Tagə́maji gə́ Ja̰ ndang 7:12 - Maktub gə́ To gə Kəmee

¹² Boo-dəwje lai pata ləa wəg-wəg. Njé gə́ na̰je pana: Yeḛ to dəw-noji ya. Nɛ njé gə́ na̰je pana: Wah! yeḛ sula dəwje ar dee ndəm yaa̰ boi.

Tagə́maji gə́ Ja̰ ndang 7:12 ပူးပေါင်းရင်းမြစ်များ

Matiyo 10:25

Né gə́ deḛ ra gə mbai lé d’a ra gə njekwakilá ləm, né gə́ deḛ ra njekəi lé kara d’a ra gə ŋgonjelookisi ləa ləm tɔ. Njekəi ya ɓəi deḛ ɓaree Beeljebul ŋga see d’a ɓar njémeekəije ləa yèr-dəwje kundá yeḛ el wa.

Matiyo 21:46

Deḛ saŋg rəw gə mba kwá gə ji dee peb nɛ deḛ ɓəl boo-dəwje mbata boo-dəwje neelé d’oo Jeju gə́ njetegginta gə́ gəd ya.

Matiyo 27:63

Deḛ d’ulá pana: Mbai, ta lə njesu kəm dəwje neelé to meḛ sí’g gu ɓəi mbata loo gə́ yeḛ si gə kəmee ɓəi lé yeḛ pana: ndɔ gə́ njekɔm’g munda lə neḛ ndá neḛ n’a kunda loo teḛ.

Lugu 18:19

Jeju tel ilá keneŋ pana: See ban ɓa i ɓarm dəw gə́ maji wa. Ala kára ba kiao ɓa gə́ dəw gə́ maji ya.

Lugu 23:47

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.

Lugu 23:50

Dəw kára bèe gə́ ria lə Jisəb to dəw gə́ njemeemaji gə njemeekarabasur, yeḛ to gə́ ɓee lə njégaŋ-rəwtaje lə Jibje lé

Lugu 6:45

Dəw gə́ maji lé né gə́ maji gə́ to dɔɓəŋgəree’g ɓa a teḛ gə́ raga ɓəi, nɛ dəw gə́ njemeeyèr lé né gə́ majel gə́ to dɔɓəŋgəree’g ɓa a teḛ gə́ raga ɓəi tɔ, mbata né gə́ ɔs kɔr mee dəw’g lé ɓa a teḛ təa’g karee pa ɓəi tɔ.

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Tagə́maji gə́ Ja̰ ndang 6:14

Loo gə́ koso-dəwje neelé d’oo némɔri gə́ Jeju ra lé ndá deḛ pana: Tɔgərɔ ya, yeḛ neelé to gə́ njetegginta gə́ a gə ree naŋg neelé ya.

Tagə́maji gə́ Ja̰ ndang 7:32

Parisiḛje d’oo ta gə́ boo-dəwje pa d’wɔji ne dəa ndá deḛ wédé ta wédé-wédé d’wɔji ne dəa. Yen ŋga mbai dɔ njékinjanéməsje-je gə Parisiḛje d’ula njékaa dɔ looje gə mba kar dee d’wá.

Tagə́maji gə́ Ja̰ ndang 7:47

Parisiḛje lé tel dəji dee tɔɓəi pana: See seḭje nja kara areeje su kəm sí to wa.

Tagə́maji gə́ Ja̰ ndang 7:52

Deḛ tel d’ilá keneŋ pana: See i to gə́ dəw gə́ Galile’g tɔ ŋga wa. Woḭ mee maktub oo mbata njetegginta kára kara a kḭ Galile el.

Tagə́maji gə́ Ja̰ ndang 9:16

Yen ŋga Parisiḛje gə́ na̰je pana: Dəw neelé ḭ rɔ Ala’g lé pai bèe godo, mbata yeḛ oo ndɔ-kwa-rɔ lé gə́ ndɔ gə́ to gə kəmee el. Nɛ njé gə́ na̰je pana: See dəw gə́ njekaiya lé see a kaskəm ra némɔrije togə́bè ya wa.

Néra Njékaḭkulaje 11:24

Mbata Barnabas lé to majikoji ləm, Ndilmeenda taa mée pəl-pəl ləma, yeḛ to njemeekun gə́ dum dɔ loo ləm tɔ. Togə́bè ɓa boo-dəwje bula nam ne kaar Mbaidɔmbaije’g lé.

Njé gə́ Rɔmə 5:7

Dɔmaji-nà dəw a kwəi gə mbata lə maree gə́ njemeekarabasur əsé dəw gə́ maji ɓa maree a kwa dəa jim nja a kwəi yoo ləa ɓəi.

Njé gə́ Pilibə 2:14

Raje néje lai gə rɔkim el ləm, gə maḭje gə rɔ sí dɔ’g el ləm tɔ.