Tagə́maji gə́ Ja̰ ndang 1:34 - Maktub gə́ To gə Kəmee

³⁴ Ma lé m’ée bèe ndá m’ɔr ginta neelé m’pana: Yeḛ to Ŋgon-Ala lé nja.

Tagə́maji gə́ Ja̰ ndang 1:34 ပူးပေါင်းရင်းမြစ်များ

Pakɔsje 2:7

Godndu lé m’a kila mberee, Njesigənea̰ ulam pana: Ma m’to ŋgon neḛ! Ɓogənè ɓa n’ojim ya.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Matiyo 27:40

Deḛ pana: I gə́ pana: I a tuji kəi-Ala ndá ndɔ munda ba ya a tel ra karee to lée’g gogo lé ɓó lé i to gə́ Ŋgon-Ala tɔgərɔ ndá aji rɔi-i nja ɓó gə wa rɔi kaar kag-dəs’g ɔr ti uru naŋg ar sí j’oo səi.

Matiyo 27:43

Yeḛ unda mée yel dɔ Ala’g lé, ɓó lé Ala ndigee ndá maji karee wá ɔree ɓasinè. Mbata yeḛ pana: Neḛ n’to Ŋgon-Ala ya.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Matiyo 4:3

Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Matiyo 4:6

Ɓó lé i to Ŋgon-Ala gə́ gəd ndá al ur naŋg mbata deḛ ndaŋg mee maktub’g pana: Yeḛ a kun ndia kar kuraje ləa gə́ dara kwɔji ne dɔi, D’a kuni gə ji dee Nà banelə i a tuga gɔli dɔ kɔr mbal’g.

Matiyo 8:29

Deḛ ra né ɓəgəgə-ɓəgəgə pana: I Ŋgon-Ala lé see ɗi ləi ɓa to rɔ sí’g wa. See i ree mba kula kəm sí ndòo kédé yal ɓa kar ndəa teḛ ɓəi wa.

Mark 1:1

Ta neelé to gin tagə́maji lə Jeju Kristi, Ŋgon-Ala lé.

Mark 1:11

Tɔɓəi ndu ɓar dara wəl pana: I lé to ŋgonəm gə́ gəd-gəd gə́ m’undai dan kəm’g, i taa kəm rəgm ya.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 3:22

ar Ndilmeenda nar asəna gə dərnda ree si dəa’g. Ndu dəw ɓar gə́ par gə́ dara wəl pana: I lé to Ŋgonəm gə́ gəd-gəd gə́ m’undai dan kəm’g, i taa kəm rəgm ya.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 10:30

Ma jeḛ gə Bɔm lé jeḛ n’to gə́ kára ba bèe.

Tagə́maji gə́ Ja̰ ndang 10:36

ndá see ban ɓəi ɓa yeḛ gə́ Bɔ-dəwje ya ɔree undá gə kəmee ulá naŋg nee ɓa seḭ paje səa pajena: Tapea to gə́ ta ndɔl wa. Seḭ paje bèe mbata pa gə́ ma m’pana: Ma m’to gə́ Ŋgon-Ala lé.

Tagə́maji gə́ Ja̰ ndang 11:27

Martə tel ndigi təa’g pana: Oiyo Mbaidɔmbaije, ma m’ɔm məəm dɔi’g to gə́ i to Kristi, Ŋgon-Ala lé gə́ a gə ree dɔ naŋg neelé nja.

Tagə́maji gə́ Ja̰ ndang 19:7

Jibje tel d’ilá keneŋ pana: Godndu lə sí kára to gən, godndu neelé wɔji dəa gə mba karee wəi ya, mbata yeḛ nja wa rəa gə Ŋgon-Ala ya.

Tagə́maji gə́ Ja̰ ndang 20:28

Tomas ilá keneŋ pana: Mbaidɔmbaije ləm! Ala ləm!

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Tagə́maji gə́ Ja̰ ndang 6:69

Jeḛ j’ɔmje meḛ sí dɔi’g ləm, jeḛ n’gərje gao to gə́ i lé to Kristi, Njemeenda gə́ ḭ rɔ Ala’g lé ləm tɔ.

Njé gə́ Rɔmə 1:4

nɛ teḛ gə́ yeḛ teḛ dɔkumbwa’g lé yee ɓa riba dəa to gə́ yeḛ to Ŋgon-Ala gə́ njesiŋgamoŋ gə goo Ndilmeenda.

2 Njé gə́ Kɔrḭtə 1:19

Mbata Jeju Kristi, Ŋgon-Ala gə́ jeḛ gə Silbɛ̰ gə Timote j’ila mber ta ləa mbuna sí’g lé yee ɓa to ta gə́ ula sí na̰’d el nɛ ta ləa to njaŋg.

Ǝbrəje 7:3

Yeḛ neelé bɔbeeje godo ləm, kea̰je kara godo ləma, gin ka-dɔgeje godo ləm tɔ. Dəw oo ndɔ kojee əsé ndɔ gə́ kəmə ləa godo lé el tɔ. Nɛ deḛ d’ée gə́ dəw gə́ tel to asəna gə Ŋgon-Ala ya. Melkisedek neelé sí gə́ njekinjanéməs ya saar-saar gə no̰.

1 Ja̰ 2:23

Nana ɓa gə́ ɔs Ŋgon lé rəw ndá Bɔ-dəwje nai səa el. Nana ɓa gə́ təa teḛ pana: Ŋgon lé to ŋgon Bɔ-dəwje ndá Bɔ-dəwje nai səa ya.

1 Ja̰ 3:8

Yeḛ gə́ ra kaiya ndá yeḛ to gə́ ka̰ njekurai mbata njekurai lé un kudu ra kaiya kédé gə́ dɔtar saar ɓasinè. Nɛ Ŋgon-Ala lé unda loo teḛ gə mba tuji néraje lə njekurai lé.

1 Ja̰ 4:9

Ala ula Ŋgonee gə́ gəd-gəd kára ba aree ree naŋg nee mba kar sí j’isi ne kəmba, yee ɓa meenoji lə Ala gə mbata lə sí lé to ne raga pai-pai ya.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

2 Ja̰ 1:9

Nana ɓa gə́ aw dəa gə́ kédé ɓó ai mée sam-sam dɔ kankəmta’g lə Kristi el ndá Ala nai səa el. Yeḛ gə́ ai mée sam-sam dɔ tandoo’g neelé ndá Bɔ-dəwje nai səa ləm, Ŋgon kara nai səa ləm tɔ.

Loo gə́ killa rea kəm Ja̰’g 2:18

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Tiatirə pana: Aa oo, ta gə́ Ŋgon-Ala pa lé yeḛ gə́ kəmee ndɔḭ asəna gə ndo̰ pər ləm, gɔlee to asəna gə larkas ləm tɔ lé yeḛ nja pana: