Soponi 3:2 - Maktub gə́ To gə Kəmee

² Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Soponi 3:2 ပူးပေါင်းရင်းမြစ်များ

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Pakɔsje 10:4

Njemeeyèr lé pa gə kəsta pana: Ala a kar bo̰ néra neḛ ɔs ta neḛ’g el. Ala si gən pai godo. Takə̰ji ləa ya lai nee ndá.

Pakɔsje 50:17

Ta gə́ d’wɔjii lé i ə̰ji bəḭ-bəḭ ləm, Taje lə neḛ kara i mbad ya ləm tɔ.

Pakɔsje 73:28

Nɛ ma lé kam m’ŋgəs pər gə́ rɔ Ala’g lé Yee ɓa m’oo gə́ némaji ləm, M’oo Mbaidɔmbaije gə́ Njesigənea̰ gə́ njo̰loo-kula-dɔ ləm Gə mba kɔr ne sor kwɔji ne dɔ néraije’g lai ləm tɔ.

Pakɔsje 78:22

Mbata deḛ lé d’ɔm meḛ dee dɔ Ala’g lé el, Deḛ d’unda meḛ dee dɔ la gə́ yeḛ la ne sə dee el tɔ.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Gosota-Kəmkàrje 5:12

Ndá i a pa pana: See to gə́ ban ɓa ma m’ə̰ji ta Gə́ deḛ gɔlm ne lé bəḭ-bəḭ ləm Meem mbad ta gə́ deḛ pa səm lé ləm,

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 43:22

Nɛ seḭ njé’g lə Jakob seḭ ɓarje rim el ləm, Mbata seḭ Israɛlje rɔ sí wəi sululu dɔm’g ləm tɔ.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 22:21

Ma m’ula sí ta Loo gə́ seḭ síje dan maji’g, Nɛ seḭ pajena: A kooje ta el. Yee ɓa gə́ néra sí gə́ un kudee gə kas sí ba lé Seḭ unje ne mbi sí rəw dɔ ta’g lə neḛ.

Jeremi 32:33

Deḛ tel gir dee d’ila d’am ɓó d’oom gə kəm dee el. Deḛ ndoo dee né teḛ gə ndɔ rad ya ndoo dee ya nɛ deḛ d’ur mbi dee mba taa ne tandoo lé el.

Jeremi 35:13

Njesigənea̰, Ala lə Israɛlje pa togə́bè pana: Aw dəji dəwje gə́ Juda gə njé gə́ Jerusalem pana: See seḭ a taaje tandoo gə mba kila ne ŋgonkoji dɔ ta’g ləm wa. Njesigənea̰ ɓa dəji sí ta bèe.

Jeremi 35:17

Gelee gə́ nee ɓa Njesigənea̰, Ala gə́ njeboo-néje gə́ to Ala lə Israɛlje pa ne togə́bè pana: Aa ooje, m’a kar némeekonje lai gə́ m’ila mberee m’wɔji ne dɔ Judaje gə dɔ njé gə́ Jerusalem lé teḛ dɔ dee’g mbata ma m’ula dee ta nɛ deḛ d’un mbi dee dɔ’g ləm, m’ɓar dee kara deḛ ndigi tam’g el ləm tɔ.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Ejekel 22:24

I ŋgon-dəw lé, ula njé gə́ Jerusalem pana: Dɔ naŋg lə dee to asəna gə dɔ naŋg gə́ mán en keneŋ ləm, ndi ər keneŋ ndɔ oŋg’d el ləm tɔ.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

2 Timote 3:16

Taje lai gə́ to mee maktub’g neelé to ta gə́ ḭ ta Ala’g ya, maji mba ndoo dee ne ləm, mba ndaŋg dee ne ləm, mba gɔl dee ne ləma, mba tɔji dee ne né gə́ to gə dɔ najee ləm tɔ

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.