ɓər gə́ kədərə yaa̰ ləm tɔ.