Tagə́maji gə́ Ja̰ ndang 4:9 - Maktub gə́ To gə Kəmee

⁹ Dené gə́ Samari lé tel ilá keneŋ pana: I gə́ to Jib lé see ban ɓa i kwɔim-ma gə́ m’to gə́ dené gə́ Samari lé mán-kai wa. (Yeḛ pa bèe mbata Jibje gə Samarije lé d’oo kəm na̰ el.)

Tagə́maji gə́ Ja̰ ndang 4:9 ပူးပေါင်းရင်းမြစ်များ

Matiyo 10:5

To deḛ gə́ dɔg-gir-dee-joo gə́ Jeju ula dee, loo gə́ yeḛ tɔji dee pana: Maji kar sí awje mbuna njépole-magəje el ləm, seḭ a teḛje mee ɓeeje’g lə Samarije kára kara el ləm tɔ.

Lugu 10:33

Nɛ dəw gə́ Samari kára bèe gə́ si aw gə́ mbá’g lé loo gə́ yeḛ ree keneŋ aa loo ée ndá mée tɔsee gə no̰ mbigi-mbigi.

Tagə́maji gə́ Ja̰ ndang 4:27

Yen ŋga njékwakiláje teḛ wai ndá kaar dee wa dee paḭ mbata yeḛ si wɔji ta gə dené gə́ Samari lé. Nɛ dəw kára kara mbuna dee’g dəjee pana: See ta ɗi ɓa i dəjee wa. Esé see ta ɗi ɓa i wɔji səa bèe wa dəw dəjee togə́bè el.

Tagə́maji gə́ Ja̰ ndang 8:48

Jibje tel dəjee pana: See ta gə́ jeḛ m’pa kédé m’pana: I to gə́ dəw gə́ Samari gə́ ndil gə́ yèr to məəi’g lé see jeḛ m’pa rəbee’g el wa.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 10:28

Yeḛ ula dee pana: Seḭ gərje gao, d’ɔg Jib gə́ rara kara loo karee wa kura gə dəw gə́ dɔ ɓee’d gə́ raŋg ləm, d’ɔgee loo kila gɔlee mee kəi’g ləa ləm tɔ. Nɛ Ala am m’oo to gə́ dəw gə́ rara kara m’a ɓaree né gə́ mina̰ əsé né ram el.

Néra Njékaḭkulaje 10:32

Maji kam m’ula kula Jope m’ɓar Simo̰ gə́ d’unda ria lə Piɛrə ar dee ree səa, yeḛ si kəi lə Simo̰ gə́ to njekɔr-girŋgira gə́ to ta baa’g tebdé lé.