Tagə́maji gə́ Ja̰ ndang 3:18 - Maktub gə́ To gə Kəmee

¹⁸ Dəw gə́ rara ɓa gə́ unda mée dəa’g ndá ta wa dəa el, nɛ nana ɓa gə́ ɔm mée dəa’g el ndá ta wa dəa mba̰ mbata yeḛ unda mée dɔ ri Ŋgon-Ala gə́ gəd-gəd gə́ kára ba kiao lé el.

Tagə́maji gə́ Ja̰ ndang 3:18 ပူးပေါင်းရင်းမြစ်များ

1 Ja̰ 5:10

Yeḛ gə́ ɔm mée dɔ Ŋgon-Ala’g ndá ta gə́ Ala teg ne gin Ŋgonee lé to mée’g ya. Yeḛ gə́ ɔm mée dɔ Ala’g el ndá yeḛ unda Ala gə́ njeŋgɔm mbata yeḛ ɔm mée dɔ ta gə́ Ala teggin Ŋgonee lé el tɔ.

Mark 16:16

Yeḛ gə́ a kɔm mée dɔ’g kar dee rəa batɛm lé a kaji ne ya, nɛ yeḛ gə́ a kɔm mée dɔ’g el ndá taree a kwa dəa ya tɔ.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Tagə́maji gə́ Ja̰ ndang 5:24

Ma m’ula sí təsərə, nana ɓa gə́ oo tapam unda ne mée dɔ yeḛ gə́ njekulam’g ndá yeḛ si gə kəməgə́ gə no̰ lé mba̰, yeḛ a tibi mbɔr rəwta-gaŋg el nɛ yeḛ unda loo-yoo gaŋg uru loo gə́ si gə kəmə lé mba̰.

1 Ja̰ 5:12

Yeḛ gə́ nai gə Ŋgon lé ndá yeḛ si gə kəmə lé ya. Yeḛ gə́ nai gə Ŋgon-Ala el ndá yeḛ si gə kəmə lé el tɔ.

Tagə́maji gə́ Ja̰ ndang 3:36

Yeḛ gə́ ɔm mée dɔ Ŋgonee’g lé si gə kəməgə́ gə no̰ lé mba̰, yeḛ gə́ mbad kɔm mée dɔ Ŋgonee’g saar lé a koo loo gə́ a kisi gə kəmə lé gə kəmee el nɛ oŋg lə Ala nai dəa’g ya.

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.

1 Ja̰ 4:9

Ala ula Ŋgonee gə́ gəd-gəd kára ba aree ree naŋg nee mba kar sí j’isi ne kəmba, yee ɓa meenoji lə Ala gə mbata lə sí lé to ne raga pai-pai ya.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Tagə́maji gə́ Ja̰ ndang 6:47

Ma m’ula sí təsərə, yeḛ gə́ ɔm mée dɔm’g jəb-jəb ndá yeḛ si gə kəmə gə́ gə no̰ lé mba̰.

Tagə́maji gə́ Ja̰ ndang 6:40

Tɔgərɔ ya, né gə́ mee Bɔm wɔji lé ɓa to nee: Nana ɓa gə́ oo Ŋgon lé ɓa ɔm mée dəa’g ndá a si gə kəməgə́ gə no̰ lé ləm, m’a karee unda loo teḛ loo-yoo’g ndɔ gə́ rudu’g lé ləm tɔ.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Tagə́maji gə́ Ja̰ ndang 1:12

Nɛ dəwje gə́ rara ɓa gə́ d’wá gə́ rɔ dee’g d’unda meḛ dee dɔ ria’g ndá yeḛ nja ar dee siŋgá gə mba kar dee tel to ne ŋgan-Alaje.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Ǝbrəje 3:19

Yee ɓa jeḛ j’oo gao, d’askəm kila gɔl dee keneŋ el, mbata meekun lə dee godo.

1 Ja̰ 3:23

Godndia gə́ yeḛ un ar sí ɓa nee: To mba kar sí j’ɔm meḛ sí dɔ ri Ŋgonee Jeju Kristi’g ləm, kar sí j’unda na̰ dan kəm na̰’d gə goo godndu gə́ yeḛ un ar sí lé ləm tɔ.