Tagə́maji gə́ Ja̰ ndang 7:7 - Maktub gə́ To gə Kəmee

⁷ Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Tagə́maji gə́ Ja̰ ndang 7:7 ပူးပေါင်းရင်းမြစ်များ

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

Pakɔsje 109:5

Deḛ ra səm majel godə maji gə́ m’ra sə dee’g ləm, Deḛ d’ḛjim bəḭ-bəḭ tor kunda gə́ m’unda dee dan kəm’g ləm tɔ.

Gosota-Kəmkàrje 15:12

Njebeelé lé ndigi kar dəw pa səa el ləm, Yeḛ aw rɔ njékəmkàrje’g el ləm tɔ.

Gosota-Kəmkàrje 8:36

Nɛ yeḛ gə́ ra kaiya ɔsm ne rəw ndá Yeḛ ula kəm rəa-yeḛ nja ndòo, Deḛ lai gə́ d’ḛjim bəḭ-bəḭ lé Deḛ ndigi yoo ya.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Jeremi 20:8

Mbata ta-ta loo gə́ m’pata ndá Ma m’no̰ gə ndum gə́ tar wəl ya ɓa M’ila ne mbər néra gə́ kərm-kərm ləm, Gə tuji gə́ a gə ree ləm tɔ. Bèe ɓa ta lə Njesigənea̰ lé Am m’iŋga ne rɔkul gə́ boo ləm, Ar dee d’ula ne sul dɔm’g Gə ndɔje kára-kára lai ləm tɔ.

Ləbije 13:10

Ɓó lé né ti ndar rəa to gə́ lu gə́ tel ndá ləm, ɓó lé lu neelé ar bḭyee tel ndá ləma, ar dakas rəa gaŋg doo mee lu’g neelé ləm tɔ ndá

Jakari 11:8

Ma m’tɔb njékulbadje munda mee naḭ gə́ kára ba ya. Rɔm asm dɔ dee’g ləm, deḛ ya kara d’ḛjim bəḭ-bəḭ ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Lugu 6:26

Seḭ gə́ dəwje lai d’ɔr ta lə sí maji lé meeko̰ a koso dɔ sí’g mbata ka deeje lé to gə́ njéra né togəbèje gə njéteggintaje gə́ ŋgɔm lé bèe tɔ.

Tagə́maji gə́ Ja̰ ndang 17:14

Ma m’un ta ləi m’ar dee, ndá njé gə́ dɔ naŋg nee d’wa dee gə meḛ dee mbata deḛ to gə́ ka̰ naŋg nee el, to gə́ ma kara m’to gə́ naŋg nee el lé tɔ.

Tagə́maji gə́ Ja̰ ndang 3:19

Ta gə́ wa dɔ dəwje lé ɓa nee: mbata lookàr ree naŋg nee mba̰ nɛ deḛ ndigi loondul unda lookàr mbata néra dee to majel.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

Njé gə́ Galati 4:16

Kankəmta gə́ ma m’ula sí lé see yee ɓa m’tel m’to ne njeba̰ lə sí wa.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

1 Ja̰ 4:5

Deḛ to gə́ dɔ naŋg nee ya, gelee gə́ nee ɓa, deḛ pa ne tapa njé gə́ dɔ naŋg nee ndá njé gə́ dɔ naŋg nee kara taa ne ta lə dee tɔ.