Tagə́maji gə́ Ja̰ ndang 6:9 - Maktub gə́ To gə Kəmee

⁹ Basa kára si nee gə pil muru ɔrj mi gə ka̰jije joo jia’g, nɛ yeḛ gə́ nee kara see to gə́ né kar koso-dəwje gə́ to ɓəl bèe loo gə́ ra’g wa.

Tagə́maji gə́ Ja̰ ndang 6:9 ပူးပေါင်းရင်းမြစ်များ

2 Mbaije 7:1

Elije pana: Maji kar sí ooje ta lə Njesigənea̰! Njesigənea̰ pa togə́bè pana: Bèlè kàr bèe ndá d’a ndogo nduji gə́ ndá léréré nékwɔji kwɔi-lə-né dɔg-giree-joo kəm larnda kára ləm, d’a ndogo kó-ɔrj nékwɔji kwɔi-lə-né rɔ-joo-giree-sɔ kəm larnda kára ləm tɔ, loo-ndogo-né gə́ to tarəwkɔg’d gə́ Samari.

Pakɔsje 147:14

Yeḛ ar dɔ naŋg ɓee lə sí si dan meelɔm’g ləm, Yeḛ ar meḛ sí nda̰ tub gə kó néje gə́ maji dum ləm tɔ.

Pakɔsje 78:19

Deḛ pata gə́ majel d’ila dɔ Ala’g lé pana: See Ala askəm ɓar neḛje gə nésɔ dɔdilaloo’g neelé wa.

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 81:16

Deḛ gə́ d’ə̰ji Njesigənea̰ bəḭ-bəḭ lé D’a kɔs gajee ləm, Rɔlel lə Israɛlje lé a to saar-saar gə no̰ ləm tɔ.

Ejekel 27:17

Judaje gə Israɛlje lé seḭ sə deeje toje njéndogo gə na̰ néje. Deḛ to njé ree gə kó-wa gə́ Minit ləm, gə nésɔ gə́ lel ləm, gə ubu tə̰ji ləm, gə ubu ləma, gə no̰ kag ləm tɔ mbél ne səi néndogoje ləi.

Matiyo 14:17

Nɛ deḛ tel d’ilá keneŋ pana, Pil muru mi gə ka̰jije joo ba to ji sí’g nee.

Matiyo 16:9

See kəm sí inja el nja dɔrɔ ɓəi wa. Pil muru gə́ mi gə́ ma m’kai dəwje tɔl-dɔg-loo-mi lé see meḛ sí olé dɔ’g el wa. See odoje gesee gə́ nai as budu ka̰da wa.

Mark 6:38

Yeḛ tel dəji dee pana: See muru lə sí to keneŋ gən ka̰da wa. Ɔdje aw ooje ɓa. Deḛ d’ɔd d’aw d’oo ndá tel d’ulá pana: Pil muru mi gə ka̰jije joo to nee.

Mark 8:19

Loo gə́ m’odo pil muru gə́ mi m’təd dana m’ar sí kaije koso-dəwje gə́ tɔl-dɔg-loo-mi lé see seḭ odoje gɔŋgee rusu buduje ka̰da wa. Deḛ tel ndigi təa’g pana: Yḛ̀ dɔg-giree-joo.

Lugu 9:13

Jeju ila dee keneŋ pana: Seḭ nja ar deeje nésɔ d’usɔ. Deḛ tel d’ilá keneŋ pana, Pil muru mi gə ka̰jije joo ba to nee. Nɛ see jeḛ nja j’a kaw ndogo nésɔ gə́ kəm karee as koso-dəwje lai neelé nja wa.

Tagə́maji gə́ Ja̰ ndang 11:21

Martə ula Jeju pana: Mbaidɔmbaije, ɓó lé i sí keneŋ nee ndá nan ŋganm lé a kwəi bèe el.

Tagə́maji gə́ Ja̰ ndang 11:32

Loo gə́ Mari ree loo gə́ Jeju aar keneŋ lé ndá yeḛ aa loo ée ndá rəm bəbərə oso naŋg ŋgira gɔlee’g ulá pana: Mbaidɔmbaije, ɓó lé i nja si loo gə́ nee’g ndá nan ŋganəmje a kwəi bèe el.

Tagə́maji gə́ Ja̰ ndang 21:10

Jeju ula dee pana: Odoje ka̰jije gə́ seḭ wa deeje lé gə́ nee.

Tagə́maji gə́ Ja̰ ndang 21:13

Jeju rəm pər gə́ rɔ dee’g ndá un pil muru ar dee ləm, un ka̰ji kara ar dee togə́bè ləm tɔ.

Tagə́maji gə́ Ja̰ ndang 21:9

Loo gə́ deḛ teḛ dɔ koŋgo raga ndá d’oo kɔr pər taa gəgəgə ar ka̰jije to dɔ’g ləm, d’oo pil muru ləm tɔ.

Tagə́maji gə́ Ja̰ ndang 6:11

Jeju un muru, ra Ala lé oiyo ɓa təd kai deḛ gə́ d’isi keneŋ tɔɓəi yeḛ kai dee ka̰ji lé kara togə́bè ya tɔ, aree as loo ɓoo lə dee béréré.

Tagə́maji gə́ Ja̰ ndang 6:7

Pilibə ilá keneŋ pana: Ɓó lé d’a kiŋga muru kəm ŋgan lar tɔl-joo ɓa lé gə mba kai dee mbida-mbida bèe ya kara a na dee tas.

2 Njé gə́ Kɔrḭtə 8:9

Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.

Tel tura Godndu 32:14

Gə ubu mbà-maŋgje gə mbà-badje Na̰’d gə ubu ŋgan badje, Gə ka̰ bàl badje gə́ Basan Gə bàl bya̰je ləm tɔ, Yeḛ ar dee gum kó gə́ maji dum lé tɔ. Tɔɓəi seḭ aije mán-nduú gə́ mḭ Gə́ to asəna gə məs bèe.

Tel tura Godndu 8:8

ɓee gə́ kó, gə yee gə́ to tana gə kó gə́ ɓaree blé, gə kag-nduúje gə kag-kodéje, gə kag-dḭje to keneŋ, tɔɓəi ɓee neelé kag-koiyoje gə ubu tə̰ji to keneŋ ləm tɔ.

Loo gə́ killa rea kəm Ja̰’g 6:6

Ma m’oo ndu ɓar mbuna nékundaje lə Ala gə́ sɔ lé pana: Ko-wa mee ŋgo kára, lar gə́ nda kára ləm, kó-ɔrj mee ŋgo munda ya lar gə́ nda kára ləm tɔ, nɛ ubu gə mán-nduú lé d’ɔrɔ yèree el lé godo.