Tagə́maji gə́ Ja̰ ndang 8:54 - Maktub gə́ To gə Kəmee

⁵⁴ Jeju tel ila dee keneŋ pana: Ɓó lé m’ula rɔnduba dɔ rɔm’g ndá ndubarɔ ləm lé to gə́ né el ya. Baumje gə́ seḭ pajena to gə́ Ala lə sí lé nja ɓa ula rɔnduba dɔm’g,

Tagə́maji gə́ Ja̰ ndang 8:54 ပူးပေါင်းရင်းမြစ်များ

Gosota-Kəmkàrje 25:27

Ko̰ ubu tə̰ji yaa̰ lé to maji sur el, Nɛ saŋg rɔnduba lə njé gə́ raŋg lé yee ɓa gə́ nériɓar.

Esai 66:5

Ooje ta lə Njesigənea̰ Seḭ gə́ ɓəlje ta ləa lé Aa ooje, ta gə́ ŋgako̰ síje gə́ d’ə̰ji sí bəḭ-bəḭ gə d’ɔs sí rəw lé pa Gə mbata lə rim lé ɓa nee: Maji kar Njesigənea̰ tɔji neḛje rɔnduba ləa Kar neḛ n’ooje ne rɔlel lə sí! Nɛ dee nja d’a nai gə rɔkul.

Ojee 1:9

Njesigənea̰ ula Ojee pana: Maji kari unda ria lə Lo-Ami (kɔr gelee pana: To koso-dəwje ləm el) Mbata seḭ toje koso-dəwje ləm-ma el ləm, Ma kara m’to Ala lə sí el ləm tɔ.

Tagə́maji gə́ Ja̰ ndang 17:1

Loo gə́ Jeju pa togə́bè mba̰ ndá yeḛ un kəmee gə́ dara pana: Bɔm, kàree teḛ mba̰ ya. Maji kari ula rɔnduba dɔ Ŋgoni’g mba kar Ŋgoni kara ula ne rɔnduba dɔi’g tɔ.

Tagə́maji gə́ Ja̰ ndang 17:5

Ɓasinè Bɔm, maji kari ula rɔnduba dɔm’g gə rɔi pər ya, to rɔnduba gə́ to gə kama rɔi’g kédé par-par ɓad ɓa naŋg nee to ɓəi lé ya.

Tagə́maji gə́ Ja̰ ndang 2:11

Yee gə́ nee ɓa to némɔri gə́ dɔtar gə́ Jeju ra mee ɓee gə́ Kana dɔ naŋg gə́ Galile. Yeḛ riba ne rɔ rɔnduba ləa gə́ raga ndá njékwakiláje d’ɔm ne meḛ dee dəa’g.

Tagə́maji gə́ Ja̰ ndang 5:41

Ma lé ma m’saŋg rɔnduba gə́ ḭ rɔ dəwje’g el.

Tagə́maji gə́ Ja̰ ndang 7:18

Yeḛ gə́ pata gə mbaiyee-kea̰ ndá saŋg rɔnduba gə́ wɔji dəa-yeḛ nja gə dɔrea. Nɛ yeḛ gə́ saŋg rɔnduba gə́ wɔji dɔ dəw gə́ njekulá lé ndá yeḛ to kankəm dəw ya, néra gə́ gə goo rəbee el kára kara godo mée’g.

Tagə́maji gə́ Ja̰ ndang 7:39

Yeḛ pa togə́bè wɔji ne dɔ Ndil gə́ a taa meḛ deḛ gə́ d’a kɔm meḛ dee dəa’g lé tɔ. Mbata Ndil lé ree el ɓəi mbata d’ula rɔnduba dɔ Jeju’g el ɓəi tɔ.

Tagə́maji gə́ Ja̰ ndang 8:41

Néra bɔ síje ɓa seḭ raje ya. Deḛ d’ilá keneŋ pana: Jeḛ lé jeḛ n’to gə́ ŋgan bɔ korèje el, bɔ síjeḛ nja kára ba to gə́ Ala ya.

Tagə́maji gə́ Ja̰ ndang 8:50

Ma m’saŋg rɔnduba m’wɔji ne dɔ rɔm el, nɛ dəw kára si keneŋ gən ɓa saŋg rɔnduba wɔji ne dɔm, yeḛ nja ɓa gə́ njegaŋ-rəbee ya.

Néra Njékaḭkulaje 3:13

Ala lə Abrakam gə Isaak gə Jakob, Ala lə ka síjeḛ lé ɓa ula rɔnduba dɔ kura’g ləa Jeju, yeḛ gə́ seḭ uláje ji Pilatə’g ləm, seḭ mbadeeje ləm tɔ nɛ yeḛ lé wɔji-kwɔji kilá tar.

2 Njé gə́ Kɔrḭtə 10:18

Mbata yeḛ gə́ ɔs gaji kula rəa gə dɔrea lé d’a kée gə́ majikoji lé el, nɛ yeḛ gə́ Mbaidɔmbaije ɓa ɔs gaji kula rəa ɓa d’a kée gə́ majikoji ya.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

2 Piɛrə 1:17

Mbata Ala Bɔbeeje lé ula mbai dəa’g ləm, gə ula rɔnduba dəa’g ləm tɔ loo gə́ ndu njedo̰gɔr-rɔnduba lé ɓar ne pana: Yeḛ neelé to ŋgonəm gə́ m’undá dan kəm’g, yeḛ taa kəm rəgm ya.