Tagə́maji gə́ Ja̰ ndang 15:4 - Maktub gə́ To gə Kəmee

⁴ Namje kaarm’g ndá ma kara m’a nai sə sí tɔ. To gə́ barkəm nduú gə́ nam kaar nduú’g el lé askəm kandə gə dɔrea el lé togə́bè ɓa seḭje kara ɓó lé seḭ namje kaarm’g el ndá seḭ asje kəm ka̰dje gə dɔrɔ sí el tɔ.

Tagə́maji gə́ Ja̰ ndang 15:4 ပူးပေါင်းရင်းမြစ်များ

Pa gə́ ur dɔ paje 8:5

See na̰ ɓa ḭ dɔdilaloo’g aw gə́ nee Gə́ gəd rəa rɔ dəw gə́ yeḛ undá dan kəmee’g lé wa. Ma m’ndelii gel kag-pɔmə’g, Loo gə́ nee’g kɔinje taa kèm ləi keneŋ ləm Loo gə́ neelé yeḛ ojii keneŋ ləm tɔ

Ojee 14:8

Dəwje gə́ d’isi ndilee’g lé D’a tel ree ləm, D’a ndɔ kó yaa̰ ləm, D’a kidi pug-pug to gə́ nduú bèe ləma, Riɓar lə dee a to kasəna gə riɓar lə mán-nduú gə́ Liba̰ bèe ləm tɔ.

Matiyo 12:33

Ɓó lé kandə kag maji ndá seḭ pajena rɔ kag maji tɔ, əsé ɓó lé kandə kag majel ndá seḭ pajena rɔ kag majel tɔ. Mbata kandə kag ɓa deḛ gər ne rɔ kag ya.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Tagə́maji gə́ Ja̰ ndang 14:20

Mee ndəa’g neelé seḭ a gərje to gə́ ma m’to Ŋgon mee Bɔm ləm, seḭ kara seḭ toje məəm’g ləma, ma kara m’to meḛ sí’g ləm tɔ.

Tagə́maji gə́ Ja̰ ndang 17:23

Ma lé m’isi meḛ dee’g ləm, i kara si məəm’g ləm tɔ, yee ɓa d’a kɔm na̰’d kára ba téréré ya ndá njé gə́ naŋg nee lé d’a gər gao to gə́ i ɓa gə́ njekulam ləm, i unda dee dan kəmi’g to gə́ i undam-ma dan kəmi’g bèe ya ləm tɔ.

Tagə́maji gə́ Ja̰ ndang 6:56

Yeḛ gə́ sɔ darɔm ləm, gə ai məsm lé ləm tɔ ndá yeḛ uru məəm’g ləm, ma kara m’uru mée’g ləm tɔ.

Tagə́maji gə́ Ja̰ ndang 8:31

Yeḛ ula Jibje gə́ d’ɔm meḛ dee dəa’g lé pana: Ɓó lé seḭ naije dan ta’g ləm lé ndá seḭ toje njékwakilamje gə́ gəd tɔgərɔ ya.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

2 Njé gə́ Kɔrḭtə 13:5

Tenje meḛ sí-seḭ nja gə mba koo, see seḭ síje gə meekun nja ɓəi wa. Urje meḛ sí seḭ nja ooje. See seḭ ooje to gə́ Jeju Kristi to meḛ sí’g lé el wa. Nà mbata banelə kur gə́ seḭ urje meḛ sí lé a tel kila ne boo-rɔkul dɔ sí’g.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Epesə 3:17

gə mba kar Kristi uru kəi meḛ sí’g gə goo meekun lə sí ləm tɔ. Bèe ɓa seḭ a kɔmje jam sí dan meenoji’g

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

Njé gə́ Kolosə 2:6

Bèe ndá to gə́ seḭ taaje Jeju Kristi Mbaidɔmbaije gə meḛ sí ndá maji kar sí ɔmje səa na̰’d sad ya.

1 Njé gə́ Tesalonikə 3:5

Togə́bè ɓa, loo gə́ m’oo loo mba kila məəm po̰ el ŋga ndá m’ula kula goo sí’g mba koo see meekun lə sí to ban wa. Ma m’ɓəl nà banelə njesula dəwje lé a sula sí ɓa a kar kula ra sí lé tel to né gə́ gə mḭdé ba.

Ǝbrəje 10:39

Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.

1 Ja̰ 2:6

Yeḛ gə́ pana: Neḛ nai səa ndá maji karee un panjaa ləa-yeḛ lé lad tɔ.

2 Ja̰ 1:9

Nana ɓa gə́ aw dəa gə́ kédé ɓó ai mée sam-sam dɔ kankəmta’g lə Kristi el ndá Ala nai səa el. Yeḛ gə́ ai mée sam-sam dɔ tandoo’g neelé ndá Bɔ-dəwje nai səa ləm, Ŋgon kara nai səa ləm tɔ.