Tagə́maji gə́ Ja̰ ndang 16:2 - Maktub gə́ To gə Kəmee

² D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

Tagə́maji gə́ Ja̰ ndang 16:2 ပူးပေါင်းရင်းမြစ်များ

Esai 65:5

Deḛ pana: Aarje nu! Tibije mbɔr sí el Mbata jeḛ n’toje deḛ gə́ to gə kəmee! Néje gə́ togə́bè lé To asəna gə sa pər gə́ teḛ əm’g ləm, To pər gə́ o̰ gə́ kédé-kédé ləm tɔ.

Esai 66:5

Ooje ta lə Njesigənea̰ Seḭ gə́ ɓəlje ta ləa lé Aa ooje, ta gə́ ŋgako̰ síje gə́ d’ə̰ji sí bəḭ-bəḭ gə d’ɔs sí rəw lé pa Gə mbata lə rim lé ɓa nee: Maji kar Njesigənea̰ tɔji neḛje rɔnduba ləa Kar neḛ n’ooje ne rɔlel lə sí! Nɛ dee nja d’a nai gə rɔkul.

Loo gə́ killa rea kəm Daniel’g 11:33

deḛ gə́ kəmkàr lə dee ur dɔ ka̰ mar deeje lé kara d’a ndoo koso-dəwje ta kəmkàrje ləm tɔ. Nɛ njé gə́ na̰je d’a kwəi yoo-kiambas ləm, gə yoo-ndo̰ pər ləm, d’a kwa dee ɓər kaw sə dee raŋg ləma, d’a taa néje lə dee kɔg ləm tɔ.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Matiyo 24:9

Yen ŋga d’a kwa sí kula kəm sí ndòo ləm, d’a kar sí uduje ne ləma, ginkoji dəwje gə raŋg lai d’a kḛji sí bəḭ-bəḭ gə mba rim-ma lé ləm tɔ.

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Tagə́maji gə́ Ja̰ ndang 12:42

Lé bèe kara njé gə́ na̰je mbuna mbaije’g kara d’ɔm meḛ dee dəa’g. Nɛ d’ar taree teḛ ta dee’g el mbata deḛ ɓəl Parisiḛje gə́ d’a gə tuba dee mee kəi-kwa-dɔ-na̰’g lé.

Tagə́maji gə́ Ja̰ ndang 16:25

Ta néje neelé ma m’ula sí gə gosota. Nɛ ndɔ gə́ m’a kula sí gə́ gosota el lé kàree a teḛ ndá ndəa neelé m’a riba sə sí dɔ Bɔ-dəwje lé pərəg ya.

Tagə́maji gə́ Ja̰ ndang 16:32

Aa ooje, loo gə́ d’a gə sané sí gə loo ɓəd-ɓəd lé kàree sí teḛ ləm, teḛ mba̰ ləm tɔ ndá seḭ a kubamje kya̰’mje gə karm ba, nɛ ma lé m’a sí gə karm el mbata Bɔ-dəwje nai səm ya.

Tagə́maji gə́ Ja̰ ndang 4:21

Jeju ula dené lé pana: Dené, ɔm məəi dɔ ta’g ləm gə́ m’a gə kulai. Ndɔ gə́ a gə ree lé seḭ a kwaje Bɔ-dəwje meḛ sí dɔ mbal’g nee el ləm, əsé Jerusalem el ləm tɔ.

Tagə́maji gə́ Ja̰ ndang 4:23

Nɛ kàree sí ree ɓa ree mba̰ ya ndá njékwa Ala lé meḛ dee’gje gə́ gəd-gəd lé d’a kwa Bɔ-dəwje meḛ dee’g gə ndil ləm, gə kankəmta ləm tɔ, mbata yee ɓa gə́ né gə́ Bɔ-dəwje ndigi ya.

Tagə́maji gə́ Ja̰ ndang 9:22

Njékojeje lé pa togə́bè mbata deḛ ɓəl Jibje. Mbata Jibje d’ɔm ta lə dee na̰’d gə mba kar ɓó lé dəw gə́ rara ɓa gə́ təa a teḛ ja̰ pana: Jeju to Kristi lé ndá d’a kɔr njea neelé mee kəi-kwa-dɔ-na̰’g ya.

Tagə́maji gə́ Ja̰ ndang 9:34

Deḛ tel d’ilá keneŋ pana: Deḛ d’ojii dan kaiya’g dana bab nɛ see i a ndoo sí ta tɔɓəi wa. Yen ŋga deḛ d’unee tubá tɔ.

Néra Njékaḭkulaje 5:33

Loo gə́ ta neelé oso mbi dee’g ndá oŋg ḭ meḛ dee’g pu, ar dee d’wɔji-kwɔji tɔl dee.

Néra Njékaḭkulaje 7:56

Yeḛ pana: Aa ooje, m’oo kəm dara teḛ, am m’oo Ŋgon-dəw gə́ aar tar dɔ jikɔl Ala’g lé.

1 Njé gə́ Kɔrḭtə 4:13

deḛ d’unda ta ta sí’g nɛ jeḛ j’ula dee ta gə meḛ sí gə́ maji ləm tɔ. Jeḛ n’tel n’to gə́ ɓiri-ɓisi lə njé gə́ naŋg nee ləm, gə ya̰-néje lai gə́ dəwje saa d’ɔm kɔrɔ ləm tɔ.

Njé gə́ Pilibə 3:6

Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el.

Loo gə́ killa rea kəm Ja̰’g 6:9

Loo gə́ Ŋgonbad lé ɔr nérḛdə ta maktub gə́ njekɔm’g mi lé ndá ma m’oo kankəmrɔ dəwje gə́ tɔl dee mbata lə Ala ləm, gə mbata ginta gə́ deḛ d’ɔr d’ar dəwje d’oo ləm tɔ d’isi ne ta loo-nékinjaməs’g.

Njéga̰g-Rəwtaje 6:30

Togə́bè ɓa dəwje gə́ mee ɓee-boo’g lé d’ula Joas pana: Ar ŋgoni teḛ gə́ raga nee mba kar sí n’tɔleeje mbata yeḛ ɔs loo-nékinjaməs lə Baal ila ləm, kag-magə gə́ to gə kəmee gə́ to dɔ’g lé kara yeḛ təd ləm tɔ.