Tagə́maji gə́ Ja̰ ndang 4:5 - Maktub gə́ To gə Kəmee

⁵ Yeḛ teḛ ɓee-boo gə́ Samari gə́ ria lə Sishar gə́ to mbɔr loo-ndɔ gə́ Jakob ar ŋgonee Jisəb kédé gə́ ləw.

Tagə́maji gə́ Ja̰ ndang 4:5 ပူးပေါင်းရင်းမြစ်များ

Gḭ-Néje 33:19

Yeḛ ndogo ges loo-ndɔ, loo gə́ yeḛ la kəi-kubu ləa keneŋ ji ŋgalə Hamɔr gə́ to bɔ Sikemje lé gə kəm ŋgan larnda tɔl.

Gḭ-Néje 48:22

Ma lé m’ari nénduba kára gə́ ur dɔ ka̰ ŋgakɔḭje’g, to yee gə́ ma m’taa ji Amɔrje’g gə kiambas ləm, gə ɓandaŋg ləm ləm tɔ.

1 Mbaije 13:32

Mbata ta gə́ yeḛ ɔr ndia gə́ tar wəl pa ne gə ndu Njesigənea̰, ila ne ta dɔ loo-nékinjaməs gə́ to Betel ləm, gə kəije lai gə́ to dɔ looje gə́ Samari ləm tɔ lé a kaw lée’g béréré ya.

Lugu 9:52

Yeḛ ula njékaḭkulaje joo nea̰’g ndá deḛ d’un rəw d’aw teḛ mee ŋgon ɓee lə njé gə́ Samari, gə mba gɔl loo-tée keneŋ.

Tagə́maji gə́ Ja̰ ndang 4:12

See siŋgamoŋ ləi unda ka̰ ka síjeḛ gə́ Jakob wa. Yeḛ nja uru bwa-mán neelé ar sí ləm, yeḛ ai manee kédé ɓa ya̰ ar ŋganee gə nékulje ləa kara d’ai ya ləm tɔ.

Tagə́maji gə́ Ja̰ ndang 4:39

Samarije gə́ na̰je mee ɓee-boo’g neelé d’ɔm meḛ dee dɔ Jeju’g mbata ta gə́ dené pa lé pana: Yeḛ teggin néje lai gə́ neḛ n’ra.

Tagə́maji gə́ Ja̰ ndang 4:6

Bwa-mán lə Jakob to keneŋ. Jeju dao yaa̰ mbata rəw əbee ndá yeḛ si dɔ mbal gə́ d’unda gugu ne ta bwa-mán. Kàr ar daŋdɔ.

Tagə́maji gə́ Ja̰ ndang 4:8

Mbata njékwakiláje d’aw mee ɓee’g mba ndogo nésɔ.

Jujé 24:32

Siŋgarɔ Jisəb gə́ Israɛlje d’odo d’ḭ ne ɓee gə́ Ejiptə lé deḛ dubu mee ɓee’d gə́ Sikem, mee dəb loo-ndɔ’d gə́ Jakob ndogo gə ŋgaka Hamɔrje gə́ to bɔ Sikəmje lé as larnda tɔl (100) tɔ, yee ɓa dɔ naŋg neelé to ne ka̰ ŋgaka Jisepje ya.