Tagə́maji gə́ Ja̰ ndang 12:2 - Maktub gə́ To gə Kəmee

² Lée neelé deḛ ra nésɔ keneŋ d’aree, Martə ɓa gə́ njekun nésɔ lé kar dee ndá Lajarə ɓa si mbuna deḛ gə́ d’isi səa ta ka-nésɔ’g lé.

Tagə́maji gə́ Ja̰ ndang 12:2 ပူးပေါင်းရင်းမြစ်များ

Pa gə́ ur dɔ paje 4:16

I lel gə́ dɔgel lé maji kari ḭ ləm, I lel gə́ dɔkɔl lé maji kari ree ləm tɔ Ula dɔ loo-ma̰a-kagje’g ləm, Ar baḭ néje gə́ ə̰də sululu Taa loo keneŋ pəl-pəl ləm tɔ, Maji kar yeḛ gə́ m’unda dan kəm’g lé Andə loo-ma̰a-kagje’g ləa Maji karee sɔ kandə kagje ləa gə́ maji dum lé.

Matiyo 26:6

Loo gə́ Jeju nai Betani kəi lə Simo̰ gə́ njeba̰ji lé

Mark 14:3

Loo gə́ Jeju si Betani kəi lə Simo̰ gə́ njeba̰ji lé d’isi ta ka-nésɔ’g d’isi d’usɔ né ndá dené kára bèe andə aw dɔ dee’g kəi ta ka-nésɔ’g lé. Yeḛ wa ŋgoro-ubu gə́ ra gə jər gə́ ria lə albatrə lé jia’g, ubu gə́ ə̰də sululu gə́ gadee al dɔ loo to keneŋ, yeḛ wa ta ŋgoro lé pəgədə təd, tər ubu lé dɔ Jeju’g.

Lugu 12:37

Kuraje gə́ ɓée deeje ree iŋga dee loo-kisi gə́ d’isi dɔkəji dee’g pèrèrè ndá rɔ dee a lel dee ya. Ma m’ula sí təsərə, yeḛ nja ɓa a tɔ kubu ləa njim-njim ləm, a kar dee d’wa na̰ ta ka-nésɔ’g ko̰-ko̰ ləma, a ree pər gə́ rɔ dee’g mba kar dee né d’usɔ ləm tɔ.

Lugu 14:12

Tɔɓəi Jeju ula yeḛ gə́ njeɓaree ɓar nésɔ lé pana: Loo gə́ i ɓar-ɓar nésɔ dan kàrá əsé gə loondul’g lé ndá maji kari ɓar baokuraje ləi el ləm, əsé ŋgakɔḭje el ləm, əsé njénojije ləi el ləma, əsé njé gə́ to bao marije el ləm tɔ, nà banelə d’a tel ɓari ɓar nésɔ godə maree’g ləi ya ɓəi tɔ.

Lugu 22:27

Mbata see na̰ ɓa ur dɔ mareeje wa. See yeḛ gə́ sí ta nésɔ’g lé el wa. Nɛ ma lé m’isi mbuna sí’g asəna gə njéra kar sí ɓa.

Lugu 5:29

Lébi ra naḭ gə́ boo mee kəi’g ləa mbata lə Jeju ndá njétaa lar-gədɓeeje gə dəwje gə́ raŋg bula d’isi sə dee keneŋ na̰’d ta nésɔ’g.

Loo gə́ killa rea kəm Ja̰’g 3:20

Aa oo, m’aar takəi’g m’unda ta bidi. Ɓó lé nana ɓa gə́ oo ndum ɔr takəi am ndá m’a kandə kəi ləa-yeḛ ləm, m’a ko̰ səa muru ləma, yeḛ kara a ko̰ səm muru ləm tɔ.