Tagə́maji gə́ Ja̰ ndang 3:2 - Maktub gə́ To gə Kəmee

² Yeḛ aw rɔ Jeju loondul’g ulá pana: Mbai, jeḛ n’gər gao i lé to gə́ dəw gə́ njendoo dəwje né gə́ ḭ rɔ Ala’g, mbata némɔrije gə́ i ra lé ɓó lé dəw gə́ Ala nai səa el ndá a kaskəm ra to gə́ i ra el.

Tagə́maji gə́ Ja̰ ndang 3:2 ပူးပေါင်းရင်းမြစ်များ

1 Mbaije 17:24

Dené lé tel ula Eli pana: Ɓasinè ma m’gər gao to gə́ i to dəw lə Ala ya, togə́bè ɓa ta lə Njesigənea̰ gə́ teḛ tai’g lé to kankəmta ya.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Jeremi 38:16

Mbai Sedesias man rəa gə goo ŋgəḭ ar Jeremi pana: Njesigənea̰ gə́ to njekar sí j’isi kəmba lé to njesikəmba ya. M’a tɔli el ləm, m’a kilai ji dəwje’g nee gə́ ndigi tɔli lé el ləm tɔ.

Matiyo 22:16

Deḛ d’ula njékwakila deeje ləm, gə herodiḛje ləm tɔ rəa’g d’ar dee d’ulá pana: Mbai, jeḛ n’gər gao to gə́ i lé to kankəm dəw ya ləm, i ndoo dəwje kankəmta lə Ala gə goo rəbee, ɓəl ne kəm dəw kára el ləm tɔ mbata i lé rɔ dəwje gə́ raga ɓa kəmi wəi dɔ’g el.

Matiyo 23:7

Deḛ ndigi kar dəwje ra dee lapia loo-suk’d ɓar dee ne pana: Mbai, mbai.

Matiyo 23:8

Nɛ seḭje lé ar deeje ɓar sí Mbai, mbai el. Mbata Mbai lə sí to gə́ kára ba kiao ndá seḭ toje gə́ ŋgako̰ na̰je ba.

Mark 12:14

Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Tagə́maji gə́ Ja̰ ndang 1:38

Jeju kel gée oo dee d’orè gée ndá yeḛ dəji dee pana: Seḭ lé see saŋgje na̰ ɓəi wa. Deḛ d’ilá keneŋ pana: Rabi, (tel ta koji sí pana: Mbai), see loo-sii ɓa ra wa.

Tagə́maji gə́ Ja̰ ndang 10:38

Nɛ ɓó lé ma m’ra dee ɓa seḭ ooje loo kɔmje meḛ sí dɔm’g el kara ɔmje meḛ sí dɔ néraje gə́ maji gə́ ma m’ra lé mba kar sí gərje gao to gə́ Bɔ-dəwje lé sí məəm’g ləm, ma kara m’to mée’g ləm tɔ.

Tagə́maji gə́ Ja̰ ndang 12:37

Lé némɔrije gə́ rara kara ɓa lé Jeju ra kəm dee’g kara deḛ d’ɔm ne meḛ dee dəa’g el

Tagə́maji gə́ Ja̰ ndang 14:10

Ta gə́ ma m’pa m’pana: Ma lé m’to gə́ Ŋgon mee Bɔ-dəwje ya ar Bɔ-dəwje lé kara to məəm’g to lé see i ɔm məəi dɔ’g el wa. Ta gə́ ma m’ulá sí lé m’ḭ ne məəm’g el. Bɔ-dəwje gə́ si məəm’g lé nja ɓa gə́ njera néeje.

Tagə́maji gə́ Ja̰ ndang 15:24

Kula ramje gə́ dəw kára kara askəm ra el gə́ m’ra lé ɓó lé m’ra mbuna dee’g el ndá d’a koo loo kaiya lə dee gə́ deḛ ra lé el, nɛ deḛ d’wam gə meḛ dee ləm, Bɔm kara d’wá gə meḛ dee togə́bè ləm tɔ.

