Tagə́maji gə́ Ja̰ ndang 17:3 - Maktub gə́ To gə Kəmee

³ Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Tagə́maji gə́ Ja̰ ndang 17:3 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

2 Sôrta Gḭka Israɛlje 15:3

As ləbje bula Israɛlje d’isi lal kwa Ala gə́ gəd meḛ dee’g ləm, njekinjanéməs gə́ njendoo dee ta godo ləma, godndu kara godo ləm tɔ.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Gosota-Kəmkàrje 8:35

Mbata yeḛ gə́ iŋgam-ma ndá iŋga kəmə, Tɔɓəi yeḛ taa kəm Njesigənea̰ rəgm tɔ.

Esai 48:16

Rəmje pər gə́ rɔm’g nee ooje ta! Un kudee kédé gə́ dɔtar lé Ma m’pata loo-ŋgəḭ’g el, Un kudee kédé gə́ dɔtar ndɔ tum gin néje’g neelé M’isi keneŋ ya. (Nɛ ɓasinè Mbaidɔmbaije gə́ Njesigənea̰ ulam gə ndilee na̰’d.)

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Mark 9:37

Nana ɓa gə́ wa ŋgon gə́ nai gɔ gə́ togə́bè gə́ rəa’g gə rim-ma ndá ma nja kara wam gə́ rəa’g kən tɔ. Tɔɓəi nana ɓa gə́ wam gə́ rəa’g ndá to ma ɓa wam gə́ rəa’g kən el nɛ to yeḛ gə́ njekulam lé ya ɓa wá gə́ rəa’g kən mba̰ tɔ.

Lugu 9:48

ula dee ne pana: Nana ɓa gə́ wa ŋgon gə́ nai gɔ bèe lé gə́ rəa’g gə rim ndá nai gə́ darɔm-ma nja wam gə́ rəa’g kən, tɔɓəi nana ɓa gə́ wam-ma nee nja gə́ rəa’g ndá nai gə́ dəw gə́ njekulam lé nja wá gə́ rəa’g kən tɔ. Mbata nana ɓa gə́ wa rəa’g gə́ dəw gə́ əḭ el mbuna sí’g ndá njea neelé ɓa to dəw gə́ boo mba̰ ya.

Tagə́maji gə́ Ja̰ ndang 10:36

ndá see ban ɓəi ɓa yeḛ gə́ Bɔ-dəwje ya ɔree undá gə kəmee ulá naŋg nee ɓa seḭ paje səa pajena: Tapea to gə́ ta ndɔl wa. Seḭ paje bèe mbata pa gə́ ma m’pana: Ma m’to gə́ Ŋgon-Ala lé.

Tagə́maji gə́ Ja̰ ndang 11:42

Ma lé ma m’gər gao i am né gə́ ma m’kwɔii lé ta-ta ya, nɛ ta gə́ ma m’pa lé m’pa mbata boo-dəwje gə́ gugu dɔm ɓasinè gə mba kar dee gər gao to gə́ i nja to gə́ njekulam.

Tagə́maji gə́ Ja̰ ndang 14:26

Nɛ Ndilmeenda gə́ njenai sə sí gə́ Bɔ-dəwje a kulá karee ree rɔ sí’g gə rim lé yeḛ nja ɓa a ndoo sí néje lai ləm, taje lai gə́ ma m’ula sí lé yeḛ a kolé meḛ sí dɔ’g ləm tɔ.

Tagə́maji gə́ Ja̰ ndang 17:18

To gə́ i unm ulam naŋg neelé ndá ma kara m’odo dee m’ula dee naŋg nee togə́bè tɔ.

Tagə́maji gə́ Ja̰ ndang 17:21

mba kar dee d’ɔm ne meḛ dee na̰’d sad to gə́ jeḛ səi-i Bɔm j’ɔm ne meḛ sí na̰’d sad bèe tɔ, togə́bè ɓa deḛ kara d’a kɔm ne meḛ dee na̰’d sad sə sí mba kar dəwje gə́ dɔ naŋg nee d’ɔm meḛ dee dɔm’g to gə́ i nja gə́ njekulam lé ya.

Tagə́maji gə́ Ja̰ ndang 17:23

Ma lé m’isi meḛ dee’g ləm, i kara si məəm’g ləm tɔ, yee ɓa d’a kɔm na̰’d kára ba téréré ya ndá njé gə́ naŋg nee lé d’a gər gao to gə́ i ɓa gə́ njekulam ləm, i unda dee dan kəmi’g to gə́ i undam-ma dan kəmi’g bèe ya ləm tɔ.

Tagə́maji gə́ Ja̰ ndang 17:25

Bɔm gə́ njemeekarabasur, njé gə́ naŋg neelé deḛ gəri el, nɛ ma ɓa m’gəri gao ya, tɔɓəi deḛje neelé deḛ gər gao to gə́ i ɓa gə́ njekulam lé nja.

Tagə́maji gə́ Ja̰ ndang 17:8

Mbata ta gə́ i ulam lé ma m’un m’ar dee. Deḛ kara taa ya ndá kḭ gə́ m’ḭ rɔi’g lé deḛ gər gao ləm, kula gə́ i ulam lé kara d’ɔm meḛ dee dɔ’g ya ləm tɔ.

