Soponi 3:3 - Maktub gə́ To gə Kəmee

³ Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Soponi 3:3 ပူးပေါင်းရင်းမြစ်များ

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 5:29

Ndu no̰ lə dee to asəna gə ndu no̰ lə ko̰ toboḭ bèe ləm, Deḛ no̰ to gə́ ŋgan toboḭje ləma, D’inja miḭ d’wa né ndá ndɔree d’aw ne D’ar dəw kára kara taa ji dee’g el ləm tɔ.

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Jeremi 23:11

Njéteggintaje gə njékinjanéməsje Tel to dəwje gə́ mina̰. Mee kəi’g lə neḛ ya kara N’iŋga meeyèr lə dee keneŋ, Njesigənea̰ ɓa pa bèe.

Jeremi 34:19

gə mbaije gə́ Juda ləm, gə mbaije gə́ Jerusalem ləm, gə njéko̰ɓeeje ləm, gə njékinjanéməsje ləma, gə koso-dəwje lai gə́ mee ɓee’g nee gə́ njaa mbuna dakas ŋgon maŋg gə́ gaŋgee dana ləm tɔ lé

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Ejekel 22:6

Aa ooje, mbaije gə́ njékaa dɔ dəb ɓeeko̰ gə́ Israɛlje lai gə́ d’isi keneŋ lé d’wa siŋga dee kɔgərɔ mba kila məs.

Ejekel 33:26

Seḭ ɔmje meḛ sí dɔ kiambas’g lə sí raje ne néje gə́ mina̰ jɔmri-jɔmri ar nana kara mbuna sí’g ula ne sul dɔ dené’g lə njeboatakəi ləa. Ŋga see ɓee lé a to ka̰ sí ya ɓəi wa.

Habakuk 1:8

Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.