Soponi 3:7 - Maktub gə́ To gə Kəmee

⁷ Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.

Soponi 3:7 ပူးပေါင်းရင်းမြစ်များ

Gḭ-Néje 6:12

Ala aa loo oo naŋg nee ndá aa oo, to asəna gə né gə́ ndum ya. Mbata darɔ dəwje lai tuji rəw-kaw deḛ gə́ dɔ naŋg nee pugudu-pugudu.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

Maktub gə́ wɔji dɔ Jɔb 36:10

Yeḛ ndəji dee mba kar kəm dee inja ləm, Yeḛ ndəji dee mba kar dee d’unda rɔ dee ɓad dɔ néra gə́ kori-kori’g ləm tɔ.

Pakɔsje 32:8

M’a ndooi ləm, M’a tɔji rəw gə́ kəm kari njaa keneŋ ləm tɔ, M’a kwɔjii ta kəmkàr ləm, M’a korè kəm sḭ dɔi’g ləm tɔ.

Gosota-Kəmkàrje 19:20

Maji kari oo takwɔji-kəmkàr ləm, taa tandooje ləm tɔ Gə mba kari to ne njekəmkàr mee ndɔje gə́ nai nɔḭ’g.

Esai 5:4

See ɗi ɓa gə́ né gə́ kəm ra gə ndɔ-nduú ləm Gə́ ma m’lal ra səa ɓəi wa. See gelee ban ɓa loo gə́ m’unda məəm yel gə mba kiŋga ka̰dee gə́ maji Ndá yee andə gə ka̰dee gə́ majel wa.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 36:3

Loo gə́ gel-bɔje lə Juda d’a koo sor némajije lai gə́ ma m’wɔji gə mba ra sə dee lé ndá banelə nana kara a kɔs badm tel dɔ rəw-kabee gə́ majel’g. Yen ɓa məəm a koso lemsé dɔ panjaa dee’g ləm, gə dɔ kaiya ra dee’g ləm tɔ.

Jeremi 38:17

Yen ŋga Jeremi ula Sedesias pana: Njesigənea̰, Ala gə́ njeboo-néje gə́ to Ala lə Israɛlje lé pa togə́bè pana: Ɓó lé i aw ɔm gə ŋgan-mbaije lə mbai gə́ Babilɔn na̰’d ndá i a kaji ləm, ɓee-boo neelé d’a roo el ləma, i seḭ gə njémeekəije ləi a síje kəmba ləm tɔ.

Jeremi 6:8

Dəwje gə́ Jerusalem, Taaje tandooje ləm Nà m’a kɔr rɔm rɔ sí’g, Kar ɓee lə sí tel to dɔdilaloo ləm, Gə ɓee gə́ dəw si keneŋ el ləm tɔ!

Jeremi 7:7

m’a kya̰ sí kar sí síje lée’g neelé mee ɓee gə́ ma m’ar bɔ síje-je kédé par-par saar gə no̰ lé.

Jeremi 8:6

Neḛ n’isi gèŋ N’ur mbi neḛ gə mba koo ndu dee, Deḛ pata gə́ kəm kar dee pa lé el, Nɛ dəw kára kara wa ndòo rəa Dɔ meeyèr’g ləa el ləm, Dəji pana: See ɗi ɓa m’a ra wa kara bèe el ləm tɔ. Deḛ lai tel d’un rəw néra dee gogo To gə́ kunda gə́ aiŋgwɔd gə́ loo-rɔ’g bèe.

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Tel tura Godndu 4:16

nà banelə seḭ a tujije ne rɔ sí bura gə mbata lə néndaji gə́ seḭ a tɔleeje kṵdáje gə́ magə kaareeje to tana gə diŋgam əsé gə dené ləm,

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

2 Piɛrə 3:9

Mbaidɔmbaije lé to njekuba goo ndukun ləa kyá̰ el. Njé gə́ na̰je ɓa la̰ji meḛ dee’g pana: Yeḛ uba yá̰ gə́ kyá̰ ŋga nɛ yeḛ ila mée dɔ sí’g po̰ mbata yeḛ ndigi kar dəw kára kara tuji el, nɛ yeḛ ndigi kar sí-seḭ lai unje kəm sí dɔ kaiya’g lə sí rəw ya.