Tagə́maji gə́ Ja̰ ndang 3:17

Tɔgərɔ ya, Ala ula Ŋgonee dɔ naŋg nee gə mba karee ɔr kəm ta lə dəwje el nɛ yeḛ ulá mba kar mbɔl dəa ɓa d’aji ne.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Tagə́maji gə́ Ja̰ ndang 5:44

Seḭ gə́ saŋgje rɔnduba gə́ ḭ rɔ na̰’g ɓó saŋgje rɔnduba gə́ ḭ rɔ Ala’g ɓa el lé see seḭ a kɔmje meḛ sí dɔm’g to gə́ banwa.

Tagə́maji gə́ Ja̰ ndang 6:57

To gə́ Bɔ-dəwje gə́ ulam lé si kəmba ləm, ma kara mbɔl dəa ɓa m’isi ne kəmba ləm tɔ lé togə́bè ɓa yeḛ gə́ sɔm ndá mbɔl dɔm-ma lé yeḛ a si ne kəmba tɔ.

Tagə́maji gə́ Ja̰ ndang 7:29

Ma lé m’gəree gao, mbata ma m’ḭ rəa’g ləm, yeḛ nja ɓa gə́ njekulam ya ləm tɔ.

Tagə́maji gə́ Ja̰ ndang 8:19

Deḛ dəjee pana: Bɔbije lé see si ra ɓəi wa. Jeju tel ila dee keneŋ pana: Seḭ gərmje ma el ləm, Bɔm lé kara seḭ gəreeje el ləm tɔ. Ɓó lé seḭ gərmje ndá seḭ a gərje Bɔm lé nja tɔ.

1 Njé gə́ Kɔrḭtə 15:34

Gə́ telje sije kəmba dɔ néra gə́ gə dɔ najee ɓó əwje kaiya lə sí, yee ɓa gə́ né gə́ kəm ra, mbata njé gə́ na̰je gər ndaa Ala el, yee ɓa m’pa m’ila ne rɔkul dɔ sí’g ya.

1 Njé gə́ Kɔrḭtə 8:4

Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Pilibə 3:10

Tɔgərɔ ma m’ndiŋga rɔm gə mba gər ndəaa ləm, gə mba gər siŋgamoŋ gə́ yeḛ teḛ ne dɔkumbwa’g ləma, gə mba gər kula rɔ ndòo ləa lé m’ɔm səa na̰’d keneŋ sad ləma, m’ɔm səa na̰’d sad loo kwəi’g ləa ləm tɔ

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

2 Piɛrə 1:2

Maji kar noji gə meelɔm d’ur na̰ gə gɔl dee dɔ sí’g gə goo gər gə́ seḭ gərje ndaa Ala gə Jeju Kristi Mbaidɔmbaije lə sí lé.

2 Piɛrə 1:3

Loo gə́ j’a gəree maji ndá mbɔl dɔ siŋgamoŋ ləa gə́ ka̰ Ala lé nja j’a kiŋga ne néje lai gə́ j’aw ndòo dee gə mba kisi ne gə kəmə ləm, gə meḛ sí gə́ nda londoŋ ləm tɔ. Yee ɓa yeḛ ɔr sí ɔm sí ne gée’g gə mba kar rɔnduba ləa gə meemaji ləa ɔm dɔ sí’g.

2 Piɛrə 1:8

Mbata ɓó lé néje neelé a taa meḛ sí pəl-pəl ndá dab gər ndaa Mbaidɔmbaije lə sí Jeju Kristi lé a ra sí el ləm, seḭ a sije keneŋ gə mḭdé ba el ləm tɔ.

1 Ja̰ 1:2

(mbata kəmə lé to raga pai-pai ndá jeḛ j’ée gə kəm sí ləm, jeḛ j’ɔr goo taree ləma, j’ɔr ta kəmə gə́ gə no̰ lé j’ar sí ləm tɔ. Yeḛ neelé sí rɔ Bɔbee’g pər ya nɛ yeḛ rab rəa kəm sí’g raga).

1 Ja̰ 1:3

Né gə́ jeḛ j’oo gə mbi sí gə kəm sí lé ɓa jeḛ j’ɔr gée j’ar sí-seḭ ya mba kar sí-seḭ kara a kɔmje ne meḛ sí na̰’d sad sə sí to gə́ jeḛ j’ɔm meḛ sí na̰’d sad gə Bɔ-dəwje ləm, gə Ŋgonee Jeju Kristi ləm tɔ.

1 Ja̰ 2:23

Nana ɓa gə́ ɔs Ŋgon lé rəw ndá Bɔ-dəwje nai səa el. Nana ɓa gə́ təa teḛ pana: Ŋgon lé to ŋgon Bɔ-dəwje ndá Bɔ-dəwje nai səa ya.

1 Ja̰ 4:6

Jeḛ lé jeḛ n’to gə́ ka̰ Ala, yeḛ gə́ gər Ala lé ndá yeḛ taa ta lə sí ya, nɛ yeḛ gə́ to gə́ ka̰ Ala el ndá yeḛ taa ta lə sí el tɔ. Yee gə́ bèe ɓa jeḛ n’gər ne ndil gə́ ka̰ kankəmta ləm, gə ndil gə́ ka̰ kəsta ləm tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.