Tagə́maji gə́ Ja̰ ndang 2:5 - Maktub gə́ To gə Kəmee

⁵ Kea̰je ula kuraje lé pana: Néje lai gə́ yeḛ a gə kula sí lé maji kar sí raje ya.

Tagə́maji gə́ Ja̰ ndang 2:5 ပူးပေါင်းရင်းမြစ်များ

Gḭ-Néje 41:55

Loo gə́ ɓó tɔl dee yaa̰ mee ɓee gə́ Ejiptə lai tɔ ndá dəwje lé no̰ gə́ rɔ Parao̰’g mba kiŋga nésɔ. Ndá Parao̰ ula Ejiptəje lai pana: Awje rɔ Jisəb’g ndá raje né gə́ yeḛ a kula sí.

Gḭ-Néje 6:22

Yee ɓa gə́ né gə́ Noe ra. Yeḛ ra néje lai gə́ Ala un ndia aree lé aree ɔr rɔd ya.

Ejekel 12:7

Ma m’ra to gə́ yeḛ ulam lé ya, ma m’teḛ gə néje ləm gə́ to nékawmbáje dan kàrá lé tɔɓəi kàrkemetag ndá m’ɔs kəm ndògo-bɔrɔ gə jim mbudu m’teḛ ne gə néje raga gə loo gə́ to piro-piro ndá m’un m’ila dɔ bagm’g kəm dee’g ya.

Matiyo 12:46

Loo gə́ Jeju si ula boo-dəwje ta gə kəmee gə́ kédé-kédé ɓəi ndá kea̰je gə ŋgakea̰je d’aar raga saŋgee mba kwɔji səa ta.

Tagə́maji gə́ Ja̰ ndang 15:14

Torndum gə́ ma m’un m’ar sí lé ɓó lé seḭ raje areeje ɔr rɔd ndá seḭ toje gə́ baokuraje ləm ya.

Néra Njékaḭkulaje 9:6

Sool unda bala tigi-tigi ɓəl undá badə gaŋgee, aree pana: Mbaidɔmbaije, see ɗi ɓa i ndigi kam m’ra wa. Tɔɓəi Mbaidɔmbaije ulá pana: Uba naŋg ḭta aw uru mee ɓee’g ndá d’a kulai né gə́ kəm kari ra ɓəi.

Ǝbrəje 11:8

Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

Njéga̰g-Rəwtaje 13:14

Né gə́ rara gə́ ḭ rɔ nduú’g lé yeḛ a naa gə təa el ləm, yeḛ a kai mán-nduú gə́ mḭ əsé nékai gə́ mḭ kara bèe el ləma, yeḛ a sɔ né gə́ mina̰ el ləm tɔ, yeḛ a kaa dɔ taje lai gə́ ma m’ulá lé kər-kər ɓa.

Rudu 3:6

Yeḛ ḭ aw loo-kunda-kó’g lé ndá yeḛ ra néje lai gə́ məmeeje ulá mba karee ra lé ya tɔ.