Tagə́maji gə́ Ja̰ ndang 11:4 - Maktub gə́ To gə Kəmee

⁴ Loo gə́ Jeju oo ta neelé ndá yeḛ tel pana: Rɔko̰ neelé to rɔko̰ yoo el, nɛ to mba kula ne rɔnduba dɔ Ala’g lé ləm, mba kar Ŋgon-Ala lé kara iŋga ne rɔnduba keneŋ ləm tɔ.

Tagə́maji gə́ Ja̰ ndang 11:4 ပူးပေါင်းရင်းမြစ်များ

Teḛ-Raga 16:7

Tɔɓəi bèlè gə ndɔ lé seḭ a kooje rɔnduba lə Njesigənea̰ mbata yeḛ oo ndu ta jémje lə sí gə́ seḭ imje ne rɔ sí dɔ Njesigənea̰’g mbata jeḛ lé see jeḛ n’to gə́ ɗije to ɓa mba kar sí jémje ta imje ne rɔ sí dɔ síjeḛ’g wa.

Tagə́maji gə́ Ja̰ ndang 10:38

Nɛ ɓó lé ma m’ra dee ɓa seḭ ooje loo kɔmje meḛ sí dɔm’g el kara ɔmje meḛ sí dɔ néraje gə́ maji gə́ ma m’ra lé mba kar sí gərje gao to gə́ Bɔ-dəwje lé sí məəm’g ləm, ma kara m’to mée’g ləm tɔ.

Tagə́maji gə́ Ja̰ ndang 11:40

Jeju ilá keneŋ pana: See ma m’ulai el wa, ma m’ulai m’pana: Ɓó lé i ɔm məəi dɔm’g ndá i a koo rɔnduba lə Ala lé gə kəmi bèe ya.

Tagə́maji gə́ Ja̰ ndang 12:28

Bɔm, ar rii oso gə loo mbidi-mbidi ya! Yen ŋga ndu ɓar dara pana: Rim oso gə loo mbidi-mbidi mba̰, nɛ m’a kar rim oso gə loo-loo ya tɔɓəi.

Tagə́maji gə́ Ja̰ ndang 17:1

Loo gə́ Jeju pa togə́bè mba̰ ndá yeḛ un kəmee gə́ dara pana: Bɔm, kàree teḛ mba̰ ya. Maji kari ula rɔnduba dɔ Ŋgoni’g mba kar Ŋgoni kara ula ne rɔnduba dɔi’g tɔ.

Tagə́maji gə́ Ja̰ ndang 17:10

Néje lai gə́ to kama lé to gə́ kaḭ nja ləm, néje lai gə́ to kaḭ lé to gə́ kama nja ləm tɔ, ndá meḛ dee gə́ ɔm səm na̰’d sad lé d’ula ne rɔnduba dɔm’g ya.

Tagə́maji gə́ Ja̰ ndang 17:5

Ɓasinè Bɔm, maji kari ula rɔnduba dɔm’g gə rɔi pər ya, to rɔnduba gə́ to gə kama rɔi’g kédé par-par ɓad ɓa naŋg nee to ɓəi lé ya.

Tagə́maji gə́ Ja̰ ndang 2:11

Yee gə́ nee ɓa to némɔri gə́ dɔtar gə́ Jeju ra mee ɓee gə́ Kana dɔ naŋg gə́ Galile. Yeḛ riba ne rɔ rɔnduba ləa gə́ raga ndá njékwakiláje d’ɔm ne meḛ dee dəa’g.

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.

Tagə́maji gə́ Ja̰ ndang 8:54

Jeju tel ila dee keneŋ pana: Ɓó lé m’ula rɔnduba dɔ rɔm’g ndá ndubarɔ ləm lé to gə́ né el ya. Baumje gə́ seḭ pajena to gə́ Ala lə sí lé nja ɓa ula rɔnduba dɔm’g,

Tagə́maji gə́ Ja̰ ndang 9:24

Parisiḛje tel ɓar yeḛ gə́ kédé to njekəmtɔ neelé gɔl joo d’ulá pana: Maji kari ula rɔnduba dɔ Ala’g, jeḛ n’gər gao dəw neelé to gə́ njekaiya ya.

Tagə́maji gə́ Ja̰ ndang 9:3

Jeju tel ila dee’g pana: To gə́ yeḛ ɓa ra kaiya el ləm, to njékojeeje ɓa ra kaiya el ləm tɔ. Nɛ né neelé to togə́bè mba kar néraje lə Ala lé kinja ne gə́ raga dəa’g ya.

Njé gə́ Rɔmə 11:11

Ma m’pa tɔɓəi m’pana: See tuga gə́ Israɛlje tuga gɔl dee lé to gə mba kar dee d’oso ya wa. Wah! bèe el! Nɛ koso lə dee ɓa ar kaji teḛ ne rɔ njépole-magəje’g ɓó gə mba kɔs ne gel kəmkəḭ’g lə dee.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 1:20

Tɔgərɔ ya ma m’wa məəm kɔgərɔ m’unda məəm yel mba kar néje gə́ ram lé a kam m’ra ne rɔkul el. M’wa diŋgam məəm’g ɓasinè to gə́ kédé mba kar darɔm gə́ kəm əsé yeḛ gə́ yoo kara m’a kula ne rɔnduba dɔ Kristi’g.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.