Tagə́maji gə́ Ja̰ ndang 6:4 - Maktub gə́ To gə Kəmee

⁴ Ndɔ ra naḭ Pag lə Jibje nai dəb.

Tagə́maji gə́ Ja̰ ndang 6:4 ပူးပေါင်းရင်းမြစ်များ

Ləbije 23:5

Ndɔ dɔg-giree-sɔ lə naḭ gə́ dɔtar un kudee loo gə́ kàr a kandə lé to ndɔ Pag lə Njesigənea̰ ya.

Ləbije 23:7

Mee ndəa gə́ dɔtar lé seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.

Tagə́maji gə́ Ja̰ ndang 11:55

Ndɔ naḭ Pag lə Jibje nai dəb. Koso-dəwje bula d’ḭ ɓee-booje lə dee d’aw Jerusalem gə mba kɔr won kaiya lə dee kédé ɓa mba kar ndɔ naḭ Pag lé teḛ ɓəi.

Tagə́maji gə́ Ja̰ ndang 12:1

Nai ndɔ misa̰ ɓa mba teḛ ndɔ naḭ Pag ɓəi ndá Jeju teḛ Betani, ɓee lə Lajarə gə́ yeḛ aree teḛ dɔkumbwa’g lé.

Tagə́maji gə́ Ja̰ ndang 13:1

Kédé ɓa gə mba kar ndɔ ra naḭ Pag teḛ ɓəi lé Jeju gər gao, kàr kya̰ naŋg nee karee tel aw rɔ Bɔbee’g teḛ mba̰ ləm, yeḛ unda njékea̰je gə́ dɔ naŋg nee dan kəmee’g ləm tɔ ndá, yeḛ ra ne né gə́ doŋgɔ ar dee mba kar dɔ meenoji ləa mbata lə dee lé ɔr ne njal.

Tagə́maji gə́ Ja̰ ndang 2:13

Ndɔ ra nai Pag lə Jibje nai dəb ndá Jeju ḭ aw Jerusalem.

Tagə́maji gə́ Ja̰ ndang 5:1

Gée gə́ gogo to ndɔ ra naḭ lə Jibje ndá Jeju ḭ keneŋ aw Jerusalem.

Tel tura Godndu 16:1

Mee naḭ Abib’g lé seḭ a raje naḭ Pag gə mba kwaje ne Njesigənea̰, Ala lə sí meḛ sí’g ɓó a karje meḛ sí wəi dɔ’g el, mbata to mee naḭ’g neelé ɓa Ala lə sí gə́ Njesigənea̰ ar sí undaje ne loo mee ɓee gə́ Ejiptə loondul’g teḛje lé.