Soponi 3:16 - Maktub gə́ To gə Kəmee

¹⁶ Mee ndəa’g neelé d’a kula Jerusalemje pana: Ɓəlje el! Seḭje gə́ Sio̰, Maji kar ji sí unda ndolè el!

Soponi 3:16 ပူးပေါင်းရင်းမြစ်များ

Maktub gə́ wɔji dɔ Jɔb 4:3

Aa oo, ta-ta i ndoo dəwje gə́ raŋg né ləm, I ar deḛ gə́ ji dee unda ndolé kara ɓar mèr-mèr ləm,

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 44:2

Njesigənea̰ gə́ njera sí ləm, Yeḛ gə njekuba sí meḛ ko̰ síje’g ləma, Yeḛ gə́ njegəd sí ləm tɔ lé Pa togə́bè pana: Seḭ njé’g lə Jakob gə́ toje kuraje ləm, Seḭ Israɛlje ləm gə́ m’ɔr sí m’unda sí gə kəmee ləm tɔ lé Ɓəlje el!

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Joɛl 2:21

I dɔ naŋg lé, maji kari gə́ ɓəl el Nɛ maji kari al rɔi ləm, ra rɔlel ləm tɔ Mbata Njesigənea̰ ra néje gə́ boo.

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Jakari 8:15

Nɛ ɓasinè mee ndɔje’g neelé Neḛ n’tel n’wɔji njaŋg gə mba ra meemaji gə njé gə́ Jerusalem Gə dəwje gə́ Juda bèe-bèe ya. Bèe ndá maji kar sí ɓəlje el.

Tagə́maji gə́ Ja̰ ndang 12:12

Bèlè lookàree ndá boo-dəwje gə́ ree loo-naḭ’g loo gə́ deḛ d’oo to gə́ Jeju sí ree gə́ Jerusalem

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

Njé gə́ Galati 6:9

Ar sí j’arje rɔ sí wɔi sí ndiŋ-ndiŋ dɔ néra gə́ maji’g lé el mbata ɓó lé meḛ sí a kila kas dɔ’g el ndá naḭyee ndá j’a kiŋga née ya.

Njé gə́ Epesə 3:13

Togə́bè ɓa, ma m’dəji sí mba kar sí arje némeeko̰ gə́ m’ai məəm danee’g sam-sam mbata lə sí lé ar rɔ sí wəi ne keneŋ sululu el, némeekonje neelé d’a tel to nérɔnduba lə sí ya.

Ǝbrəje 12:12

Gelee gə́ nee ɓa ji sí gə́ unda ndolè lé ar deeje ɓar mèr-mèr ləm, kəji sí gə́ unda bala kara aarje ne tar jigiri ləm tɔ.

Loo gə́ killa rea kəm Ja̰’g 2:3

Meekai sam-sam ləi lé i ya̰ gée el. I wa rɔi kɔgərɔ mbata rim ɓó ar məəi ila kas el.