Soponi 3:6 - Maktub gə́ To gə Kəmee

⁶ Ma m’tuji ginkoji dəwje gə raŋg M’ar dee d’udu guduru ləm, Kəi-kaar-kɔgərɔje lə dee kara Ma m’tuji ləm tɔ, M’ar mba̰-rəwje lə dee tuji pugudu ləm, Njedəs keneŋ kara godo ləm tɔ! Ɓee-booje lə dee tuji pugudu ləm, Dəwje gə́ d’isi keneŋ kara godo ləm tɔ.

Soponi 3:6 ပူးပေါင်းရင်းမြစ်များ

Esai 14:26

Aa ooje, yee ɓa gə́ né gə́ m’wɔji-kwɔji ra Gə njé gə́ naŋg nee lai ləm, Aa ooje, yee ɓa gə́ jim gə́ m’tɔji ginkoji dəwje gə raŋg lai dɔ naŋg nee ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Jeremi 9:12

Njesigənea̰ pana: To mbata deḛ d’uba godndum gə́ m’unda no̰ dee’g lé d’ya̰ ləm, mbata deḛ d’un mbi dee rəw dɔ ta’g ləm ra née el ləm tɔ,

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Soponi 2:5

Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.

Matiyo 23:38

Aa ooje, d’a kuba kəi lə sí kya̰ mée wəl kar sí.

1 Njé gə́ Kɔrḭtə 10:11

Néje lai gə́ teḛ dɔ dee’g lé to nétɔji sí ya. Deḛ ndaŋg taree d’ar sí mba ndəji sí ne, jeḛ gə́ rudu ndəa a gə kun dɔ sí’g lé.

1 Njé gə́ Kɔrḭtə 10:6

Néje nee lai teḛ dɔ dee’g togə́bè mba to ne nétɔji mbata lə sí ɓó gə mba kar sí n’tusu rɔ sí j’ya̰ dan mal néje gə́ majel gə́ ra sí to gə́ ra dee kédé lé el.

Jujé 23:4

Aa ooje, dɔ naŋg lə ginkoji dəwje gə raŋg gə́ nai neelé, un kudee baa gə́ Jurdɛ̰, na̰’d gə dɔ naŋg lə ginkoji dəwje gə raŋg gə́ ma m’tuji dee nee saar m’teḛ ne baa-boo-kad gə́ boi gə́ par gə́ loo kur naŋg’d lə kàr gə́ ma m’ar sí gə́ né ka̰ sí-seḭ gə goo nékwɔji lée gə́ to asəna gə téḛ bèe ləm, gə goo ginkojije lə sí ləm tɔ.