Tagə́maji gə́ Ja̰ ndang 7:23 - Maktub gə́ To gə Kəmee

²³ Ɓó lé dəw ar dee d’inja tamɔdee gə ndɔ-kwa-rɔ gə mba kal ne dɔ godndu Moyis lé el ndá ŋga see ban ɓəi ɓa seḭ arje meḛ sí ḭ pu dɔm’g gə mba dəw gə́ m’aree aji kəbərə ar darəa to kari péd-péd gə ndɔ-kwa-rɔ lé ɓəi wa.

Tagə́maji gə́ Ja̰ ndang 7:23 ပူးပေါင်းရင်းမြစ်များ

Teḛ-Raga 31:14

Seḭ a kaaje dɔ ndɔ-kwa-rɔ lé kər-kər mbata yee a to né gə́ to gə kəmee mbata lə sí. Dəw gə́ rara ɓa gə́ ula sul dɔ’g ndá d’a tɔlee gə́ tɔl ya, dəw gə́ rara ɓa gə́ ra kula gə́ ban-ban kara mee ndəa’g neelé ndá d’a karee udu bo̰ mbuna dəwje’g ləa ləm tɔ.

Matiyo 12:10

Aa oo, diŋgam kára gə́ jia wəi wɔ lé si keneŋ. Deḛ dəji Jeju pana: See godndu lə sí wɔji mba kar njerɔko̰ aji kəbərə ndɔ-kwa-rɔ’g lé wa. Yee ɓa, deḛ ndo̰ ne təa togə́bè gə mba kiŋga ne ta gə́ təa’g ɓó gə səgee ne.

Matiyo 12:2

Parisiḛje d’oo ndá d’ula pana: Aa oo, néra njékwakilaije lé to né gə́ kəm ra ndɔ-kwa-rɔ’g el.

Matiyo 12:5

Tɔɓəi ndɔ-kwa-rɔ lé njékinjanéməsje ɓa bṵji ndɔ-kwa-rɔ mee kəi-Ala’g d’al ne ta ta godndu’g lal kar ta wa dɔ dee. See seḭ turaje ta nee mee maktub Godndu’g lé el wa.

Tagə́maji gə́ Ja̰ ndang 5:10

Ndəa neelé to ndɔ-kwa-rɔ. Jibje d’ula dəw gə́ rɔko̰ ḭ dəa’g neelé pana: To ndɔ-kwa-rɔ ɓó to ndɔ gə mba kari un nétoi keneŋ el.

Tagə́maji gə́ Ja̰ ndang 7:21

Jeju ila dee keneŋ pana: M’ra némɔri kára ba ndá kaar sí wa sí ne paḭ ya.

Tagə́maji gə́ Ja̰ ndang 9:16

Yen ŋga Parisiḛje gə́ na̰je pana: Dəw neelé ḭ rɔ Ala’g lé pai bèe godo, mbata yeḛ oo ndɔ-kwa-rɔ lé gə́ ndɔ gə́ to gə kəmee el. Nɛ njé gə́ na̰je pana: See dəw gə́ njekaiya lé see a kaskəm ra némɔrije togə́bè ya wa.