Tagə́maji gə́ Ja̰ ndang 9:2 - Maktub gə́ To gə Kəmee

² Njékwakiláje dəjee pana: Mbai, see na̰ ɓa ra kaiya wa. See dəw neelé əsé njékojeeje ɓa ra kaiya ɓa d’ojee ne gə́ njekəmtɔ bèe wa.

Tagə́maji gə́ Ja̰ ndang 9:2 ပူးပေါင်းရင်းမြစ်များ

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Matiyo 16:14

Deḛ tel d’ilá keneŋ pana: Njé gə́ na̰je d’ooi gə́ Ja̰ Njera-batɛm, njé gə́ na̰je pana: I to Eli, ar njé gə́ na̰je kara pana: I to Jeremi əsé njetegginta lé ɓa.

Matiyo 23:7

Deḛ ndigi kar dəwje ra dee lapia loo-suk’d ɓar dee ne pana: Mbai, mbai.

Matiyo 23:8

Nɛ seḭje lé ar deeje ɓar sí Mbai, mbai el. Mbata Mbai lə sí to gə́ kára ba kiao ndá seḭ toje gə́ ŋgako̰ na̰je ba.

Lugu 13:2

Jeju ila dee keneŋ pana: See meḛ sí ndaji ta pana: Njé gə́ Galile’g lé to njékaiyaje d’ur dɔ njé gə́ Galile gə́ raŋg lai ɓa ar né gə́ togə́bè teḛ ne dɔ dee’g gə mbəa wa.

Tagə́maji gə́ Ja̰ ndang 4:31

Mee kàree’g neelé njékwakiláje jaŋgee pana: Mbai, sɔ né ɓa.

Tagə́maji gə́ Ja̰ ndang 9:1

Jeju si dəs tar, nɛ aa loo oo dəw kára gə́ d’ojee gə́ njekəmtɔ.

Tagə́maji gə́ Ja̰ ndang 9:34

Deḛ tel d’ilá keneŋ pana: Deḛ d’ojii dan kaiya’g dana bab nɛ see i a ndoo sí ta tɔɓəi wa. Yen ŋga deḛ d’unee tubá tɔ.

Néra Njékaḭkulaje 28:4

Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.