Tagə́maji gə́ Ja̰ ndang 2:11

Yee gə́ nee ɓa to némɔri gə́ dɔtar gə́ Jeju ra mee ɓee gə́ Kana dɔ naŋg gə́ Galile. Yeḛ riba ne rɔ rɔnduba ləa gə́ raga ndá njékwakiláje d’ɔm ne meḛ dee dəa’g.

Tagə́maji gə́ Ja̰ ndang 20:16

Jeju ɓaree pana: Mari! Yeḛ tel kəmee wuri, ɓaree gə ta Ǝbrə pana: Rabuni, (tel ta koji sí ndá pana: Mbai ləm!)

Tagə́maji gə́ Ja̰ ndang 3:26

Deḛ ree d’iŋga Ja̰ d’ulá pana: Mbai, dəw gə́ si səi tura gir baa gə́ Jurdɛ̰’g gə́ i ɔr ta ləa kédé lé aa oo, yeḛ ra dəwje batɛm ar dəwje lai d’aw rəa’g.

Tagə́maji gə́ Ja̰ ndang 4:31

Mee kàree’g neelé njékwakiláje jaŋgee pana: Mbai, sɔ né ɓa.

Tagə́maji gə́ Ja̰ ndang 5:36

Nɛ ma lé njekɔrginta ləm gə́ ur dɔ ka̰ Ja̰’g si gən, mbata néraje gə́ Bɔm am m’ra lé néraje neelé ɔr ta ləm to gə́ Bɔm ya ulam.

Tagə́maji gə́ Ja̰ ndang 6:2

Boo-dəwje gə́ bula digi-digi ndɔm na̰ gée’g mbata d’oo némɔrije gə́ yeḛ ra rɔ njérɔko̰je’g.

Tagə́maji gə́ Ja̰ ndang 7:31

Njé gə́ na̰je mbuna boo-dəwje’g lé d’ɔm meḛ dee dəa’g ar dee pana: Loo gə́ Kristi a teḛ lé see yeḛ a ra némɔrije kur dɔ yeḛ gə́ aar nee’g ɓəi wa.

Tagə́maji gə́ Ja̰ ndang 9:16

Yen ŋga Parisiḛje gə́ na̰je pana: Dəw neelé ḭ rɔ Ala’g lé pai bèe godo, mbata yeḛ oo ndɔ-kwa-rɔ lé gə́ ndɔ gə́ to gə kəmee el. Nɛ njé gə́ na̰je pana: See dəw gə́ njekaiya lé see a kaskəm ra némɔrije togə́bè ya wa.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 2:22

Seḭ Israɛlje, ooje ta neelé maji. Jeju gə́ Najaret, dəw nee gə́ Ala ɔr goo ta ləa kəm sí’g aree ra ne némɔrije ləm, gə nédumkooje ləma, gə nékunda rɔ ləa gə́ yeḛ unda ne kəm sí’g ləm tɔ lé to néje gə́ seḭ nja gərje gao ya.

Njé gə́ Pilibə 1:14

Kúla gə́ deḛ tɔm ne neelé ula diŋgam meḛ kawal ŋgakɔmje gə́ ka̰ Mbaidɔmbaije lé ar dee d’ila ne mber ta lə Ala gə kəm ŋgon diŋgam unda nje gə́ kédé ɓó d’ar kaar dee ndəb dɔ’g el.

Njéga̰g-Rəwtaje 6:27

Gedeo̰ ar dəwje dɔg mbuna kuraje’g ləa d’aw səa d’aw ra né gə́ Njesigənea̰ ulá lé, nɛ to gə́ yeḛ ɓəl njémeekəije lə bɔbeeje ləm, gə dəw-mee-ɓeeje ləm tɔ ndá yeḛ ra dan kàrá el, nɛ loondul’g ɓa yeḛ ra keneŋ ya.