Tagə́maji gə́ Ja̰ ndang 5:7 - Maktub gə́ To gə Kəmee

⁷ Njerɔko̰ lé tel ilá keneŋ pana: Mbai, ma lé dəw kára gə́ njesi səm ɓó loo gə́ mán ləŋg ndá a kunm kilam keneŋ ya godo, ar loo gə́ m’isi m’aw gə́ keneŋ ndá dəw gə́ raŋg ɓa teḛ nɔm’g kəŋgəŋ-kəŋgəŋ.

Tagə́maji gə́ Ja̰ ndang 5:7 ပူးပေါင်းရင်းမြစ်များ

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Pakɔsje 72:12

Mbata yeḛ a taa dɔ njendoo gə́ ra né gə ndia wəl gə́ rəa’g ləm, Yeḛ a la gə njenékəmndoo gə́ njela səa godo lé ləm tɔ.

Tagə́maji gə́ Ja̰ ndang 5:2

Mee ɓee gə́ Jerusalem lé duu-mán gə́ to mbɔr rəw-kaw badje’g to keneŋ dəb, duu-mán neelé deḛ ɓaree gə ta Ǝbrə, Betesda tɔɓəi deḛ la ndil ta rəbee’g loo mi.

Tagə́maji gə́ Ja̰ ndang 5:3

Gin ndil gə́ la neelé njérɔko̰je to keneŋ rib-rib: njékəmtɔje ləm, gə njémədje ləma, gə deḛ gə́ dəb rɔ dee wəi wɔ-wɔ ləm tɔ ɓa to keneŋ ŋgina mán gə́ a gə ɓir.

Tagə́maji gə́ Ja̰ ndang 5:4

Mbata kura gə́ dara ree duu-mán’g neelé teg-teg aree ləŋg təji-təji, njerɔko̰ gə́ rara ɓa lé risi ur mán kédé aree ləŋg ɔm dəa’g ndá lé to rɔko̰ gə́ ban-ban kara rəa tel to kari péd-péd ya.

Tagə́maji gə́ Ja̰ ndang 5:6

Jeju aa loo ée loo-tée gə́ yeḛ to keneŋ ləm, gər to gə́ yeḛ to rɔko̰ kuree əw ləm tɔ ndá dəjee pana: See i ndigi kar rɔi to kari wa.

Njé gə́ Rɔmə 5:6

Tɔgərɔ ya, loo gə́ siŋga sí yɔ ɓəi lé Kristi ɓa wəi gə mbata njékɔs Ala rəwje mee ndəa gə́ Ala ɓa wɔji.

1 Njé gə́ Kɔrḭtə 9:24

See seḭ gərje el wa. Deḛ gə́ ndum na̰ gə ŋgwɔd loo-naḭ’g lé d’aiŋgwɔd lai ya nɛ dəw gə́ dum mareeje ɓa a kiŋga née, see gərje bèe el wa. Bèe ndá maji kar sí aḭjḛgwɔd gə mba kiŋga ne néngwɔd lə sí.

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.